Upcoming Electric Scooter: డిసెంబర్లో లాంచ్ కానున్న ఎలక్ట్రిక్ స్కూటర్లు ఇవే.. బెస్ట్ బ్రాండ్లు.. టాప్ క్లాస్ ఫీచర్లు..
మన దేశంలో ఎలక్ట్రిక్ ద్విచక్ర వాహనాలకు డిమాండ్ పెరుగుతోంది. పర్యావరణ హితమైన ఈ వాహనాలను వినియోగదారులు పెద్ద ఎత్తున కొనుగోలు చేస్తున్నారు. ముఖ్యంగా అర్బన్ అవసరాలకు ఇవి బాగా ఉపయోగపడుతుండటంతో అందరూ వీటిపై ఆసక్తి చూపుతున్నారు. ఈ క్రమంలో అన్ని కంపెనీలు తమ ఉత్పత్తులను విరవిగా మార్కెట్లోకి విడుదల చేస్తున్నాయి. మనం ఇప్పుడు 2023 ఆఖరు నెలలో ప్రవేశించాం. ఈ సంవత్సరాంతంలో కొన్ని ఎలక్ట్రిక్ కంపెనీలు తమ ఉత్పత్తులను లాంచ్ చేయాలని భావిస్తున్నాయి. వాటిల్లో టాప్ బ్రాండ్లు అయిన బజాజ్, ఏథర్, సింపుల్, కైనెటిక్, గోగోరో వంటి కంపెనీలు ఉన్నాయి. ఆయా కంపెనీల నుంచి రానున్న ఎలక్ట్రిక్ స్కూటర్ల గురించి ఇప్పుడు చూద్దాం..
ఏథర్ 450 అపెక్స్.. ఏథర్ ఎనర్జీ 450 అపెక్స్‌ను తీసుకొస్తోంది. ఇది త్వరలో మార్కెట్లోకి రానుంది. ఇది 450ఎక్స్ కన్నా వేగవంతమైన వెర్షన్‌గా ప్రచారం చేస్తోంది. ఇది అద్భుతమైన యాక్సెలసరేషన్, పనితీరు గణాంకాలను కలిగి ఉంటుంది. హార్డ్‌వేర్ పరంగా స్కూటర్ ఎలా అభివృద్ధి చెందుతుంది. మెరుగుదలలో గణనీయమైన ధర ప్రీమియంతో కూడి ఉంటాయా అనేది చూడాలి.
బజాజ్ చేతక్ అర్బేన్.. ఈ నెలలో, బజాజ్ నుంచి అప్ గ్రేడ్ అయిన చేతక్ అర్బేన్ లాంచ్ అవుతోంది. బేస్ వేరియంట్ లో కొన్ని మార్పులతో దీనిని తీసుకొచ్చారు. దీనిలో డ్రమ్ బ్రేక్‌లు, సింగిల్ ఎకో రైడింగ్ మోడ్‌ ఉంది. ఈ కొత్త చేతక్ అర్బేన్ ప్రారంభ శ్రేణి ధర రూ.1.15 లక్షలు కాగా.. అత్యాధునిక కనెక్టివిటీ ఎంపికలు, ఎలక్ట్రానిక్ సదుపాయాలు, అదనపు రైడింగ్ మోడ్‌ను అందించే టెక్ ప్యాక్ వేరియంట్ ధర రూ. 1.21 లక్షలు (ఎక్స్-షోరూమ్).
గోగోరో క్రాస్ఓవర్.. తైవానీస్ ఎలక్ట్రిక్ మొబిలిటీ సంస్థ గొగోరో క్రాస్ఓవర్ ఇ-స్కూటర్‌ను భారతీయ మార్కెట్కు పరిచయం చేసేందుకు సిద్ధమైంది. ఈ సంవత్సరం ప్రారంభంలో గ్లొబల్ మార్కెట్లోకి వచ్చిన గొగోరో క్రాస్ఓవర్ అనేది ఆఫ్-రోడ్-స్నేహపూర్వక ఫీచర్లతో కూడిన బెస్ట్ మోడల్. ఇది మన దేశంలోని రోడ్ల కోసం ఎటువంటి మార్పులు చేసిందో గోగోరో చెప్పలేదు. అయితే బేస్ వేరియంట్లో పలు రకాల అప్ గ్రేడ్లు అయితే ఉంటాయని తెలుస్తోంది.
కైనెటిక్ గ్రీన్ ఎలక్ట్రిక్ స్కూటర్.. కైనెటిక్ గ్రీన్ డిసెంబర్ 11న కొత్త ఎలక్ట్రిక్ స్కూటర్‌ను ఆవిష్కరించడానికి సన్నాహాలు చేస్తోంది, ఇది కంపెనీకి ఒక ముఖ్యమైన మైలురాయిగా మారే అవకాశం ఉంది. కొత్త ఈ-స్కూటర్ గురించిన సమాచారం పరిమితం అయినప్పటికీ, లాంచ్‌తో పాటు సరికొత్త బ్రాండ్ గుర్తింపును కంపెనీ ప్రజలకు హామీ ఇస్తుంది. రాబోయే మోడల్‌కు విలక్షణమైన టచ్‌ని జోడిస్తుంది. కైనెటిక్ గ్రీన్ కు సంబంధించిన మరిన్ని వివరాలు త్వరలో వెల్లడి అవుతాయి.
సింపుల్ డాట్ వన్.. సింపుల్ ఎనర్జీ తన ప్రారంభ ఎలక్ట్రిక్ స్కూటర్‌ను డెలివరీ చేయడంలో జాప్యాన్ని ఎదుర్కొన్నప్పటికీ , కంపెనీ తన రెండో ఎలక్ట్రిక్ మోడల్‌ను ఆవిష్కరించడానికి వెనుకాడలేదు. సింపుల్ డాట్ వన్ అనేది అత్యంత సరసమైన ధరకే లభిస్తుందని అంచనా వేస్తున్నారు. డాట్ వన్ గురించిన మరింత సమాచారం రాబోయే రోజుల్లో వెల్లడి చేసే అవకాశం ఉంది.