Indian Railways: ప్రయాణికులకు రైల్వేశాఖ నుంచి మరో శుభవార్త.. ఆ రైళ్లు పొడిగింపుపై నిర్ణయం
సంక్రాంతి పండుగ సందర్భంగా రైల్వేశాఖ పెద్ద మొత్తంలో ప్రత్యేక రైళ్లను ప్రవేశపెట్టిన విషయం తెలిసిందే. ప్రయాణికుల రద్దీకి తగ్గట్లుగా స్పెషల్ ట్రైన్లను తీసుకొచ్చింది. అయితే ఈ క్రమంలో రైల్వేశాఖ మరో గుడ్ న్యూస్ అందించింది. మరికొన్ని ప్రత్యేక సర్వీసులను పొడిగిస్తూ నిర్ణయం తీసుకుంది.
ప్రయాణికులకు రైల్వేశాఖ మరో గుడ్న్యూస్ అందించింది. ప్రయాణికుల రద్దీని పరిగణలోకి తీసుకున్న రైల్వేశాఖ మరో కీలక నిర్ణయం తీసుకుంది. వేర్వేరు ప్రాంతాల మధ్య తిరుగుతున్న ప్రత్యేక సర్వీసులను మరికొన్ని రోజుల పాటు పొడిగించింది. ఈ మేరకు శనివారం ఓ ప్రకటన విడుదల చేసింది. ఆ వివరాలు ఇప్పుడు చూద్దాం.
సంత్రగాచి-యోలహంకా(02863) రైలును జనవరి 22వ తేదీ నుంచి ఫిబ్రవరి 26వ తేదీ వరకు, యోలహంకా-సతంత్రగాచి(02864) రైలును ఈనెల 24వ తేదీ నుంచి ఫిబ్రవరి 28వ తేదీ వరకు పొడిగించారు. ఇక షాలీమార్-చెన్నై(02841) రైలును ఫిబ్రవరి 2 నుంచి 23 వరకు పొడిగించారు.
చెన్నై సెంట్రల్-షాలీమార్(02842) రైలును ఫిబ్రవరి 4 నుంచి 25వ తేదీ వరకు సర్వీసులు అందించనుంది. ఇక కాకినాడ-మైసూర్(07033) ఫిబ్రవరి 2 నుంచి 27వ తేదీ వరకు. మైసూర్-కాకినాడ(07034) ఫిబ్రవరి 3 నుంచి 28 వరకు పొడిగించారు. ఇక నర్సాపూర్-బెంగళూరు(07153) ఫిబ్రవరి 6 నుంచి 27 వరకు అందుబాటులో ఉండనుంది.
ఇక బెంగళూరు-నర్సాపూర్(07154) రైలు ఫిబ్రవరి 7 నుంచి 28 వరకు పొడిగించారు. ఇక హైదరాబాద్-బెలగావి(07043) ఫిబ్రవరి 5 నుంచి 12 వరకు బెలగావి వరకు పొడిగించారు. బెలగావి-హైదరాబాద్(07044) ఫిబ్రవరి 6 నుంచి 13వ తేదీ వరకు అందుబాటులో ఉండనుంది.
సంక్రాంతి సందర్భంగా రైల్వేశాఖ ఇప్పటికే ప్రత్యేక రైళ్లను నడుపుతున్న విషయం తెలిసిందే. ఈ నెల చివరి వరకు స్పెషల్ రైళ్లను అందుబాటులోకి తెచ్చింది. హైదరాబాద్ నుంచి తెలుగు రాష్ట్రాల్లోని పలు ప్రాంతాలకు వీటిని తిప్పుతోంది.