LIC Policy: ప్రతీ నెలా రూ. 3810 డిపాజిట్ చేస్తే.. మీ కూతురు కోసం రూ. 27 లక్షలు పొందొచ్చు.. పూర్తి వివరాలు..
ఖాతాదారుడు వరుసగా 3 సంవత్సరాలు ప్రీమియం చెల్లించి, ఖాతాను యాక్టివ్‌గా ఉంచితే లోన్ కూడా తీసుకోవచ్చు. ప్రతీ నెలా రూ. 3810 డిపాజిట్ చేస్తే..
పెరుగుతున్న ఫైనాన్సియల్ ఇబ్బందులు కారణంగా.. ప్రతీ వ్యక్తి తమ, తమ కుటుంబం భవిష్యత్తు కోసం ముందుగానే ప్రణాళికలు సిద్దం చేసుకుంటున్నారు. ఇక మీ పిల్లల భవిష్యత్తు కోసం ఆందోళన చెందాల్సిన అవసరం లేదు. దేశంలోని అతిపెద్ద భీమా సంస్థ ఎల్ఐసీ చక్కటి పాలసీని అందుబాటులో ఉంచింది. అదేంటో ఇప్పుడు తెలుసుకుందాం.
వాస్తవానికి, ఎల్ఐసీ అందిస్తున్న పాలసీలలో ఒకదాన్ని కన్యాదాన్ పాలసీ పేరిట మార్కెట్లో విక్రయిస్తున్నారు. అయితే, వాస్తవానికి అలాంటి పథకం లేదు. ఎల్ఐసీ జీవన్ లక్ష్య పాలసీ నూతన వెర్షన్‌ను ఏజెంట్ వీలైనంత ఎక్కువ మందికి విక్రయించడానికి, కన్యాదాన్ స్కీమ్ అని పిలుస్తుంటారు. ఇక అది ప్రజలను మరింతగా ఆకర్షిస్తోంది.
ఈ పాలసీ ప్రత్యేక లక్షణం ఏమిటంటే ఇది స్థిర ఆదాయంతో పాటు మూలధన భద్రతకు హామీ ఇస్తుంది. ఇందులో రోజూ రూ.127 జమ చేస్తే మీరు రూ .27 లక్షలు పొందవచ్చు. ఈ పాలసీ ప్రత్యేకత ఏమిటంటే, ఈ ప్లాన్ 25 సంవత్సరాలు, కానీ మీరు ప్రీమియంను 22 సంవత్సరాలు మాత్రమే చెల్లించాలి.
ఈ పథకం మధ్యలో బీమా చేసిన వ్యక్తి మరణిస్తే, కుటుంబం ఎటువంటి ప్రీమియం చెల్లించాల్సిన అవసరం లేదు. అదే సమయంలో, పాలసీ మిగిలిన సంవత్సరాల్లో అతడి కుమార్తెకు ప్రతి సంవత్సరం రూ .1 లక్ష లభిస్తుంది. ఈ పాలసీని తీసుకోవటానికి, కనీస వయస్సు 30 సంవత్సరాలు, కుమార్తె వయస్సు ఒక సంవత్సరం ఉండాలి. కుమార్తె వయస్సు ప్రకారం, ఈ పాలసీ కాలపరిమితి తగ్గించబడుతుంది. ఈ పాలసీని ఎక్కువ లేదా తక్కువ ప్రీమియం కోసం కూడా తీసుకోవచ్చు.