Ola EV Scooters: లేట్ అయినా లేటెస్ట్‌గా.. ఆ ఓలా స్కూటర్ల డెలివరీలు షురూ..!
ఇటీవల కాలంలో ప్రపంచవ్యాప్తంగా ఈవీ స్కూటర్ల డిమాండ్ పెరుగుతుంది. ముఖ్యంగా భారతదేశంలోని ప్రజలు పెరుగుతున్న పెట్రోల్ ధరల దెబ్బకు ఈవీ స్కూటర్లను ఆశ్రయిస్తున్నారు. పట్టణ ప్రాంతాల్లోని వారు ఈవీ స్కూటర్లన ఎక్కువగా ఇష్టపడడంతో వీటి డిమాండ్ అమాంతం పెరిగింది. భారతదేశంలో ఈవీ స్కూటర్ల అమ్మకాల్లో టాప్ ప్లేస్‌లో ఉన్న ఓలా కంపెనీ భారత మార్కెట్లో ఎస్1 జెన్-3 ఎలక్ట్రిక్ స్కూటర్ల డెలివరీలను ప్రారంభించినట్లు ప్రకటించింది. స్కూటర్ల లాంచ్ ఈవెంట్లో ఫిబ్రవరిలో డెలివరీలు ప్రారంభమవుతాయని బ్రాండ్ తెలిపింది. కానీ ఆలస్యం అయింది. జనవరి 31న మొత్తం ఎనిమిది స్కూటర్లను లాంచ్ చేశారు. ఎస్1 ప్రో ప్లస్, ఎస్1 ప్రో, ఎస్1 ఎక్స్, ఎస్1ఎక్స్+ స్కూటర్లు వివిధ బ్యాటరీ ప్యాక్ పరిమాణాలతో అందుబాటులో ఉంటాయి.
ఎస్1ఎక్స్ ప్లస్ ఇప్పుడు 11 కేడబ్ల్యూ గరిష్ట శక్తిని, 125 కిలోమీటర్ల గరిష్ట వేగంతో లాంచ్ చేశారు. ఈ స్కూటర్ 242 km వరకు ఐడీసీ పరిధిని కూడా కలిగి ఉంది. సింగిల్-ఛానల్ ఏబీఎస్‌తో ఫ్రంట్ డిస్క్ బ్రేక్, ఫిజికల్ కీ ఉంటుంది.
ఓలా ఎస్1 ఎక్స్ మూడు బ్యాటరీ ప్యాక్‌లతో అందుబాటులో ఉంటుంది. 2 కేడబ్ల్యూహెచ్, 3 కేడబ్ల్యూహెచ్, 4 కేడబ్ల్యూహెచ్ వేరియంట్స్‌లో కొనుగోలు చేయవచ్చు. ఈ స్కూటర్ గరిష్ట శక్తి 7 కేడబ్ల్యూకు పెరిగింది. ఈ స్కూటర్ దీని గరిష్ట వేగం గంటకు 123 కి.మీ.
ఓలా ఎస్1ప్రో ప్లస్ కొత్త ఫ్లాగ్లిప్ ఎలక్ట్రిక్ స్కూటర్. ఇది డ్యూయల్-ఛానల్ యాంటీ-లాక్ బ్రేకింగ్ సిస్టమ్, రిమ్ డెకాల్స్, డ్రై-కాస్ట్ గ్రాబ్ హ్యాండిల్, టూ టోన్ సీటు, 13 కేడబ్ల్యూ మోటారుతో వస్తుంది. ఈ స్కూటర్ గరిష్ట వేగం 141 కిలో మీటర్లుగా ఉంటే అలాగే ఈ స్కూటర్‌ను ఓ సారి చార్జ్ చేస్తే 320 కిలోమీటర్ల మైలేజ్ ఇస్తుంది.
ఓలా ఎస్1ప్రో 3 కేడబ్ల్యూహెచ్, 4 కేడబ్ల్యూహెచ్ బ్యాటరీ ప్యాక్‌తో వస్తుంది. ఈ స్కూటర్‌ను ఓ సారి చార్జ్ చేస్తే 242 కి.మీ మైలేజ్ ఇస్తుంది. ఈ స్కూటర్ గరిష్ట వేగం గంటకు 125 కి.మీగా ఉంది.
అలాగే ఓలా మూవ్ ఓస్ 5 బీటా కోసం ఆసక్తి ఉన్న కస్టమర్ల కోసం రిజిస్ట్రేషన్లను ప్రారంభించినట్లు ఓలా ఎలక్ట్రిక్ అధికారికంగా ప్రకటించింది. కంపెనీ సోషల్ మీడియా ప్లాట్‌ఫారమ్‌లో పోస్ట్ ద్వారా ఈ ప్రకటన చేశారు. జెన్-1, జెన్-2 ఎలక్ట్రిక్ స్కూటర్లు రెండింటికీ బీటా సాఫ్ట్వేర్ అందుబాటులో ఉంది. అయితే కొత్తగా ప్రారంభించిన జెన్-3 3 ఎలక్ట్రిక్ స్కూటర్లు ఇప్పటికే మూవ్ ఓఎస్-5తో వస్తుంది.