WhatsApp Fraud: మీ వాట్సాప్కు ఇలాంటి మెసేజ్ వచ్చిందా..? తస్మాత్ జాగ్రత్త.. ఓపెన్ చేస్తే అకౌంట్ ఖాళీ!
WhatsApp Fraud: వాట్సాప్లో వచ్చిన డిజిటల్ కార్డులను వెంటనే తెరవకండి. కార్డును డౌన్లోడ్ చేసే ముందు, అది ఏ నంబర్ నుంచి వచ్చింది అనే విషయాన్ని తనిఖీ చేసుకోండి. పరిచయస్తుల నంబర్ అయితేనే డౌన్లోడ్ చేయండి..
ఇప్పుడు ఎక్కువగా పెళ్లి కార్డులు ఎక్కువగా డిజిటల్ రూపంలో వస్తున్నాయి. కానీ, వాట్సాప్లో వచ్చిన డిజిటల్ వెడ్డింగ్ కార్డుల కారణంగా సైబర్ మోసాలు రోజురోజుకు పెరుగుతున్నాయి. ఒక వ్యక్తి కి ఒక కొత్త నంబర్ నుంచి పెళ్లి కార్డు వాట్సాప్లో వచ్చింది. అది మెసేజ్ వచ్చిన వెంటనే ఆ వ్యక్తి దానిని డౌన్లోడ్ చేసి చూశాడు. కానీ, డౌన్లోడ్ చేసిన వెంటనే అతని ఫోన్లో అనేక SMSలు వస్తుండడంతో అతను ఏమి జరిగిందో అర్థం చేసుకోలేదు. కొంత సమయం తర్వాత అతని ఖాతా నుంచి 7 లక్షలకు పైగా డబ్బు కట్ అవ్వడం గమనించారు. ఇక ఖాతాలో రూ.17 మాత్రమే మిగిలినప్పుడు, యువకుడు ఆందోళనగా బ్యాంకుకు ఫోన్ చేసి వివరాలు తెలుసుకున్నాడు.
సైబర్ క్రిమినల్ అతని ఫోన్ని హ్యాక్ చేసి, డిజిటల్ కార్డు ద్వారా బ్యాంక్ ఖాతా నుంచి డబ్బును డ్రా చేశారు. ఇది అనేది కేవలం మీరట్లో జరిగిన సంఘటన కాదు, ఢిల్లీ కరోల్ బాగ్ నివాసి దీపక్ సచ్దేవా అనే వ్యక్తికి కూడా ఇదే తరహా సైబర్ మోసం జరిగింది. ఇలా రోజురోజుకు సైబర్ మోసాలు ఆన్లైన్ లో ఎక్కువగా జరుగుతున్నాయి.
సైబర్ మోసం: కొత్త డిజిటల్ కార్డ్ మోసం పెళ్లి కార్డుల రూపంలో సైబర్ దుండగులు డిజిటల్ కార్డులతో పాటు మాల్వేర్ వైరస్లను అటాచ్ చేస్తున్నారు. ఆ కార్డులను డౌన్లోడ్ చేసిన వెంటనే ఫోన్లో వైరస్ యాక్టివ్ అవుతుంది. ఈ వైరస్ ద్వారా మొబైల్ను హ్యాక్ చేసి, మొబైల్లోని అన్ని రహస్య డేటాను సైబర్ దుండగులు ఎప్పటికప్పుడు చోరీ చేస్తున్నారు.
అయితే, ఈ కార్డులు తెలియని నంబర్ల నుంచి వస్తున్నాయని గుర్తించి, వాటిని డౌన్లోడ్ చేయకూడదు. ఈ విధంగా అవగాహన కల్పించి, సైబర్ మోసాల నుంచి ప్రజలను కాపాడాలని సైబర్ క్రైమ్ విభాగం కోరింది.
డిజిటల్ కార్డ్ మోసాల నుంచి ఎలా రక్షించుకోవాలి?: వాట్సాప్లో వచ్చిన డిజిటల్ కార్డులను వెంటనే తెరవకండి. కార్డును డౌన్లోడ్ చేసే ముందు, అది ఏ నంబర్ నుంచి వచ్చింది అనే విషయాన్ని తనిఖీ చేసుకోండి. పరిచయస్తుల నంబర్ అయితేనే డౌన్లోడ్ చేయండి. పరిచయస్తుడు పంపిన కార్డేనా అని తెలుసుకోవడానికి అతనితో మాట్లాడండి. అనుమానాస్పద నంబర్ నుంచి వచ్చిన కార్డులను ఎప్పుడూ డౌన్లోడ్ చేయకండి. ముందుగానే అజాగ్రత్తపడి, ఆందోళన చెందకుండా జాగ్రత్తగా వ్యవహరించండి. ప్రస్తుతం మీరట్లో అలాంటి ఏకొక్క సైబర్ మోసం గురించి ఫిర్యాదులు రావడం లేదు. కానీ ఈ డిజిటల్ కార్డ్ మోసం చాలా ప్రమాదకరమైందని సైబర్ క్రైమ్ విభాగం స్పష్టం చేసింది. సైబర్ దుండగులు పెళ్లి సమయంలో డిజిటల్ కార్డుల ద్వారా ప్రజలను ట్రాప్ చేస్తారు. ప్రజలు ఈ విషయంపై జాగ్రత్తగా ఉండాలని నిపుణులు సూచిస్తున్నారు.