Betel Leaves: తమలపాకుతో బోలెడు లాభాలు.. ఆరోగ్యం బాలేనప్పుడు ఇలా చేశారంటే తక్షణ ఉపశమనం పొందొచ్చు
దక్షిణాదిలో చాలా ఇళ్లలో భోజనం తర్వాత తాంబూలం వేసుకునే ఆచారం ఉంది. ఇప్పుడు అది తగ్గి ఉండవచ్చు. కానీ రెగ్యులర్‌గా తినేవాళ్లు చాలా మంది ఉన్నారు. ఆయుర్వేదం ప్రకారం తమలపాకు ప్రాముఖ్యత నోటిని శుభ్రపరచడానికి మాత్రమే పరిమితం కాదు. ఇది అనేక శారీరక సమస్యలను కూడా దూరం చేస్తుంది..
దక్షిణాదిలో చాలా ఇళ్లలో భోజనం తర్వాత తాంబూలం వేసుకునే ఆచారం ఉంది. ఇప్పుడు అది తగ్గి ఉండవచ్చు. కానీ రెగ్యులర్‌గా తినేవాళ్లు చాలా మంది ఉన్నారు. ఆయుర్వేదం ప్రకారం తమలపాకు ప్రాముఖ్యత నోటిని శుభ్రపరచడానికి మాత్రమే పరిమితం కాదు. ఇది అనేక శారీరక సమస్యలను కూడా దూరం చేస్తుంది.
వేసవిలో చాలా మందికి ముక్కు నుంచి రక్తం వస్తుంది. ఈ సమస్య నివారణకు తమలపాకు చాలా ప్రభావవంతంగా ఉంటుంది. తమలపాకు రక్తం త్వరగా గడ్డకట్టేలా చేస్తుంది. తమలపాకు బ్యాక్టీరియాతో పోరాడుతుంది. కాబట్టి మొటిమలు, దద్దుర్లు వంటి చర్మ సమస్యలను ఇట్టే నివారిస్తుంది.
ఆర్థరైటిస్ నొప్పిని తగ్గించడంలో తమలపాకులు కూడా ప్రభావవంతంగా పనిచేస్తాయి. తమలపాకును రోజూ తినడం వల్ల కీళ్లనొప్పులు నయం అవుతాయి. తమలపాకును క్రమం తప్పకుండా తినడం వల్ల శరీరంలో జీవక్రియ రేటు పెరుగుతుంది. జీవక్రియ రేటు పెరిగినప్పుడు బరువు తగ్గడం సులభం అవుతుంది.
తమలపాకు పానీయం కూడా జలుబు నుంచి తక్షణ ఉపశమనం కలిగిస్తుంది. తమలపాకులను నీళ్లలో వేసి మరిగించి ఆ నీటిని తాగడం వల్ల జలుబు పోరాడి ఉపశమనం లభిస్తుంది.
దీనితో పాటు తమలపాకు నీటిని తాగడం వల్ల జీర్ణక్రియకు కూడా సహాయపడుతుంది. తమలపాకు నీటిని తాగడం వల్ల జీర్ణశక్తి మెరుగుపడుతుంది. గ్యాస్ సమస్య తొలగిపోయి గుండె మంట నుంచి ఉపశమనం కలిగిస్తుంది.