ఈ చవకైన డ్రైఫ్రూట్‌ ఆరోగ్యానికి వరం..! నానబెట్టిన బాదం కంటే రెట్టింపు శ‌క్తివంతం
మనమంతా ఎక్కువగా నానబెట్టిన బాదంపప్పును ఉదయాన్నే ఖాళీ కడుపుతో తింటుంటాం. బాదంపప్పులో ఉండే పోషకాలు శరీరానికి చాలా మేలు చేస్తాయి. అయితే నానబెట్టిన వేరుశెనగ వల్ల కలిగే ప్రయోజనాల గురించి మీకు తెలుసా? నానబెట్టిన వేరుశనగలు తినేటప్పుడు అవి శరీరం ద్వారా సులభంగా గ్రహించబడతాయి. మొత్తం ఆరోగ్యాన్ని మెరుగుపరుస్తాయి.
వేరుశనగ గింజలు ఆరోగ్యానికి చాలా మేలు చేస్తాయి. వీటిని ప్రతీరోజు కొద్ది మెుత్తంలో తీసుకోవడం వలన శరీరానికి చాలా రకాల ప్రయోజనాలు దక్కుతాయి. తక్కువ ధరకు లభించే కాయల్లో వేరుశెనగ ఒకటి. ఇప్పటివరకు మనం ఈ వేరుశనగలను ఉడకబెట్టి లేదా కాల్చి తింటాం. నీళ్లలో నానబెట్టి తింటే ఇంకా మంచి లాభాలు ఉంటాయి.
నానబెట్టిన వేరుశెనగ గుండె ఆరోగ్యాన్ని కాపాడుకోవడానికి చాలా మేలు చేస్తుంది. నానబెట్టిన వేరుశెనగలను ప్రతిరోజూ తినడం వల్ల రక్త ప్రసరణ అదుపులో ఉంటుంది. ఇది గుండెపోటు ప్రమాదాన్ని తగ్గిస్తుంది. నానబెట్టిన వేరుశెనగలను బెల్లం కలిపి తింటే కీళ్ల నొప్పులు, వెన్నునొప్పి నుంచి ఉపశమనం లభిస్తుంది.
నానబెట్టిన వేరుశెనగలను ఉదయాన్నే ఖాళీ కడుపుతో తింటే గ్యాస్, ఎసిడిటీ సమస్య నుంచి ఉపశమనం లభిస్తుంది. వేరుశెనగలో ఉండే యాంటీఆక్సిడెంట్లు, ఐరన్, ఫోలేట్, కాల్షియం, జింక్ శరీరాన్ని క్యాన్సర్ కణాల నుండి దూరంగా ఉంచుతాయి. నానబెట్టిన వేరుశనలు గుండె జబ్బుల ప్రమాదాన్ని తగ్గిస్తాయి. గుండె పనితీరును మెరుగుపరుస్తుంది.
వేరుశనగలను నానబెట్టినప్పుడు, అవి ఫైటిక్ యాసిడ్ వంటి సంక్లిష్ట సమ్మేళనాలను విచ్ఛిన్నం చేయడంలో సహాయపడతాయి. సులభంగా జీర్ణం చేస్తాయి. జీర్ణ సమస్యలను నివారిస్తుంది. వేరుశనగలో పీచు ఎక్కువగా ఉంటుంది.
నానబెట్టినప్పుడు ఫైబర్ శరీరం సులభంగా గ్రహించబడుతుంది. రక్తంలో చక్కెర స్థాయిలను నియంత్రించడంలో సహాయపడుతుంది. మధుమేహ వ్యాధిగ్రస్తులకు ఒక సూపర్ స్నాక్ గా నానబెట్టిన వేరుశనగ పని చేస్తుంది.
వేరుశనగను నానబెట్టినప్పుడు వాటిలో పోషకాలు పెరుగుతాయి. గింజలను నానబెట్టే ప్రక్రియలో, విటమిన్లు, ఖనిజాల వంటి అవసరమైన పోషకాలను విడుదల చేసే ఎంజైమ్‌లు సక్రియం చేయబడతాయి. నానబెట్టిన వేరుశనగలు తింటే చాలా సేపు కడుపు నిండిన అనుభూతిని కలిగిస్తుంది. కేలరీల తీసుకోవడం తగ్గిస్తుంది.