పొద్దున్నే ఖాళీ పొట్టతో నెయ్యి తినడం మంచిదేనా..? ప్రతి ఒక్కరూ తప్పక తెలుసుకోవాలి
దేశీ నెయ్యిలో గణనీయమైన పోషకాలు ఉంటాయి. పురాతన కాలం నుండి దేశీ నెయ్యిని ఆహారంలో భాగంగా చేర్చుకుంటున్నారు.. మీ రోజువారీ ఆహారంలో భాగంగా దేశీ నెయ్యిని సరైన పరిమాణంలో, సరైన విధంగా చేర్చుకోవడం వల్ల అనేక ఆరోగ్య సమస్యల ప్రమాదాన్ని తగ్గించవచ్చు. ఆయుర్వేదం ప్రకారం, దేశీ నెయ్యి అన్ని రకాల ఆరోగ్య ప్రయోజనాలను అందిస్తుంది. దేశీ నెయ్యిని వాడేందుకు సరైన విధానం..? దాని అపారమైన ఆరోగ్య ప్రయోజనాల గురించి ఇక్కడ తెలుసుకుందాం...
ఉదయాన్నే ఖాళీ కడుపుతో నెయ్యిని తీసుకోవటం వల్ల శరీరంలో హానికరమైన విషవ్యర్ధాలు బయటకు నెట్టివేయబడతాయి. ఆయుర్వేదం ప్రకారం నెయ్యి అగ్నిని రగిలిస్తుంది. అంటే జీర్ణవ్యవస్థలో అగ్నిని మండిస్తుంది. ఇది శరీరంలో పేరుకుపోయిన విష పదార్థాలను బయటకు పంపడంలో ఉపయోగపడుతుంది.
పేగు ఆరోగ్యాన్ని మెరుగుపరచడంలో దేశీ నెయ్యి ప్రభావవంతంగా ఉంటుంది. మలబద్ధకం, మూలవ్యాధి వంటి కడుపు సమస్యల నుండి ఉపశమనం పొందడానికి దేశీ నెయ్యిని ప్రతిరోజూ తీసుకోవాలి. మీ శరీర శక్తి, జీవక్రియను పెంచడానికి దేశీ నెయ్యిని తీసుకోవడం మంచిది.
మీరు మీ ఎముకలను బలోపేతం చేయాలనుకుంటున్నారా..? కీళ్ల నొప్పుల నుండి ఉపశమనం పొందాలనుకుంటున్నారా? అయితే, రోజుకు ఒకటి, రెండు టీస్పూన్ల దేశీ నెయ్యిని మీ ఆహారంలో భాగం చేసుకోండి. కొద్ది రోజుల్లోనే మీ సమస్యలన్నీ పరిష్కరించబడతాయి.
బలహీనమైన రోగనిరోధక శక్తి కారణంగా మీరు తరచుగా అనారోగ్యానికి గురవుతున్నారా? రోగనిరోధక శక్తిని బలోపేతం చేయడానికి నెయ్యి అమృతంగా పనిచేస్తుంది. దేశీ నెయ్యి కంటి ఆరోగ్యానికి కూడా చాలా ప్రయోజనకరంగా ఉంటుంది. దేశీ నెయ్యి మెదడుపై సానుకూల ప్రభావాన్ని చూపుతుంది. పార్కిన్సన్స్, చిత్తవైకల్యం వంటి వ్యాధుల నుండి రక్షిస్తుంది.
ఎలా తినాలి: ఉత్తమ ఫలితాల కోసం ఉదయం ఖాళీ కడుపుతో 1-2 టీస్పూన్ల ఆవు నెయ్యి తీసుకోండి. మీరు దానిని గోరువెచ్చని లేదా వేడి నీటిలో తాగొచ్చు. కావాలంటే మీరు చిటికెడు పసుపు కూడా వేసుకోవచ్చు. విటమిన్ ఎ, విటమిన్ డి, విటమిన్ ఇ , విటమిన్ కె, ఒమేగా-3, 9 కొవ్వు ఆమ్లాలు, యాంటీఆక్సిడెంట్లు అధికంగా ఉన్న దేశీ నెయ్యిని మితంగా తీసుకోవడం మీ ఆరోగ్యానికి ఒక వరం లాంటిది.