బ్రోకలీ: బ్రోకలీలోని ఫైబర్, కెరోటినాయిడ్స్ బరువు తగ్గడంలో కీలక పాత్ర పోషిస్తాయి. ఇంకా విటమిన్ సి, విటమిన్ కె పుష్కలంగా.. కేలరీలు తక్కువగా ఉన్నందున బ్రోకలీతో బరువు పెరిగే ప్రమాదం కూడా లేదు.
క్యాబేజీ: క్యాబేజీలో విటమిన్ ఎ, విటమిన్ బి, ఐరన్, జింక్, కాల్షియం, ఫాస్పరస్, మెగ్నీషియం వంటి పోషకాలతో పాటు ఫైబర్ కూడా అధిక మొత్తంలో ఉంటుంది. ఫైబర్ బరువు తగ్గడంలోనే కాక జీర్ణ వ్యవస్థ పనితీరును మెరుగుపరచడంలో సహాయం చేస్తుంది.
బచ్చలికూర: బచ్చలికూర ఆరోగ్యానికి ఎంతో మేలు చేస్తుంది. దీన్ని తీసుకోవడం వల్ల కంటిచూపు పెరగడంతో పాటు షుగర్ లెవెల్స్ కంట్రోల్లో ఉంటాయి. అలాగే ఇందులోని ఫైబర్ కంటెంట్ మీ శరీరంలోని అధిక కొవ్వును కరిగించడం ద్వారా బరువు తగ్గేలా చేస్తుంది.
క్యాప్సికమ్: క్యాప్సికమ్లోని పొటాషియం, ఫోలేట్, విటమిన్ బి6, విటమిన్ సి, విటమిన్ ఇ పోషకాలతో పాటు క్యాప్సైసిన్ అనే జీవక్రియను మెరుగుపరిచే సమ్మేళనం ఉంటుంది. అలాగే ఇందులో ఫైబర్ కూడా ఉంటుంది.
కాలీఫ్లవర్: ఫాస్పరస్, మెగ్నీషియం, పొటాషియం, ఫైబర్ వంటి పోషకాలను కలిగిన కాలీఫ్లవర్ శరీరంలోని కొవ్వును కరిగించడంలో కీలక ప్రాత్ర పోషిస్తుంది. కాలీఫ్లవర్లో వాటర్ కంటెంట్ కూడా పుష్కలంగా ఉన్నందున శరీరం హైడ్రేటెడ్గా ఉంటుంది.