Google Earth: దెయ్యాన్ని గుర్తించిన గూగుల్ ఎర్త్‌..! వింత రూపాన్ని చూసి విస్మయం చెందుతున్న నెటిజన్లు..
Google Earth: కొన్నిసార్లు మనం అనుకోకుండా కొన్ని విషయాలను వింటాం చూస్తాం. అందులో నిజం ఉందా.. లేదా అనే విషయాన్ని పక్కన బెడితే ఆ
Google Earth: కొన్నిసార్లు మనం అనుకోకుండా కొన్ని విషయాలను వింటాం చూస్తాం. అందులో నిజం ఉందా.. లేదా అనే విషయాన్ని పక్కన బెడితే ఆ విషయం చాలా ఆశ్చర్యాన్ని కలిగిస్తుంది. తాజాగా న్యూయార్క్ నగరంలోని ఒక వంతెన కింద ఒక భయానక దృశ్యం అందరిని షాకింగ్‌కి గురిచేస్తుంది. గూగుల్ ఎర్త్‌లో నమోదైన ఈ భయనక ముఖాన్ని చూసి చాలామంది దెయ్యం అంటున్నారు. కొంతమంది మాత్రం జోకర్‌ అని చెబుతున్నారు. ఇందులో ఏది నిజం అనేది తెలియడం లేదు. ప్రముఖ సోషల్‌ మీడియా ప్లాట్‌ఫారమ్ టిక్‌టాక్‌లో ఈ దృశ్యం షేర్ చేశారు.
ఈ చిత్రంలో వంతెన కింద నుంచి భయానక ముఖం స్పష్టంగా కనిపిస్తుంది. సినిమాల్లో చూపిన విధంగా ఈ ప్రదర్శన చలా భయపెట్టేలా ఉంది. న్యూయార్క్ లోని హైవే వంతెన అయిన కయుగా వాటర్ ఫ్రంట్ ట్రయిల్‌లో ఈ వింత చోటుచేసుకుంది. ఇంటర్నెట్‌లో వైరల్‌గా మారిన ఈ వీడియోను చాలామంది చూశారు. కామెంట్స్ ద్వారా తమ అభిప్రాయాలను తెలియజేస్తు్న్నారు. ఒక యూజర్ ఈ ముఖం దెయ్యంలా కనిపిస్తుందని, మరొకరు ఇటువంటి ప్రదేశాలకు వెళ్లకూడదని కామెంట్ చేశారు.
చాలా మంది వినియోగదారులు ఎప్పటికీ ఈ వంతెన కిందకు వెళ్లొద్దని స్పష్టం చేశారు. కొంతమంది ఈ వింత ముఖాన్ని దెయ్యంగా భావిస్తున్నారు. ఇప్పటివరకు 10 లక్షల మందికి పైగా ఈ వింత రూపాన్ని చూశారు. చాలా మంది దీనిని చూసిన తర్వాత విస్మయం చెందుతున్నారు. వీడియోలో కనిపించే భయానక ముఖం కళ్ళు లోతుగా, నల్లగా కనిపిస్తున్నాయి. ముఖం మొత్తం తెల్లగా కనిపిస్తుంది, పెదవులు ఎర్రగా కనిపిస్తున్నాయి. ఈ అలంకరణ అచ్చం దెయ్యంలా కనిపిస్తుంది. అయితే అసలు విషయం ఏంటంటే ఇక్కడ దాని ముఖం తప్ప మరేమీ కనిపించడం లేదు.