Amrit Bharat Express: సంక్రాంతి వేళ ఏపీ ప్రజలకు సూపర్ న్యూస్.. కొత్తగా మూడు అమృత్ భారత్ ఎక్స్ప్రెస్ రైళ్లు.. ఈ రూట్లోనే ప్రయాణం
ఏపీ ప్రజలకు మరో మూడు కొత్త అమృత్ భారత్ ఎక్స్ప్రెస్ రైళ్లు త్వరలో అందుబాాటులోకి రానున్నాయి. ఇవి తమిళనాడు నుంచి మొదలై ఏపీ మీదుగా పశ్చిమబెంగాల్కు వెళ్లనున్నాయి. మరికొద్దిరోజుల్లో ప్రధాని మోదీ ఈ రైళ్లకు పచ్చజెండా ఊపనున్నారు. వీటి వివరాల్లోకి వెళ్తే..
ఏపీ ప్రజలకు రైల్వేశాఖ భారీ గుడ్న్యూస్ అందించింది. సంక్రాంతి సందర్భంగా ప్రయాణికులకు భారీ గిఫ్ట్ ప్రకటించింది. కొత్తగా మరో మూడు రైళ్లను ప్రయాణికులకు అందుబాటులోకి తీసుకురానుంది. త్వరలోనే తమిళనాడులో అసెంబ్లీ ఎన్నికలు జరగనున్న క్రమంలో కేంద్రం ప్రభుత్వం ఆ రాష్ట్రానికి ఉపయోగపడేలా పలు నిర్ణయాలు తీసుకుంటోంది.అందులో భాగంగా తమిళనాడు నుంచి కొత్తగా మూడు అమృత్ భారత్ ఎక్స్ప్రెస్ రైళ్లను కేటాయించింది. ఈ మూడు రైళ్లు తమిళనాడు నుంచి బయల్దేరి ఏపీ మీదుగా పశ్చిమబెంగాల్ వరకు వెళతాయి. దీంతో ఏపీలోని ప్రజలకు లాభం జరగనుంది. ఈ మూడు ఎక్స్ప్రెస్ రైళ్ల షెడ్యూల్స్తో పాటు ఏయే ప్రాంతాల మీదుగా వెళతాయనేది ఇప్పుడు చూద్దాం.
ఏపీ ప్రజలకు పండగే
తిరుచిరాపల్లి నుంచి పశ్చిమబెంగాల్లోని న్యూ జల పాయ్ వరకు అమృత్ భారత్ ఎక్స్ప్రెస్ ట్రైన్ను నడపనున్నారు. ఈ రైలు చిదంబరం, తాంబరం, చెన్నై ఎగ్మోర్, చెంగల్పట్లు, విల్లుపురం, కడలూరు, మైలాడుథురై, కుంభకోణం, తంజావూరు, విజయవాడ, విశాఖపట్నం, భువనేశ్వర్, ఖరగ్పూర్ స్టేషన్ల మీదుగా ప్రయాణించనుంది. ఇక రెండో అమృత్ భారత్ ఎక్స్ప్రెస్ తాంబరం-సంత్రాగచ్చి మధ్య సర్వీసులు అందించనుంది. ఈ రైలు చెన్నై ఎగ్మోర్, విజయవాడ, ఖరగ్పూర్, భువనేశ్వర్ స్టేషన్లలో ఆగుతుంది. ఇక వీటిల్లో మూడో అమృత్ భారత్ ఎక్స్ప్రెస్ రైలు నాగకోయిల్-న్యూ జలపాయ్ మధ్య నడుస్తోంది. ఈ రైలు దిండిగల్, మధురై, విరుధ్ నగర్, పళని, ఉడుమాల్ పేట, పొల్చాచ్చి, కోయంబత్తూర, తిరుప్పూర్, సేలం, ఈరోడ్ మీదుగా ప్రయాణించి విజయవాడ, విశాఖపట్నం, భువనేశ్వర్, ఖరగ్ పూర్ మీదుగా ప్రయాణం సాగిస్తోంది.
త్వరలో మోదీ చేతుల మీదుగా ప్రారంభం
ఈ మూడు అమృత్ భారత్ ఎక్స్ప్రెస్ రైళ్లను త్వరలో ప్రధాని మోదీ ప్రారంభించనున్నారు. దీని వల్ల తమిళనాడు, ఏపీ, పశ్చిమబెంగాల్ ప్రజలకు లాభం జరగనుంది. ఇప్పటికే సామాన్యుల కోసం దేశవ్యాప్తంగా అమృత్ భారత్ ఎక్స్ప్రెస్ రైళ్లను కేంద్ర ప్రభుత్వం ప్రవేశపెట్టనుంది.