‘అరె భాయ్..! నా పేరిట 20 శాతం డిస్కౌంట్ ఇవ్వు.. చెప్పులమ్మే సెల్లర్ తో సోను సూద్ ‘బేరం’ !

Sonu

బాలీవుడ్ నటుడు, రియల్ హీరో సోను సూద్ నిన్న శీనగర్ సందర్శించాడు. అక్కడ వీధిలో చెప్పులు అమ్ముతున్న షమీన్ ఖాన్ అనే వ్యక్తితో చెప్పుల బేరానికి దిగాడు.. మొదట చిన్న పిల్లల చెప్పులు, ఆ తరువాత పెద్దవారి చెప్పులు చూపి వాటి ధర ఎంత అని అడిగాడు. షమీన్ చెప్పాక…ఇక బేరమాడడం మొదలు పెట్టాడు. సరదాగా అతనితో మాట్లాడుతూ.. ఈ మొత్తం చెప్పులన్నీ ఎంత ఖరీదు చేస్తాయని అడగ్గా.. సుమారు 15 వేలని చెప్పాడు షమీన్.. సోను సూద్ జోవియల్ గా అడుగుతున్న ప్రశ్నలకు ఆ పేద సెల్లర్ కాస్త తడబడ్డాడు. చివరకి డిస్కౌంట్ ఇస్తావా అని సోను సూద్ అడగ్గా ఇస్తానన్నాడు. ఎంతకిస్తావన్న ప్రశ్నకు 20 శాతం ఇస్తా అని చెప్పాడు. ఇందుకు సోను సూద్ కూడా అలా అయితే తన పేరిట ఇంత శాతం డిస్కౌంట్ ఇవ్వాలని కోరాడు. ఇందుకు షమీన్ అంగీకరించాడు.

అతనితో సుమారు 10 నిముషాలు అలా సరదాగా గడిపిన సోను అక్కడి నుంచి నిష్క్రమించాడు.. ఆ తరువాత తన ఇన్స్ టాగ్రామ్ లో ఆయన..చప్పల్ మేరె నామ్ పే 20 పర్సెంట్ డిస్కౌంట్.. సపోర్ట్ స్మాల్ బిజినెస్.. సపోర్ట్ షూస్.. షాప్ లోకల్ మాల్ అని కామెంట్ చేశాడు. ఆ చిరు వ్యాపారికి ఆయన భారీగానే సాయం చేసి ఉండవచ్చునని ఈ వీడియో చూసిన నెటిజన్లు భావిస్తున్నారు. ఎంతయినా రియల్ హీరో కూడా అని వారు ప్రశంసిస్తున్నారు.

మరిన్ని ఇక్కడ చూడండి: Jeff Bezos: కొవిడ్ దెబ్బ.. ప్రపంచ కుబేరుల జాబితాలో జెఫ్ బెజోస్‌కు నెంబర్.1 ప్లేస్ గల్లంతు

Funny Video : అమ్మాయి టిక్‌ టాక్‌ వీడియో చేస్తోంది..! అప్పుడే వాళ్ల అమ్మ వచ్చింది..? ఏం జరిగిందంటే..