Sathiyam Tv: సత్యం టీవీ ఛానెల్పై దాడి చేసిన ఆగంతకుడు.. పోలీసుల అదుపులో నిందితుడు…
చెన్నైలోని ప్రముఖ శాటిలైట్ ఛానెల్ సత్యం టీవీ ప్రధాన కార్యాలయంపై ఓ ఆగంతుడు దాడి చేశాడు. కత్తి.. కవచం ధరించిన గుర్తుతెలియని
చెన్నైలోని ప్రముఖ శాటిలైట్ ఛానెల్ సత్యం టీవీ ప్రధాన కార్యాలయంపై ఓ ఆగంతుడు దాడి చేశాడు. కత్తి.. కవచం ధరించిన గుర్తుతెలియని వ్యక్తి మంగళవారం సాయంత్రం సత్యం టీవీపై ఒక్కసారిగా దాడి చేశాడు. ఈ ఘటనలో కార్యాలయంలో భారీగా ఆస్తి నష్టం వాటిల్లగా.. సిబ్బందికి ఎలాంటి గాయాలు కాలేదు. సమాచారం అందుకున్న రాయపురం పోలీసులు ఘటన స్థలానికి చేరుకుని సీసీ విజువల్స్ ఆధారంగా కేసు నమోదు చేసుకుని దర్యాప్తు చేపట్టారు. . డ్రైవింగ్ లైసెన్స్ ఆధారంగా ఆగంతకుడిని కోయంబత్తూరులోని ఉప్పిలిపాలేంకు చెందిన రాజేష్ కుమార్గా గుర్తించారు. నిందితుడిని అదుపులోకి తీసుకుని విచారిస్తున్నారు. దాడి చేసిన సమయంలో అతను మద్యం మత్తులో ఉన్నట్లుగా పోలీసులు గుర్తించారు.
Satyam
సత్యం టీవీపై దాడి దృశ్యాలకు సంబంధించిన సీసీటీవీ ఫుటేజ్ను సదరు సంస్థ విడుదల చేసింది. అందులో మంగళవారం రాత్రి 6.45 గంటల సమయంలో ఆగంతుకుడు పెద్ద కత్తి, డాలు తీసుకుని సత్యం టీవీ కార్యలయం పై దాడి చేశాడు. అక్కడున్న సిబ్బందిని బెదిరించి ఆఫీస్ గ్లాస్, కంప్యూటర్స్, టేబుల్ను ద్వంసం చేశాడు. అంతేకాకుండా.. అక్కడున్న సిబ్బందిని అసత్య పదజాలంతో దూషించాడు.
Satyam 1
ఈ ఘటనపై ఛానల్ మేనేజింగ్ డైరెక్టర్ ఐజాక్ లివింగ్ స్టోన్ మాట్లాడుతూ.. ఆగంతకుడు పార్కింగ్ స్థలం నుంచి కార్యాలయంలోకి ప్రవేశించాడని.. ఆయుధాలు ఉన్న బ్యాగ్ పట్టుకుని లోపలికి వచ్చినట్లుగా తెలిపారు. సత్యం టీవీ ఛానెల్ ఏ వ్యక్తికి వ్యతిరేకంగా వార్తలు ప్రసారం చేయలేదని.. దాడి చేసిన వ్యక్తి ఎవరో కూడా తెలియదని.. ఇందుకు గల కారణాలు ఏంటనేది తమకు తెలివయని అన్నారు.
Also Read: Charmme Kaur: సంచలన నిర్ణయం తీసుకున్న ఛార్మి.. విరామం కావాలంటూ..