కరోనా ఎఫెక్ట్.. హోళీ వేడుకలకు ప్రధాని మోదీ దూరం

కరోనా వ్యాప్తి కారణంగా ప్రధాని మోదీ సంచలన నిర్ణయం తీసుకున్నారు. కోవిడ్-19 వ్యాపిస్తున్న నేపథ్యంలో ఈ ఏడాది తాను రంగుల పండుగ-హోళీ సంబరాల్లో పాల్గొనబోనని ఆయన ట్వీట్ చేశారు. ఈ వ్యాధి లక్షణాల నివారణకు జనాలు గుమికూడరాదని నిపుణులు సలహా ఇఛ్చారని ఆయన పేర్కొన్నారు. ఈ వ్యాధిని అదుపు చేయాలంటే.. బహిరంగ ప్రదేశాల్లో జనం పెద్ద సంఖ్యలో చేరకుండా చూడడం మంచిదని ప్రపంచ వ్యాప్తంగా నిపుణులు సూచిస్తున్నారని, అందువల్ల ‘హోళీ మిలన్ ‘ వంటి సంబరాల్లో పాల్గొనరాదని నిర్ణయించుకున్నానని ఆయన వెల్లడించారు. కరోనా నివారణకు ప్రభుత్వం అన్ని చర్యలూ తీసుకున్నదని, దీనిపై తాను ఉన్నత స్థాయి సమావేశంలో సమీక్ధించానని, ప్రజలు ఆందోళన చెందాల్సిన పని లేదని మోదీ నిన్న ట్వీట్ చేసిన సంగతి తెలిసిందే. ఈ నెల  10 న హోళీ పండుగ జరుపుకోనున్నారు.

కాగా-మంగళవారం వరకు 48 గంటల్లో ఇండియాలో మూడు తాజా కరోనా కేసులు వేర్వేరు నగరాల్లో నమోదయ్యాయి.  ఢిల్లీ, జైపూర్, హైదరాబాద్ సిటీల్లో ఇవి నమోదైన విషయం గమనార్హం. అయితే ఈ వ్యాధి నివారణకు ఆయా ప్రభుత్వాలు గట్టి చర్యలు తీసుకుంటున్నాయి. ప్రజలకు అన్ని ముందు జాగ్రత్త చర్యలను సూచిస్తున్నాయి. కానీ కరోనా భయంతో హైదరాబాద్ సహా వివిధ నగరాల్లో మాస్కుల కొరత ఏర్పడింది.

Experts across the world have advised to reduce mass gatherings to avoid the spread of COVID-19 Novel Coronavirus. Hence, this year I have decided not to participate in any Holi Milan programme.

— Narendra Modi (@narendramodi) March 4, 2020

Had an extensive review regarding preparedness on the COVID-19 Novel Coronavirus. Different ministries & states are working together, from screening people arriving in India to providing prompt medical attention.

— Narendra Modi (@narendramodi) March 3, 2020