తిన్నోళ్లకు తిన్నంత.. అదిరిపోయే వంటకాలతో మటన్ ఫెస్టివల్‌.. కేవలం పురుషులకు మాత్రమే.. ఎక్కడో తెలుసా?
ఉత్సవాల సమయంలో స్వామి వారికీ మొక్కుకున్న మేకపోతులతో నాన్ వెజ్ విందు ఏర్పాటు చేస్తారు . ఈ నాన్ వెజ్ విందులో పురుషులు మాత్రమే పాల్గొంటారు . వందకు పైగా మేక పోతులని స్వామి వారికీ నైవేద్యం గా సమర్పిస్తారు .
తమిళనాడులోని మధురై జిల్లాలోని తిరుమంగళం లో ఉన్న కరుప్పయర్ ముత్తయ్య ఆలయం ఉంది . తిరుమంగళం తో పాటు మధురై జిల్లా వ్యాప్తంగా ఉన్న పురుషులు ఈ ఆలయం వేడుకలకుపెద్ద ఎత్తున తరలివస్తారు . ప్రతి సంవత్సరం మార్గళి మాసం లో ఉత్సవాలు జరుగుతాయి . ప్రతి ఒక్కరు తమ మొక్కులు చెల్లించడానికి ఒక్కో మేక పోతులను సంవత్సరం పాటు పెంచుతారు . ఉత్సవాల సమయంలో స్వామి వారికీ మొక్కుకున్న మేకపోతులతో నాన్ వెజ్ విందు ఏర్పాటు చేస్తారు . ఈ నాన్ వెజ్ విందులో పురుషులు మాత్రమే పాల్గొంటారు . వందకు పైగా మేక పోతులని స్వామి వారికీ నైవేద్యం గా సమర్పిస్తారు . పురుషులకి ఎంత తింటారో అంత మటన్ వడ్డిస్తారు. తాజాగా జరిగిన వేడుకల్లో ఏకంగా సుమారు 10,000 మంది పురుషులు పాల్గొన్నారు. ఇందుకోసం మటన్ ముక్కలను రాశులుగా పోశారు. ఈ తమిళనాడు నాన్‌వెజ్‌ ఫెస్టివల్‌కు సంబంధించిన ఫొటోలు ఇప్పుడు సోషల్‌ మీడియాలో తెగ వైరలవుతున్నాయి.
స్త్రీలకు నో ఎంట్రీ..
అయితే స్త్రీలకు ఈ ఆలయం లో ప్రవేశం ఉందదు . ఈ ఆలయం లో ఉన్న స్వామివారిని దర్శించుకోవాలంటే మహిళలు ఒక నిబంధన పాటించాలి . నాన్ వెజ్ విందు పూర్తి ఆయన తరువాత పురుషులు ఇస్తరులు తీయకుండా అక్కడనుండి వెళ్లిపోతారు. అవి పూర్తిగా ఎండిపోయే వరకు స్త్రీలు పరిసర ప్రాంతాలకు వెళ్లకూడదు . ఇస్తరులు పూర్తి గా ఎండిపోయి కనుమరుగైన తరువాత మాత్రమే స్త్రీలకు ఆలయ ప్రవేశం ఉంటుంది. పురుషులు యధావిధిగా వచ్చే సంవత్సరం మొక్కు కోసం ఇప్పటినుంచే మేకపోతులని సంవత్సరకాలం పాటు పెంచుతారు . కాగా వందల ఏళ్లుగా ఈ పండుగ జరుగుతోందని గ్రామ పెద్దలు చెబుతున్నారు. ఇందులో పాల్గొనే పురుషుల కోరికలు అతి త్వరలోనే నెరవేరుతాయని నమ్మకమట.
మరిన్ని జాతీయ వార్తల కోసం క్లిక్ చేయండి..