
ఆడవాళ్ళు సరిగ్గా డ్రైవింగ్ చేయలేరు.. అంటూ ఎగతాళి చేసే వారు..ప్రియాంక శర్మ డ్రైవింగ్ చూస్తే ఆశ్చర్యపోవాల్సిందే. అమ్మాయిలు మనసు పెడితే ఏదైనా సాధించగలరనడానికి నిదర్శనం ప్రియాంక. ఉత్తరప్రదేశ్లో ప్రభుత్వ బస్సు నడిపిన తొలి మహిళా డ్రైవర్గా ప్రియాంక శర్మ నిలిచింది. ఉత్తరప్రదేశ్ రాష్ట్ర రోడ్డు రవాణా సంస్థ (UPSRTC)లో పనిచేస్తున్న 26 మంది మహిళా డ్రైవర్లలో ప్రియాంక శర్మ ఒకరు. తాను ఎంత కష్టపడి డ్రైవింగ్ నేర్చుకుందో తన ప్రయత్నం, పడిన కష్టాన్ని మీడియాతో పంచుకుంది ప్రియాంక. చివరకు తన కష్టానికి ఫలితం దక్కిందని చెప్పింది. ప్రభుత్వ బస్సు డ్రైవర్గా మొట్టమొదటి మహిళా ఉద్యోగిగా నియమించబడిన సందర్భంగా ప్రియాంక మాట్లాడుతూ.. మద్యానికి బానిసైన తన భర్త పెళ్లయిన కొన్నేళ్లకే చనిపోయాడని చెప్పింది.. ఇద్దరు పిల్లలను పోషించే బాధ్యత తనపైనే పడిందని చెప్పింది. వారికి మంచి భవిష్యత్తును అందించాలంటే తాను ఉద్యోగం చేయక తప్పదని భావించిన ప్రియాంక ఆ దిశగా ప్రయత్నాలు మొదలుపెట్టింది.
ఈ బస్డ్రైవర్ ఉద్యోగం మహిళలకు కాదని, అవకాశం ఇస్తే మహిళలు ఏమాత్రం తగ్గరని కొందరు అంటున్నారు. యుద్ధవిమానం నడిపాలా లేక బస్సు డ్రైవర్గా మారాలా అనే గందరగోళం నెలకొంది. పని వెతుక్కుంటూ ప్రియాంక ఢిల్లీకి వచ్చింది. ఇక్కడ ఓ ఫ్యాక్టరీలో అసిస్టెంట్గా పనిచేసింది. ఫ్యాక్టరీలో పనిచేస్తూనే డ్రైవింగ్ కోర్సులో చేరింది. ప్రియాంక డ్రైవింగ్ కోర్సు చేసి ఢిల్లీ నుంచి ముంబైకి వచ్చింది. ఇక్కడికి వచ్చిన తర్వాత అనేక రాష్ట్రాలకు తిరిగింది. ఈ సమయంలో అతను పనిచేసిన అస్సాం, బెంగాల్ రాష్ట్రాలకు కూడా వెళ్లింది. మహిళా డ్రైవర్లను అనుమతించినందుకు ప్రధాని నరేంద్ర మోదీకి, ఉత్తరప్రదేశ్ ముఖ్యమంత్రి యోగి ఆదిత్యనాథ్కు ప్రియాంక శర్మ కృతజ్ఞతలు తెలిపారు. అతను 2020లో ఒక ఫారమ్ నింపాడు.
మహిళల్లో సాధికారత కల్పించేందుకు, వారికి ఉపాధి అవకాశాలు మెరుగుపరిచేందుకు ఇప్పుడిప్పుడే పలు రాష్ట్రాల ప్రభుత్వాలు రాష్ట్ర రవాణా సంస్థల్లో అవకాశాలు కల్పిస్తున్నాయి. ఇప్పటికే మహారాష్ట్ర, ఢిల్లీ ప్రభుత్వాలు మహిళలను ప్రభుత్వ బస్సులకు డ్రైవర్లుగా నియమించగా.. మహిళలను కూడా ప్రభుత్వ బస్సులకు డ్రైవర్లుగా నియమించాలని నిర్ణయం తీసుకున్న యోగి ప్రభుత్వం రెండేళ్ల కిందట నోటిఫికేషన్ ను విడుదల చేసింది.
పరీక్ష, ఇంటర్వ్యూలు నిర్వహించి అందులో ప్రతిభ చూపిన వారికి డ్రైవింగ్ పరీక్షలు చేపట్టింది. అందులో ఎంపికైన వారికి తాజాగా పోస్టింగ్ లు ఇచ్చింది. మొత్తం 26 మంది మహిళలకు మొట్ట మొదటిసారిగా ప్రభుత్వ బస్సులకు డ్రైవర్లుగా అవకాశం కల్పించింది. ప్రియాంక శర్మ ఉత్తరప్రదేశ్ రాష్ట్రంలోనే మొదటి మహిళా ప్రభుత్వ బస్సు డ్రైవర్ గా నిలిచారు. ఏపీ ప్రభుత్వం కూడా ప్రభుత్వ బస్సులకు మహిళలను డ్రైవర్లుగా నియమించేందుకు తగు చర్యలు చేపడుతోంది. ఇందుకు సంబంధించి కొద్ది రోజుల కిందటే మార్గదర్శకాలు జారీ చేసింది.
మరిన్ని జాతీయ వార్తల కోసం ఇక్కడ క్లిక్ చేయండి