Lok Sabha Polls: మీ లోక్‌సభ నియోజకవర్గం నుండి పోటీ చేస్తున్న అభ్యర్థులెవరో తెలుసా..? అయితే ఇలా చెక్ చేసుకోండి..!

Who Is Your Mp Candidate

భారతదేశంలో 18వ లోక్‌సభకు ఎన్నికల ప్రక్రియ కొనసాగుతోంది. ఏప్రిల్ 19న మొదటి విడతగా దేశంలోని పలు ప్రాంతాల్లో ఓటింగ్ కూడా జరగనుంది. ఇదిలా ఉంటే, మీ లోక్‌సభ నియోజకవర్గం నుండి అభ్యర్థులు ఎవరు, ఏయే పార్టీ నుంచి పోటీ చేస్తున్నారు. వారికి ఆస్తులు, కుటుంబ వివరాలు, అలాగే వారిపై ఎన్ని క్రిమినల్ కేసులు నమోదయ్యాయి అనేది మీరు తెలుసుకోవడం చాలా ముఖ్యం. అతను ఎంత ధనవంతుడు, అతని పేరు మీద ఎంత ఆస్తి ఉంది అన్న విషయం కూడా తెలుసుకోవచ్చు.

లోక్‌సభ ఎన్నికలకు సంబంధించిన ఏదైనా సమాచారాన్ని పొందడానికి, ముందుగా మీరు గూగుల్‌కి వెళ్లి ఎన్నికల సంఘం వెబ్‌సైట్ https://www.eci.gov.in లో సెర్చ్ చేయాలి. దీని తర్వాత, పేజీ తెరిచినప్పుడు, అనేక ఎంపికలు కనిపిస్తాయి. వీటిలో మీరు ఎలెక్టర్ల ఎంపికపై క్లిక్ చేసి ముందుకు సాగాలి. ఆ తర్వాత కొత్త పేజీ ఓపెన్ అవుతుంది. ఆ పేజీ కిందికి వెళ్లగానే నో యువర్ క్యాండిడేట్ అనే ఆప్షన్‌ను ఎంచుకోవాలి. దీని తర్వాత మీరు ఈ ప్రత్యేక యాప్‌ని ఎన్నికల సంఘం వెబ్‌సైట్ నుండి డౌన్‌లోడ్ చేసుకోవల్సి ఉంటుంది.

భారత ఎన్నికల సంఘం ఈ ప్రత్యేక యాప్‌ను డౌన్‌లోడ్ చేసిన తర్వాత, మీరు ఈ యాప్‌లో రాబోయే ఎన్నికలను ఎంచుకోవాలి. దీని తర్వాత, మీరు మీ ప్రాంతం, రాష్ట్రం, జిల్లా, లోక్‌సభ నియోజకవర్గం వంటి సమాచారాన్ని పూరించాలి. దీని తర్వాత, మీ లోక్‌సభ నియోజకవర్గం నుండి పోటీ చేస్తున్న అభ్యర్థులందరికి సంబంధించిన ప్రతి సమాచారాన్ని మీరు చూడగలరు. అయా అభ్యర్థికి సంబంధించిన ఏదైనా సమాచారంపై మీకు అనుమానం ఉంటే, మీరు దాని గురించి నేరుగా ఎన్నికల కమిషన్‌కు ఫిర్యాదు చేయవచ్చు.

ఎన్నికల కమిషన్ KYC యాప్ ద్వారా, నామినేషన్ దాఖలు చేసేటప్పుడు అభ్యర్థి ఎన్నికల కమిషన్‌కు సమర్పించిన మొత్తం సమాచారాన్ని మీరు చూడగలరు. KYC యాప్ IOS , Android ప్లాట్‌ఫారమ్‌లలో అందుబాటులో ఉంది. ఎవరైనా ఈ యాప్‌ని డౌన్‌లోడ్ చేయడం ద్వారా సమాచారాన్ని పొందవచ్చు.

మరిన్ని జాతీయ వార్తల కోసం ఇక్కడ క్లిక్ చేయండి…