భార్య కాదు నరరూప రాక్షసి.. రూ.20 లక్షల బీమా సొమ్ము కోసం ప్రియుడితో కలిసి..
ప్రేమలో పడి బీమా సొమ్ము లాక్కోవాలనే ఉద్దేశంతో భార్యే భర్తను హత్య చేసింది. అయితే ఇక్కడ విషాదం ఏమిటంటే.. వాసిల్ దంపతులకు ఆరుగురు పిల్లలు ఉన్నారు. తండ్రి మృతి.. తల్లి జైలు పాలు కావడంతో ఇప్పుడు పిల్లలు నడిరోడ్డుమీద పడ్డారు.
జార్ఖండ్‌లోని ఖుంటి జిల్లాలో సంచలన సంఘటన వెలుగులోకి వచ్చింది. తన భర్త కంటే.. ప్రేమికుడితో మంచి భవిష్యత్తు ఉంటుందని భావించింది.. అయితే తాము ఇద్దరం జీవించడానికి డబ్బుకు లోటు ఉండకూడదని భావించింది. అందుకే ఆ మహిళ తన ప్రేమికుడితో కలిసి దారుణమైన కుట్ర పన్నింది. తన భర్త వాసిల్ సురిన్ చచ్చిపోతే వచ్చే 20 లక్షల రూపాయల ఇన్సూరెన్స్ కోసం భార్య కుట్ర పన్నింది. గత మంగళవారం తన 45 ఏళ్ల భర్త ఇన్సూరెన్స్ డబ్బుల భర్తను రాడ్ తో కొట్టి చంపింది. అయితే హత్య జరిగిన 72 గంటల్లోనే పోలీసులు నిందితులను పట్టుకున్నారు. కేసును బయటపెట్టారు. నిందితుడు మరియం సురిన్, ఆమె ప్రేమికుడు సైమన్ ఐంద్‌లను పోలీసులు అరెస్ట్‌ చేశారు. ప్రేమలో పడి బీమా సొమ్ము లాక్కోవాలనే ఉద్దేశంతో భార్యే భర్తను హత్య చేసింది. అయితే ఇక్కడ విషాదం ఏమిటంటే.. వాసిల్ దంపతులకు ఆరుగురు పిల్లలు ఉన్నారు. తండ్రి మృతి.. తల్లి జైలు పాలు కావడంతో ఇప్పుడు పిల్లలు నడిరోడ్డుమీద పడ్డారు.
ప్రేమికుడు సమీప గ్రామ నివాసి
ఈ దారుణ ఘటన జార్ఖండ్‌లోని నక్సల్స్ ప్రభావిత జిల్లా కుంతీలోని రానియా పోలీస్ స్టేషన్ పరిధిలోని సోడే పంచాయతీలో చోటు చేసుకుంది. సుధీర్ గ్రామానికి చెందిన వాసిల్ సూరిన్ భార్య మరియమ్ సూరిన్, ఖుంటి జిల్లాలోని నింధియా గ్రామానికి చెందిన 40 ఏళ్ల సైమన్ ఈంద్‌తో ప్రేమ వ్యవహారం నడుపుతోంది. వీరిద్దరి ప్రేమ ఒకరిని విడిచి మరొకరు ఉండలేనంతగా మారింది. అంతేకాదు ఇద్దరి మధ్య శారీరక సంబంధం కూడా ఏర్పడింది.
ప్రేమకు అడ్డుగా మారిన భర్త
ఇద్దరూ కలిసి బతకాలని, లేదా చావాలని ప్రమాణం చేసుకున్నారు. అయితే మరియం సురిన్ .. తన ప్రేమికుడుతో తన భర్త వాసిల్ సురిన్ 20 లక్షలకు బీమా చేయించుకున్నట్లు చెప్పింది. అప్పుడు వీరిద్దరూ తమ ప్రేమకు భర్త వాసిల్ సురిన్ అడ్డుగా మరుతున్నాడని భావించారు. దీంతో అతని అడ్డు తొలగించుకోవాలని భావించి వాసిల్ సురిన్‌ను చంపడానికి కుట్ర పన్నారు. అంతేకాదు తాము సుఖంగా బతకడానికి బీమా మొత్తం 20 లక్షల రూపాయలు ఉపయోగపడయని భావించారు.
రాత్రి మద్యం తాగించి హత్య
సిమోనా ఐంద్ ఖడ్గర్హా ప్రాంతంలో డ్రైవర్‌గా పనిచేస్తున్నాడు. ప్రేమికుడు తన ప్రియురాలి గ్రామానికి చేరుకున్నాడు. కుట్రలో భాగంగా మహిళ భర్తకు ప్రేమికులిద్దరూ కలిసి బాగా తాగించారు. అనంతరం వాసిల్ ను స్కూటీపై కూర్చోబెట్టుకుని రానియా పోలీస్ స్టేషన్ పరిధిలోని గుపిలా బ్రిడ్జి దగ్గరకు తీసుకెళ్లి ఇనుప రాడ్ తో కొట్టి హత్య చేశాడు. హత్య చేసిన అనంతరం వారిద్దరూ అక్కడి నుంచి పరారయ్యారు.
ఎలా కేసు బయటపడిందంటే
ఏప్రిల్ 5న రానియా పోలీస్ స్టేషన్ పోలీసులు గోపి నా పుల్ సమీపంలో మృతదేహాన్ని స్వాధీనం చేసుకున్నారు. వాసిల్ సురిన్‌గా గుర్తించారు. వెంటనే ఖుంటి ఎస్పీ అమన్‌కుమార్‌ ఆధ్వర్యంలో సిట్ బృందం రంగంలోకి దిగింది. సిట్ బృందం అనుమానంతో వాసిల్ సురిన్ భార్య మరియం సూరిన్‌ను ప్రశ్నించడం ప్రారంభించింది. ప్రేమికుడు సిమోనా ఐంద్‌ను కూడా పోలీసులు అరెస్టు చేశారు. ఇద్దరి వద్ద ఘటనకు ఉపయోగించిన స్కూటీ, రక్తంతో ఉన్న రాడ్, మూడు మొబైల్ ఫోన్లు స్వాధీనం చేసుకున్నారు. వాసిల్ సురిన్ దంపతులకు 6 మంది పిల్లలు ఉన్నారు. తండ్రి హత్య, తల్లి జైలుకెళ్లడంతో పిల్లలు నిరాశ్రయులయ్యారు. ప్రస్తుతం పిల్లలు ఇతర బంధువుల వద్ద నివసిస్తున్నారు.
మరిన్ని జాతీయ వార్తల కోసం ఇక్కడ క్లిక్ చేయండి..