Youtube Channels: తప్పుడు వార్తల ప్రసారంపై కేంద్రం సీరియస్.. 16 యూట్యూబ్ ఛానెళ్లపై నిషేధం!
తప్పుడు వార్తలను ప్రచారం చేస్తున్నందుకు గాను 6 పాకిస్థాన్ ఛానెల్‌లతో సహా 16 యూట్యూబ్ ఛానెల్‌లను కేంద్ర ప్రభుత్వం సోమవారం బ్లాక్ చేసింది.
Youtube Channels Banned: తప్పుడు వార్తలను ప్రచారం చేస్తున్నందుకు గాను 6 పాకిస్థాన్ ఛానెల్‌లతో సహా 16 యూట్యూబ్ ఛానెల్‌లను కేంద్ర ప్రభుత్వం సోమవారం బ్లాక్ చేసింది. బ్లాక్ చేసిన సోషల్ మీడియా ఖాతాలలో ఆరు పాకిస్తాన్ ఆధారితం కాగా, పది భారతదేశం ఆధారిత యూట్యూబ్ న్యూస్ ఛానెల్‌లు ఉన్నాయి. ఈ మేరకు భారత సమాచార, ప్రసార మంత్రిత్వ శాఖ ఒక ప్రకటనలో తెలిపింది. జాతీయ భద్రత, భారతదేశం విదేశీ సంబంధాలు, మత సామరస్యం, దేశంలోని ప్రజా శాంతికి సంబంధించిన విషయాలపై సోషల్ మీడియాలో తప్పుడు వార్తలను వ్యాప్తి చేయడానికి ఈ ఛానెల్‌లను ఉపయోగించినట్లు పేర్కొంది.
భారతదేశంలో భయాందోళనలు సృష్టించడానికి, మత సామరస్యాన్ని ప్రేరేపించడానికి, పబ్లిక్ ఆర్డర్‌కు భంగం కలిగించడానికి ఈ ఛానెల్‌లు తప్పుడు సమాచారాన్ని వ్యాప్తి చేస్తున్నాయని కేంద్రం తెలిపింది. బ్లాక్ చేయబడిన 16 యూట్యూబ్ న్యూస్ ఛానెల్‌లలో 10 భారతదేశానికి చెందినవి కాగా, ఆరు పాకిస్థాన్‌కు చెందినవిగా ఉన్నాయి. దేశంలోని కొన్ని యూట్యూబ్ ఛానెల్‌లు ప్రచురించిన కంటెంట్‌లో ఒక వర్గాన్ని తీవ్రవాదులుగా చిత్రీకరిస్తున్నారని,వివిధ మత వర్గాల సభ్యుల మధ్య విద్వేషాలను రెచ్చగొట్టేలా ఉన్నాయని మంత్రిత్వ శాఖ పేర్కొంది.
ఇటువంటి కంటెంట్ మత సామరస్యాన్ని సృష్టించడం, పబ్లిక్ ఆర్డర్‌కు భంగం కలిగించడం గుర్తించారు. భారతదేశంలోని అనేక యూట్యూబ్ ఛానెల్‌లు సమాజంలోని వర్గాలలో భయాందోళనలు సృష్టించే అవకాశం ఉన్న ధృవీకరించని వార్తలు, వీడియోలను ప్రచురించడం కనిపించింది. వలస కార్మికులకు ముప్పు కలిగించే COVID 19 కారణంగా లాక్‌డౌన్ ప్రకటనకు సంబంధించిన తప్పుడు క్లెయిమ్‌లు ఉదాహరణలు. ఇలాంటి కంటెంట్ దేశంలోని పబ్లిక్ ఆర్డర్‌కు హాని కలిగిస్తుందని భావించారు.
భారత సైన్యం, జమ్మూ కాశ్మీర్, ఉక్రెయిన్‌లో పరిస్థితులు, భారతదేశం విదేశీ సంబంధాలు వంటి వివిధ అంశాలపై పాకిస్థాన్‌కు చెందిన యూట్యూబ్ ఛానెల్‌లు దేశం గురించి తప్పుడు వార్తలను పోస్ట్ చేశాయని కేంద్ర సమాచార శాఖ తెలిపింది. జాతీయ భద్రత, భారతదేశ సార్వభౌమత్వం,సమగ్రత, ఇతర దేశాలతో భారతదేశం స్నేహపూర్వక సంబంధాల దృక్కోణం నుండి ఈ ఛానెల్‌లు పూర్తిగా తప్పు సున్నితమైనవిగా పరిగణించడం జరుగుతుందన్న పేర్కొంది.
ఈ నెల ప్రారంభంలో కేంద్ర సమాచార, ప్రసార మంత్రిత్వ శాఖ ఇదే కారణంతో 22 యూట్యూబ్ ఛానెల్‌లను బ్లాక్ చేసింది. కేంద్రం విడుదల చేసిన పత్రికా ప్రకటన ప్రకారం, పాకిస్థాన్‌కు చెందిన 4 యూట్యూబ్ న్యూస్ ఛానెల్‌లతో సహా మొత్తం 22 యూట్యూబ్ ఛానెల్‌లు కూడా బ్లాక్ చేయడం జరిగింది.
బ్లాక్ చేయబడిన యూట్యూబ్ ఛానెల్‌ల వీక్షకుల సంఖ్య 260 కోట్లకు పైగా ఉంది. అవి నకిలీ వార్తలను వ్యాప్తి చేయడానికి ఉపయోగిస్తున్నట్లు భారతీ నిఘావర్గాలు గుర్తించాయి. జాతీయ భద్రత, భారతదేశం విదేశీ సంబంధాలు, పబ్లిక్ ఆర్డర్ దృక్కోణం నుండి సున్నితమైన విషయాలపై సోషల్ మీడియాలో తప్పుడు సమాచారాన్ని ప్రసారం చేశాయని కేంద్ర ప్రభుత్వం తెలిపింది. గత ఏడాది ఫిబ్రవరిలో IT రూల్స్, 2021 నోటిఫికేషన్ తర్వాత YouTube ఆధారిత వార్తా ప్రచురణకర్తలపై చర్య తీసుకోవడం ఇదే మొదటిసారి. కేంద్ర సమాచార మరియు ప్రసార మంత్రిత్వ శాఖ ఏప్రిల్ 23న ప్రైవేట్ టీవీ న్యూస్ ఛానెల్‌లకు తప్పుడు వాదనలు, అపకీర్తి హెడ్‌లైన్‌లను ఉపయోగించకుండా ఉండాలని సూచించింది. మంత్రిత్వ శాఖ, ఒక వివరణాత్మక సంప్రదింపులో, కేబుల్ టెలివిజన్ నెట్‌వర్క్స్ (రెగ్యులేషన్) చట్టం, 1995లోని సెక్షన్ 20లోని నిబంధనలను దాని కింద సూచించిన ప్రోగ్రామ్ కోడ్‌తో సహా పాటించాలని కోరింది.
Read Also… Stock Market: వారం ఆరంభంలోనూ మార్కెట్లను వెంటాడిన నష్టాలు.. 17000 మార్క్ కిందకు నిఫ్టీ..
