ప్రాణాలు తీసస్తున్న వాటర్ హీటర్స్.. ఇలా వాడితే ప్రమాదమే..!ఈ జాగ్రత్తలు తప్పక తీసుకోండి
Immersion Heater Safety: మన ఇంట్లో వాడే ఎలక్ట్రిక్ వస్తువులతో ఎంత జాగ్రత్తగా ఉంటే అంత మంచిది.. ఎందంటే వాటిని వాడే క్రమంలో చిన్న పొరపాటు చేసినా ప్రాణాలకే ప్రమాదం. తాజాగా ఇలానే స్నానం చేసేందుకు వాటర్ హీటర్తో వేడి నీళ్లు పెట్టుకునే క్రమంలో విద్యుత్ షాక్కు గురై ఇద్దరు అక్కాచెళ్లెల్లు ప్రాణాలు కోల్పోయారు. ఉత్తరప్రదేశ్లో చోటుచేసుకున్న విషాద ఘటన స్థానికంగా తీవ్ర విషాదాన్ని నింపింది.
స్నానం చేసేందుకు వాటర్ హీటర్తో వేడి నీళ్లు పెట్టేందుకు ప్రయత్నించిన ఇద్దరు అక్కా చెల్లెళ్లు ప్రాణాలు కోల్పోయిన ఘటన
ఉత్తరప్రదేశ్ లోని ముజఫర్ నగర్లో వెలుగు చూసింది. వివరాల్లోకి వెళ్తే.. రామ్ పురి ఏరియాకు చెందిన నిధి (21) లక్ష్మి (19) స్థానికంగా తల్లిదండ్రులతో కలిసి నివసిస్తున్నారు. అయితే బుధవారం స్నానం చేసేందుకు ఇంట్లో ఉన్న వాటర్ హీటర్ను బకెట్లో ఉంచారు. అయితే బకెట్లోంచి పొగలు రావడం గమనించిన నిధి హీటలర్ తీసేందుకు వెళ్లి రాడ్ను పట్టుకుంది.
దీంతో వెంటనే ఆమెకు షాక్ కొట్టింది. అది గమనించిన చెల్లి లక్ష్మి అక్కను కాపాడేందుకు ప్రయత్నించగా ఆమె కూడా కరెంట్ షాక్కు గురైంది. దీంతో ఇద్దరు అక్కడికక్కడే మృతి చెందారు. విషయం తెలుసుకున్న కుటుంబ సభ్యులు కన్నీరు మున్నీరుగా విలపించారు. చేతికొచ్చిన పిల్లలు తిరిగిరాని లోకాలకు వెళ్లిపోవడంతో గుండెలు పగిలేలా రోధించారు. అక్కాచెల్లెళ్లు ఇద్దరూ ఒకే రోజు మృతి చెందడంతో ఆ గ్రామంలో విషాద చాయలు అలుముకున్నాయి.
ఈ ఘటన నేపథ్యంలో వాటర్ హీటర్ పెట్టేప్పుడు తీసుకోవాల్సిన జాగ్రత్తలను నిపుణులు సూచించారు.
- ఇంట్లో వాటర్ వేడి చేసేందుకు ఎప్పుడూ ప్లాస్టిక్ బకెట్నే వాడాలి, స్టీల్ బకెట్ను పొరపాటున కూడా యూజ్ చేయొద్దు
- చాలా మంది బకెట్ సైడ్ సపోర్టుతో హీటర్ను ఉంచుతారు, అలా చేయవద్దు ఒక కట్టె సహాయంతో హీటర్ బకెట్ మధ్యలో వచ్చేలా పెట్టండి.
- బకెట్లో నీటిని పోసిన తర్వాతే హీటర్ను నీటిలో ఉంచండి.. హీటర్ పెట్టి బకెట్లో నీటిని పోయకండి
- హీటర్ను బకెట్లో ఉంచిన తర్వాతే స్విచో ఆన్ చేయండి
- నీరు వేడి అయిన తర్వాత హాటర్ స్విచ్ ఆఫ్ చేసి ప్లగ్ ఆఫ్ చేసిన తర్వాతే బకెట్ను ముట్టుకోండి
- బకెట్లో వాటర్ హీట్ అవుతున్నప్పుడు నీళ్లను కానీ బకెట్ ను అస్సలు టచ్ చేయకండి
Immersion Heater Safety
మరిన్ని జాతీయ వార్తల కోసం ఇక్కడ క్లిక్ చేయండి