ఈ నాన్నకు హ్యాట్సాప్‌ ..! ఆడపిల్ల పుట్టిందని ఓ తండ్రి చేసిన హంగామా మామూలుగా లేదు..
కూతురికి లక్ష్మి అని పేరు పెట్టాడు. పెళ్లయ్యాక ఆమెను ఆడంబరంగా పంపిస్తారు. కాబట్టి ఆమె పుట్టినప్పుడు కూడా ఆసుపత్రి నుండి అంతే అట్టహాసంగా తీసుకురావాలని భావించాడు. అందుకే
బేటీ బచావో-బేటీ పఢావో అంటూ నినాదాలు చేస్తూ బేగుసరాయ్‌లో ఒక కుటుంబం తమ కుమార్తె పుట్టిన వేడుకను జరుపుకుంది. అలాగే పెళ్లికూతురులా అలంకరించిన ఈ-రిక్షాలో కూతురు, భార్యను సదర్ ఆస్పత్రి నుంచి ఇంటికి తీసుకెళ్లాడు తండ్రి. బెగుసరాయ్ మహానగర కార్పొరేషన్‌లోని వార్డ్ నెం.42 బిషన్‌పూర్ నౌలాఖా నివాసి తుంటన్ కుమార్ సోను భార్య జూలీ కుమారి జనవరి 23న సదర్ ఆసుపత్రిలో ఆడబిడ్డకు జన్మనిచ్చి కుటుంబ సభ్యులందరినీ ఆనందపరిచింది. తుంటన్ కుమార్‌కు ఇప్పటికే ఇద్దరు కుమారులు ఉన్నారు. అతని భార్య గర్భవతి అయినప్పటి నుండి అతను తన కుటుంబం, బంధువులతో కలిసి కుమార్తె కోసం ప్రార్థిస్తున్నాడు. ఇప్పుడు కూతురు పుట్టిన సందర్భంగా కుటుంబ సభ్యులు చాలా సంతోషంగా ఉన్నారు.
ఇ-రిక్షా డ్రైవరు అయిన తుంటన్ తనకు కూతురు పుట్టినందుకు సంతోషించాడు. ఆమెను చూడటానికి ఆర్కెస్ట్రాతో వెళ్లాలని నిర్ణయించుకున్నాడు. కానీ ఆర్కెస్ట్రా 20 వేలు డిమాండ్ చేయటంతో వెనక్కి తగ్గాడు. తన వద్ద ఉన్నంతలో తన ఈ-రిక్షాను పూలు, బెలూన్లతో అందంగా అలంకరించాడు. అదే రిక్షాలో సదర్ ఆస్పత్రి నుంచి కూతురిని, భార్యను ఇంటికి తీసుకువచ్చాడు. భారీ హంగామాతో కూతురిని ఇంటికి తీసుకొచ్చిన ఈ ఘటన స్థానికంగా తీవ్ర చర్చనీయాంశంగా మారింది. అతనికి అప్పటికే ఇద్దరు కుమారులు ఉన్నారు, కానీ కుమార్తె కోసం దేవుడిని ప్రార్థించాడు. తన భార్య, స్నేహితులు, కుటుంబ సభ్యుల ప్రార్థనలను దేవుడు ఆలకించాడని తుంటన్ సంతోషం వ్యక్తం చేశాడు. అతని భార్య జూలీ కుమారి కూడా కూతరు పుట్టిందనే సంతోషం వ్యక్తం చేసింది.
జనవరి 24 సాయంత్రం తుంటన్ కుమార్ ఈ-రిక్షాను అలంకరించి సదర్ ఆసుపత్రికి తీసుకెళ్లాడు. అతను తన కుమార్తెను, భార్యను ఇంటికి ఎలా తీసుకువెళ్లాడో దానికి సంబంధించిన ఫోటోలు, వీడియోలు సోషల్ మీడియాలో వైరల్‌ అవుతున్నాయి. కూతురికి లక్ష్మి అని పేరు పెట్టాడు. పెళ్లయ్యాక ఆమెను ఆడంబరంగా పంపిస్తారు. కాబట్టి ఆమె పుట్టినప్పుడు కూడా ఆసుపత్రి నుండి అంతే అట్టహాసంగా తీసుకురావాలని భావించాడు. అందుకే అందంగా అలంకరించిన ఈ-రిక్షాలో చిన్నారిని ఇంటికి తీసుకువచ్చానని చెప్పాడు.
మరిన్ని జాతీయ వార్తల కోసం ఇక్కడ క్లిక్ చేయండి..