Watch: డబుల్ డెక్కర్ బస్సులో మంటలు.. హాహాకారాలు పెట్టిన ప్రయాణికులు
ఈ బస్సులో ఒక్కసారిగా మంటలు చెలరేగాయి. మంటలు ఎగసిపడుతుండడంతో బస్సులో ప్రయాణిస్తున్న వారంతా భయాందోళనకు గురయ్యారు. వెంటనే బస్సును ఆపి కిందకు దూకి ప్రాణాలు కాపాడుకున్నారు. ప్రమాదం గురించి సమాచారం అందిన వెంటనే అగ్నిమాపక సిబ్బంది, పోలీసు బృందాలు ఘటనా స్థలానికి చేరుకున్నాయి.
ఉత్తరప్రదేశ్‌లోని హత్రాస్‌లో ఘోర బస్సు ప్రమాదం జరిగింది. ఢిల్లీ నుంచి బీహార్ లోని సుపాల్‌కు ప్రయాణికులతో వెళ్తున్న డబుల్ డెక్కర్ బస్సులో మంటలు చెలరేగాయి. బీహార్‌లోని సుపాల్‌కు వెళ్తున్న ఒక ప్రైవేటు బస్సులో అకస్మాత్తుగా మంటలు చెలరేగాయి. బస్సు ఢిల్లీలోని వజీరాబాద్ నుంచి బీహార్ వెళ్తోంది. ప్రమాద సమయంలో ప్రయాణికులు బస్సు డ్రైవర్-కండక్టర్ ఎలాగోలా బస్సు నుండి దూకి తమ ప్రాణాలను కాపాడుకున్నారు. హత్రాస్ జిల్లా సదాబాద్ పోలీస్ స్టేషన్ పరిధిలోని మిధావలి గ్రామ సమీపంలో యమునా ఎక్స్‌ప్రెస్‌వేపై ఈ ప్రమాదం జరిగింది. మంటల కారణంగా అందరూ చూస్తుండగానే బస్సు దగ్ధమైంది. ముందుగా బస్సుపై కప్పుపై ఉంచిన సామాను నుండి మంటలు వ్యాపించాయి, కొంతసేపటికే మంటలు మొత్తం బస్సును చుట్టుముట్టాయి. ఇంతలో ప్రయాణికులు బస్సులో నుంచి దూకి ప్రాణాలు కాపాడుకున్నారు. పోలీసులు, అగ్నిమాపక దళం క్షణాల్లో సంఘటనా స్థలానికి చేరుకుని మంటలను ఎలాగోలా అదుపు చేశారు. కానీ అప్పటికి బస్సు పూర్తిగా దగ్ధమైంది.
ఢిల్లీలోని వజీరాబాద్ నుంచి డబుల్ డెక్కర్ బస్సు రాత్రి 8 గంటల ప్రాంతంలో ప్రయాణికులతో బీహార్‌లోని సుపాల్‌కు వెళ్తోంది. ఈ బస్సులో ఒక్కసారిగా మంటలు చెలరేగాయి. మంటలు ఎగసిపడుతుండడంతో బస్సులో ప్రయాణిస్తున్న వారంతా భయాందోళనకు గురయ్యారు. వెంటనే బస్సును ఆపి కిందకు దూకి ప్రాణాలు కాపాడుకున్నారు. ప్రమాదం గురించి సమాచారం అందిన వెంటనే అగ్నిమాపక సిబ్బంది, పోలీసు బృందాలు ఘటనా స్థలానికి చేరుకున్నాయి. అగ్నిమాపక సిబ్బంది శ్రమించి మంటలను అదుపులోకి తెచ్చారు.
ఇక్కడ క్లిక్ చేయండి..
ఈ ప్రమాదం తర్వాత యమునా ఎక్స్‌ప్రెస్‌వేపై కాసేపు ట్రాఫిక్‌ నిలిచిపోయింది. అగ్నిప్రమాదానికి సరైన కారణం ప్రస్తుతం తెలియరాలేదు. కేసు దర్యాప్తు మొదలుపెట్టారు పోలీసులు. విషయాన్ని సీరియస్‌గా తీసుకున్న పోలీసులు అన్ని కోణాల్లో విచారణ చేపట్టారు. ఈ ఘటన సుదూర ప్రయాణాల్లో భద్రతపై ప్రశ్నలు లేవనెత్తుతోంది.
మరిన్ని జాతీయ వార్తల కోసం క్లిక్ చేయండి..