మరో దారుణం.. బాలికను హత్య చేసి ముక్కలు ముక్కలుగా నరికిన యువకుడు

ఇటీవల హత్యలు చేయడం.. వారి మృతదేహాన్ని ముక్కలు ముక్కలుగా నరికేయడం లాంటి ఘటనలు పెరిగిపోతున్నాయి. ఢిల్లీలో శ్రద్ధవాకర్ హత్య కేసు దేశవ్యాప్తంగా దుమారం రేపిన సంగతి తెలిసిందే. ఆ తర్వాత ఇలాంటి ఘటనలే మరికొన్ని ప్రాంతాల్లో వెలుగుచూశాయి. ఇప్పుడు తాజాగా రాజాస్థాన్ లో అలాంటి ఘటనే చోటుచేసుకోవడం కలకలం రేపుతోంది. రాజాస్థాన్‎లోని ఉదయ్ పూర్‎లో ఓ 20 ఏళ్ల యువకుడు తొమ్మిదేళ్ల బాలికను హత్య చేసి ముక్కలుముక్కలుగా నరికేశాడు. ఆ తర్వాత వాటిని ఓ ప్లాస్టిక్ సంచుల్లో కుక్కి పాడుబడ్డ ఇంట్లో పారేశాడు. ఆ ఇంట్లో నుంచి దుర్వాసన రావడంతో ఇరుగు పొరుగున ఉన్నవారు పోలీసులకు ఫిర్యాదు చేశారు.

ఘటనాస్థలానికి వచ్చిన పోలీసులు ఆ ఇంట్లో పరిశీలించగా వారికి శరీర భాగాలు లభించాయి. అయితే ఈ ఘటనకు సంబంధించి కమ్లేశ్ అనే యువకుడ్ని పోలీసులు ప్రశ్నిస్తున్నారు. నిందితుడు ఆ బాలికను హత్య చేసే ముందు అత్యాచారానికి పాల్పడి ఉండొచ్చన్న అంశాన్ని కొట్టిపారేయలేమన్నారు. అయితే గత నెల 29న ఓ బాలిక కనిపించడం లేదని పోలీసులకు ఫిర్యాదు అందింది. ఈ క్రమంలోనే గాలింపు చర్యలు చేపట్టగా ఆమె శరీర భాగాలు దొరికాయి.

మరిన్ని జాతీయ వార్తల కోసం