Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 20 వేల 903 మంది వైరస్​ సోకింది. మరో 379 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,25,544. ప్ర‌స్తుతం యాక్టీవ్ కేసులు 2,27,439. వ్యాధి బారి నుంచి కోలుకున్న‌వారు 3,79,892. క‌రోనాతో మొత్తం ప్రాణాలు విడిచినవారి సంఖ్య 18,213.
  • విజయవాడ: మిస్సింగ్ కేసును ఛేదించిన పోలీసులు. క్రోవిడ్ ఆసుపత్రిలో వృద్ధుడు వసంతరావు ఆచూకీ లభ్యం. గత నెల 24వ తేది అర్దరాత్రి క్రోవిడ్ ఆసుపత్రిలో వృద్ధుడు మృతి. అనంతరం మార్చూరుకి తరలించిన వైద్య సిబ్బంది. ఆసుపత్రిలో డాక్టర్లు నిర్లక్ష్యం. వృద్ధుడు వివరాలు ఆసుపత్రి రికార్డుల్లో నమోదుచేయని సిబ్బంది. దింతో మిస్టరీగా మరీనా వసంతారావు మిస్సింగ్. పోలీసుల రంగప్రవేశంతో వృద్ధుడు ఆచూకీ. గత 10 రోజులుగా కుటుంబ సభ్యులు వివరణ కోరిన సరైన వివరణ ఇవ్వని ఆసుపత్రి వర్గాలు. ఆసుపత్రి సిబ్బంది నిర్లక్ష్యం తో గత 10 రోజులుగా ఆందోళనలో కుటుంబ సభ్యులు.. డాక్టర్లు తీరు పై కుటుంబ సభ్యులు ఆగ్రహం. ఆసుపత్రి సీసీ కెమెరాలలో వృద్ధుడు ఆచూకీ గమనించిన పోలీసులు. మార్చురీలో ఉన్న మృతదేహం వసంతరావుది కావడంతో విషాదంలో కుటుంబo.
  • అమరావతి: మంత్రివర్గ విస్తరణ 22న? రాష్ట్ర మంత్రివర్గ విస్తరణ చేయడానికి రంగం సిద్దం చేస్తునట్టు సమాచారం. ఇద్దరు మంత్రులు.. మోపిదేవి వెంకటరమణారావు, పిల్లి సుభాష్‌చంద్రబోస్‌లు రాజ్యసభకు ఎన్నికైన నేపథ్యంలో తమ పదవులకు రాజీనామా ఖాళీ అయిన మంత్రి పదవులను భర్తీ చేయడానికి వీలుగా విస్తరణ చేపట్టనున్నట్లు సమాచారం 22వ తేదీన కొత్త మంత్రుల ప్రమాణ స్వీకార కార్యక్రమం నిర్వహించే అవకాశం. ప్రస్తుతం మంత్రి పదవులకు రాజీనామా చేసిన ఇద్దరు నేతలు బీసీ వర్గానికి చెందినవారు. కొత్త మంత్రులను కూడా బీసీ వర్గం నుంచే ముఖ్యమంత్రి వైఎస్‌ జగన్‌మోహన్‌రెడ్డి ఎంపిక పై కసరత్తు?
  • గుంటూరు: అరండల్ పేట పరిధిలో ప్రత్యర్దులను హత్య చేసేందుకు ప్లాన్ చేసిన ఏడుగురు రౌడీ షీటర్లను అరెస్ట్ చేసిన అర్బన్ పోలీసులు. రమణ అనే వ్యక్తి ని హత్య చేసేందుకు ప్లాన్ చేసిన రౌడీ షీటర్ బసవల వాసు హత్య కేసు నిందితులు.
  • ఎయిమ్స్ నిర్వహించిన సూపర్ స్పెషాలిటీ ఎంట్రన్స్ పరీక్షల్లో జాతీయ స్థాయిలో ప్రధమ స్థానం సాధించిన చిలకలూరిపేటకు చెందిన ప్రతాప్ కుమార్. వంద మార్కులకు గాను 91 మార్కులు సాధించిన ప్రతాప్ కుమార్.
  • విజయవాడ: మాజీ స్పీకర్ కోడెల కుమారుడు కోడెల శివరాంపై బెజవాడ పోలీసులకు ఫిర్యాదు. 2018లో పొలం కొనుగోలు చేసి 90 లక్షలు ఇవ్వటంలేదని పటమట పోలీసులకు ఫిర్యాదు చేసిన అనంత్. అధికార బలంతో అప్పట్లో డబ్బు ఇవ్వలేదని, గత ఏడాది నుంచి మధ్యవర్తి రాంబాబుకి ఇచ్చేసాను అని ఇబ్బంది పెడుతున్నట్టు ఫిర్యాదు. మధ్యవర్తి రాంబాబును కలిస్తే రివాల్వర్ తో బెదిరిస్తున్నదని పోలీసులకు ఫిర్యాదు చేసిన అనంత్. గత నెల 25న ఫిర్యాదు చేసినా స్పందన లేకపోవటంతో సీపీకి ఫిర్యాదు చేయనున్న అనంత్.
  • క్లినికల్ ట్రైల్స్ కు తెలంగాణలో గ్రీన్ సిగ్నల్ . నిమ్స్ కు పర్మిషన్ ఇచ్చిన ఐసీఎంఆర్ . ఇప్పటికే కోవిడ్ తో పాటు ఇతర వ్యాధుల వారికి కూడా ట్రీట్మెంట్ అందిస్తున్న కిమ్స్. అనేకసార్లు అనేక వ్యాధులకు వ్యాక్సిన్ ట్రైల్స్ నిర్వహించిన నిమ్స్.

అక్కపై ఉన్న కోపాన్ని కుక్కపై తీర్చుకున్న ప్రబుద్ధుడు

Man Booked for Killing Pet Dog over Property Dispute with Sister in Hyderabad, అక్కపై ఉన్న కోపాన్ని కుక్కపై తీర్చుకున్న ప్రబుద్ధుడు

రెండు కుటుంబాల మధ్య చెలరేగిన చిచ్చుకు.. ఓ ముగజీవి బలైపోయింది. ఆస్తి విషయంలో అక్కతో తగాదా వచ్చింది ఆ ప్రబుద్ధుడికి. అంతే అక్కపై ద్వేషం పెంచుకున్న అతడు.. ఎలాగైన అక్కపై రివేంజ్ తీసుకోవాలని స్కెచ్ వేశాడు. అక్కని మానసిక క్షోభకు గురిచెయ్యాలంటే.. అక్కకి ఇష్టమైన వాటిని లేకుండా చేయాలనుకున్నాడో ఏమో.. అనుకున్నదే తడవుగా ప్లాన్ వేశాడు. ఆ అక్కకి అల్లారుముద్దుగా పెంచుకుంటున్న ఓ శునకం ఉంది. అదంటే ఆమెకు అమితమైన ప్రేమ. ఇంకేంది.. ఆ ప్రేమను అక్కకి దూరం చేయాలనుకున్నాడు. వెంటనే ఆ కుక్కను హతమార్చాడు.

వివరాల్లోకి వెళితే.. హైదరాబాద్‌లోని లాలాపేటలో కేంద్ర ప్రభుత్వ సంస్థలో ఉద్యోగిగా పనిచేస్తున్న రమాదేవి.. తన తల్లితో నివాసం ఉంటుంది. కేంద్ర ప్రభుత్వ సంస్థలో ఉద్యోగిగా పనిచేస్తున్న రమాదేవి.. తన తల్లితో కలిసి సికింద్రాబాద్ పరిధిలోని లాలాపేటలో నివాసం ఉంటున్నారు. అయితే రమాదేవికి పెంపుడు కుక్కలంటే ఇష్టం ఉండటంతో… ఆమె పొమేరేనియన్ జాతికి చెందిన ఓ కుక్కను పెంచుకుంటున్నారు. అయితే తన తమ్ముడు నాగరాజుతో గత కొద్ది రోజులుగా ఆస్తి పంపకాల విషయంలో గొడవలు జరుగుతున్నాయి. అయితే ఈ నేపథ్యంలో నాగరాజు తన అక్కపై కక్ష పెంచుకున్నాడు. ఆ కక్షను కాస్త అక్కపై కాకుండా.. ఆమె పెంచుకుంటున్న కుక్కపై చూపాడు. సోదరికి ఇష్టమైన ఆ కుక్కను గొంతు నులిమి చంపేశాడు. దీంతో ఆగ్రహం వ్యక్తం చేసిన రమాదేవి పోలీసులను ఆశ్రయించింది. తన సోదరుడు నాగరాజు తన పెంపుడు కుక్కను హతమార్చాడని ఓయూ పీఎస్‌లో ఫిర్యాదు చేశారు. అంతేకాదు ఈ హత్యలో నాగరాజుకు అతడి భార్య కూడా సాయం చేసినట్లు ఫిర్యాదులో పేర్కొన్నారు.

బాధితురాలు రమాదేవి ఫిర్యాదు మేరకు కేసు నమోదు చేసుకున్న పోలీసులు.. నాగరాజును అరెస్ట్ చేశారు. కుక్క మృతదేహాన్ని పోస్టుమార్టం నిమిత్తం నారాయణ గూడ వెటర్నరీ ఆస్పత్రికి తరలించారు.

కాగా, తన తమ్మడు మద్యానికి బానిసయ్యాడని.. తనను, తన తల్లిని చంపేస్తానని పలుమార్లు బెదిరించాడని పోలీసులతో రమాదేవి చెప్పారు. ప్రస్తుతం సొంత సోదరిపై కోపాన్ని పెంపుడు కుక్కపై చూపడం స్థానికంగా చర్చనీయాంశంగా మారింది.

Related Tags