Success Formula: సక్సెస్కి షార్ట్ కట్ వెతుకుతున్నారా? ఈ ఇంగ్లీష్ అక్షరాల వెనుక ఉన్న సీక్రెట్స్ తెలియాల్సిందే!
జీవితంలో విజయం సాధించడం అంటే కేవలం డబ్బు సంపాదించడం కాదు.. అది ఒక సంపూర్ణమైన వ్యక్తిత్వాన్ని నిర్మించుకోవడం. చాలా మంది గెలుపు కోసం అడ్డదారులు వెతుకుతుంటారు, కానీ అసలైన మార్గం మన ప్రవర్తనలోనే ఉంది. ఎస్. మరిముత్తు అందించిన ఈ 'A నుండి Z' ఫార్ములా, సాధారణ అక్షరాలను జీవిత పాఠాలుగా మార్చింది. మనలోని అహంకారాన్ని చంపి, ఎదుటివారిని గౌరవించేలా చేసే ఈ అద్భుత సూత్రాలు ఏంటో ఇప్పుడు చూద్దాం.
Updated on: Feb 16, 2026 | 9:14 PM
ప్రతి మనిషిలోనూ కొన్ని బలహీనతలు ఉంటాయి. అసూయ, అపార్థం, మొండితనం వంటివి మనల్ని వెనక్కి లాగుతుంటాయి. అయితే, వీటిని అధిగమించి నిజాయితీ, ఓర్పు క్షమాగుణంతో ముందుకు సాగితే విజయం మీ బానిస అవుతుంది. ఇతరుల విజయాలను ప్రశంసించడం నుండి, మన తప్పులను ఒప్పుకోవడం వరకు.. ఈ 26 అక్షరాల ప్రయాణం మనల్ని ఒక పరిపూర్ణ మానవుడిగా తీర్చిదిద్దుతుంది. ఆ స్ఫూర్తిదాయక సూత్రాలు వివరంగా మీకోసం.
విజయ తీరాలకు చేర్చే ‘A to Z’ సూత్రాలు:
A – ప్రశంస (Appreciation): ఇతరుల విజయాలను మనస్ఫూర్తిగా అభినందించండి.
B – ప్రవర్తన (Behaviour): ప్రేమగా మాట్లాడటానికి సమయం లేనట్లు నటించకండి.
C – రాజీ (Compromise): చిన్న విషయాలను పెద్దవి చేయకుండా సామరస్యంగా పరిష్కరించుకోండి.
D – డిప్రెషన్ (Depression): ఎవరూ నన్ను అర్థం చేసుకోవడం లేదని నిరుత్సాహపడకండి.
E – అహంకారం (Ego): ఇతరులకన్నా నేనే గొప్ప అనే అహాన్ని వీడండి.
F – క్షమించండి (Forgive): అధికారం ఉన్నా ఎదుటివారిని క్షమించే గొప్ప మనసు కలిగి ఉండండి.
G – నిజాయితీ (Genuineness): ప్రతి విషయంలోనూ స్పష్టంగా, నిజాయితీగా వ్యవహరించండి.
H – వినయం (Honesty): తప్పు చేస్తే క్షమాపణ అడగడం గౌరవంగా భావించండి.
I – న్యూనతా కాంప్లెక్స్ (Inferiority Complex): ఎవరిని చూసి భయపడకండి, మిమ్మల్ని మీరు తక్కువ చేసుకోకండి.
J – అసూయ (Jealousy): అసూయ పడకండి, అది మనిషిని లోలోపల కాల్చేస్తుంది.
K – దయ (Kindness): ఎప్పుడూ దయగల మాటలనే వాడండి.
L – విచ్చలవిడి మాటలు (Loose Talk): ఆలోచన లేకుండా పర్యవసానాలు తెలియకుండా మాట్లాడకండి.
M – అపార్థం (Misunderstanding): ఇతరులను అనవసరంగా అపార్థం చేసుకోకండి.
N – తటస్థత (Neutral): తొందరపడి నిర్ణయాలు తీసుకోకుండా తటస్థంగా ఉండండి.
O – అతిగా ఆశించడం (Over-expectation): అవసరానికి మించి అత్యాశ పడకండి.
P – ఓర్పు (Patience): కొన్ని అసౌకర్యాలను ఓర్పుతో భరించడం నేర్చుకోండి.
Q – నిశ్శబ్దం (Quietness): తెలిసింది మాత్రమే మాట్లాడండి, లేకపోతే మౌనంగా ఉండండి.
R – మొరటుతనం (Rudeness): పరుష పదాలు మొరటు ప్రవర్తనను నివారించండి.
S – మొండితనం (Stubbornness): నేను చెప్పిందే నిజం అనే మొండితనాన్ని వదులుకోండి.
T – వక్రీకరణ (Twisting): ఇక్కడ మాటలు అక్కడ, అక్కడ మాటలు ఇక్కడ చెప్పకండి.
U – తక్కువ అంచనా (Underestimate): ఎవరిని తక్కువ అంచనా వేయకండి, అందరికీ గౌరవం ఇవ్వండి.
V – చొరవ (Voluntarily): ఇతరులు వచ్చే వరకు చూడకుండా మీరే సంభాషణ మొదలుపెట్టండి.
W – గాయం (Wound): మీ మాటలతో ఎవరి మనసునూ గాయపరచకండి.
X – జిరాక్స్ (Xerox): ఎదుటివారు మీతో ఎలా ప్రవర్తించాలనుకుంటున్నారో, మీరు వారితో అలాగే ఉండండి.
Y – ఇవ్వడం (Yielding): వీలైనంత సహాయం చేయండి, ఇచ్చేవారు ఎప్పటికీ నష్టపోరు.
Z – సున్నా (Zero): పైన చెప్పినవన్నీ పాటిస్తే మీ జీవితంలో సమస్యలు ‘సున్నా’ అవుతాయి.
