Onion: ఉల్లిపాయ కట్‌చేశాక చేతులకు స్మెల్ వస్తుందా.. జస్ట్‌ ఇలా చేయండంతే.. క్షణాల్లో మాయం

సాధారణంగా ఉల్లిపాయను కోసినప్పుడు లేదా తిన్నప్పుడు అందులో ఉండే సల్ఫర్ కాంపౌండ్స్ నోటి ద్వారా ఊపిరితిత్తుల్లోకి చేరుకుంటాయి. దీనివల్ల శ్వాసలో చాలా సేపటి వరకు దుర్వాసన వస్తూనే ఉంటుంది. అలాగే ఉల్లిపాయలు కోసేటప్పుడు ఆ వాసన చేతుల చర్మంలోకి ఇంకిపోతుంది, ఇది మామూలు సబ్బుతో కడిగినా పోదు. దీన్ని వదిలించుకోవడానికి కొన్ని సైంటిఫిక్, ఇంటి చిట్కాలు చాలా బాగా పనిచేస్తాయి. అవేంటి.. వాటి ద్వారా వాసనను ఎలా దూరం చేయాలో ఇప్పుడు మనం తెలుసుకుందాం.

ఉల్లిపాయ వాసనను ఇలా సింపుల్‌గా దూరం చేయండి

నారింజ, యాపిల్: హెల్త్‌లైన్ నివేదిక ప్రకారం.. ఉల్లిపాయ తిన్న తర్వాత ఒక ఆపిల్ ముక్కను తింటే చాలా మంచిది. ఆపిల్‌లో ఉండే సహజ ఎంజైములు ఉల్లిపాయలోని సల్ఫర్ కాంపౌండ్స్‌ను విచ్ఛిన్నం చేయడానికి పనిచేస్తాయి. ఉల్లిపాయ తిన్న కాసేపటికి ఆపిల్ లాంటి పండ్లను తింటే నోటి దుర్వాసనను సులభంగా తగ్గించుకోవచ్చు.

నిమ్మకాయ,సిట్రస్ పండ్లు: కేర్ ఫ్రీ డెంటల్ ప్రకారం.. చేతుల దుర్వాసనను పోగొట్టడానికి నిమ్మరసం ఒక అద్భుతమైన మార్గం. నిమ్మకాయలో ఉండే సిట్రిక్ యాసిడ్ బ్యాక్టీరియాను చంపడమే కాకుండా ఉల్లిపాయ వాసనను కూడా పూర్తిగా తొలగిస్తుంది. నిమ్మరసం కలిపిన నీటితో నోటిని పుక్కిలించడం లేదా చేతులకు నిమ్మరసం రాసుకుని కడుక్కోవడం వల్ల వాసన వెంటనే తగ్గిపోతుంది.

గ్రీన్ టీ తాగడం: విన్‌మెక్ హెల్త్ నివేదిక ప్రకారం.. గ్రీన్ టీలో పాలిఫెనాల్స్ అనే శక్తివంతమైన యాంటీ ఆక్సిడెంట్లు ఉంటాయి. ఈ కాంపౌండ్స్ ఉల్లిపాయల వల్ల వచ్చే దుర్వాసన కారకాలను నాశనం చేయడానికి సహాయపడతాయి. కాబట్టి భోజనం చేసిన తర్వాత ఒక కప్పు వేడి గ్రీన్ టీ తాగితే నోరు తాజాగా ఉంటుంది. అలాగే బ్యాక్టీరియా ప్రభావం తగ్గుతుంది.

స్టెయిన్‌లెస్ స్టీల్,ఉప్పు: ఉల్లిపాయలు కోసిన తర్వాత చేతులను స్టెయిన్‌లెస్ స్టీల్ పాత్రలకు లేదా స్పూన్లకు రుద్దడం వల్ల ఆ వాసన మాయమవుతుందని మీకు తెలుసా? దీనికి కారణం స్టీల్ మాలిక్యూల్స్ ఉల్లిపాయలోని సల్ఫర్‌తో బంధాన్ని ఏర్పరుచుకుని, దాన్ని చర్మం నుండి తొలగిస్తాయి. అలాగే చేతులపై కొద్దిగా ఉప్పు వేసి రుద్ది కడుక్కోవడం వల్ల కూడా వాసన చాలా వరకు తగ్గుతుంది.

మరిన్ని లైఫ్‌స్టైల్ వార్తల కోసం ఇక్కడ క్లిక్ చేయండి.