వింత షరతు పెట్టిన రెస్టారెంట్.. 5 సంవత్సరాల కంటే తక్కువ వయసున్న పిల్లలకు ప్రవేశం లేదు.. ఎందుకో తెలుసా..?
Britan Restaurant: ప్రపంచవ్యాప్తంగా చాలా ఫేమస్‌ రెస్టారెంట్లు ఉన్నాయి. ఇందులో మంచి మంచి వంటకాలు ఉంటాయి. ఒక్కసారి తిన్నారంటే మళ్లీ మరిచిపోరు. కానీ
Britan Restaurant: ప్రపంచవ్యాప్తంగా చాలా ఫేమస్‌ రెస్టారెంట్లు ఉన్నాయి. ఇందులో మంచి మంచి వంటకాలు ఉంటాయి. ఒక్కసారి తిన్నారంటే మళ్లీ మరిచిపోరు. కానీ బ్రిటన్‌లోని ఈ రెస్టారెంట్ గురించి విన్నారా.. ఈ రెస్టారెంట్ యజమాని కస్టమర్లకు వింత కండీషన్ పెట్టారు. తల్లిదండ్రులు రావొచ్చు కానీ పిల్లలను తీసుకురావడం నిషేధం. అది కూడా ఐదు సంవత్సరాల కంటే తక్కువ ఉన్న పిల్లలను తీసుకురాకూడదు. ఈ వింత కండీషన్ చూసి అందరు ఆశ్చర్యపోతున్నారు.
ఇక్కడ ఆహారం చాలా బాగుంటుంది. కానీ పిల్లలను మాత్రం తీసుకురాకుడదు. అయితే దీని వెనుక ఉన్న సీక్రెట్‌ ఏంటో తెలుసుకునే ప్రయత్నం చేద్దాం. తల్లిదండ్రులు ఈ రెస్టారెంట్ ( రెస్టారెంట్ పేరు: హార్లీస్ కేఫ్, కాఫీ బార్) పెట్టిన నియమానికి ఒప్పుకొని వస్తున్నారు. 5 సంవత్సరాల కంటే తక్కువ వయస్సు ఉన్న పిల్లలను తీసుకురావడం లేదు. ఒకవేళ మీరు పిల్లలతో వచ్చినా ఇక్కడ ప్రవేశం కల్పించరు. అయితే దీనికి కారణాలేంటో దీని యజమానులు టోనీ, బెవర్లీ ఫ్లెకెట్‌ తెలిపారు.
ఈ కేఫ్ ఇంటీరియర్ డిజైన్ కోసం లక్షల రూపాయలు వెచ్చించారు. సంగీతం, చలనచిత్రాలు, క్రీడలకు సంబంధించిన వస్తువులతో కేఫ్ బాగా అలంకరించి ఉంటుంది. ఇది కాకుండా కేఫ్ గోడలపై అద్భుతమైన కళాఖండాలను అమర్చారు. ఈ కేఫ్ అల్పాహారం ఇక్కడ చాలా ఫేమస్‌. అద్భుతమైన వంటకాలకు కూడా ప్రసిద్ధి చెందింది. కానీ షరతు ప్రకారం ఐదేళ్లలోపు పిల్లలు ఇక్కడ రుచికరమైన వంటకాలను ఆస్వాదించలేరు. ఈ కేఫ్ బయట ఒక బోర్డు ఉంటుంది.
ఇందులో ఓనర్ సారీ అని చాలా డీసెంట్ గా రాసారు! ఈ కేఫ్ 5 సంవత్సరాల కంటే తక్కువ వయస్సు ఉన్న పిల్లలను అనుమతించదని రాసి ఉంటుంది. 23 ఏళ్లుగా ఈ నిబంధన అమల్లో ఉందని కేఫ్ యజమానులు చెబుతున్నారు. వారి ప్రకారం.. పిల్లలు ప్రతిచోటా పరిగెత్తుతారు. ఇది కేఫ్‌లో చాలా గందరగోళాన్ని సృష్టిస్తుంది. అందుకే ఈ షరతు విధించామని తెలిపారు.