Snake Gourd: డిప్రెషన్ దరి చేరకుండా ఉండాలా.. అయితే ఈ కూరగాయ తినండి..
కూరగాయల్లో అనేక రకాలు ఉన్నాయి. దేనికి ఉండే విలువలు దానికి ఉన్నాయి. అందరూ అన్ని రకాల వెజిటేబుల్స్ తినరు. ఎవరికి నచ్చినవి వారు తింటూ ఉంటారు. దీంతో కొన్ని రకాల ఆరోగ్య ప్రయోజనాలు అందకుండా పోతున్నాయి. నచ్చనివి కూడా ఏదో రూపంలో తీసుకుంటూ ఉంటే ఎన్నో రకాల సమస్యలను తగ్గించుకోవచ్చట. ఇలా చాలా మంది తినని కూరగాయల్లో పొట్లకాయ కూడా ఒకటి. పొట్లకాయ చాలా మందికి నచ్చదు. కానీ వీటిల్లో ఉండే పోషకాలు..
కూరగాయల్లో అనేక రకాలు ఉన్నాయి. దేనికి ఉండే విలువలు దానికి ఉన్నాయి. అందరూ అన్ని రకాల వెజిటేబుల్స్ తినరు. ఎవరికి నచ్చినవి వారు తింటూ ఉంటారు. దీంతో కొన్ని రకాల ఆరోగ్య ప్రయోజనాలు అందకుండా పోతున్నాయి. నచ్చనివి కూడా ఏదో రూపంలో తీసుకుంటూ ఉంటే ఎన్నో రకాల సమస్యలను తగ్గించుకోవచ్చట. ఇలా చాలా మంది తినని కూరగాయల్లో పొట్లకాయ కూడా ఒకటి. పొట్లకాయ చాలా మందికి నచ్చదు. కానీ వీటిల్లో ఉండే పోషకాలు అన్నీ ఇన్నీ కావు. సంవత్సరం పొడవునా ఈ పొట్లకాయ లభ్యమవుతూనే ఉంటుంది. రుచి బాగోదని తినేందుకు ఇష్ట పడరు. వీటిని తినకపోవడం వల్ల ఎన్నో పోషకాలను మిస్ అవుతారని ఆరోగ్య నిపుణులు చెబుతున్నారు. మరి వీటిని తింటే ఎలాంటి సమస్యలకు దూరంగా ఉండొచ్చో ఇప్పుడు తెలుసుకుందాం.
డిప్రెషన్ దూరం:
ప్రస్తుత కాలంలో చాలా మంది డిప్రెషన్ బారిన పడుతున్నారు. ఏదో ఒక సమయాన డిప్రెషన్‌కు లోనవుతారు. ఒత్తిడికి, ఆందోళనకు గురవుతూ ఉంటారు. నిద్ర లేమి ప్రాబ్లమ్‌తో కూడా బాధ పడుతూ ఉంటారు. ఇలాంటి వారు పొట్లకాయను తమ ఆహారంలో చేర్చుకోవడం వల్ల డిప్రెషన్ బారిన పడకుండా ఉంటారు.
జుట్టు ఆరోగ్యం:
పొట్ల కాయలను తీసుకోవడం వల్ల జుట్టు రాలడం కూడా తగ్గుతుంది. పొట్లకాయను ముక్కలుగా కట్ చేసి.. పేస్టులా చేసుకోవాలి. ఈ ముక్కల్ని తలకు పట్టించడం వల్ల జట్టు రాలడం, చుండ్రు తగ్గడం ఇతర సమస్యలు కూడా తగ్గి.. జుట్టు పెరుగుతుంది.
థైరాయిడ్ గ్రంథి చక్కగా పని చేస్తుంది:
పొట్లకాయ తినడం వల్ల థైరాయిడ్ గ్రంథి పని తీరు కూడా మెరుగు పడుతుంది. థైరాయిడ్‌కి సంబంధించిన సమస్యలతో బాధ పడుతున్న వారు.. పొట్లకాయ తింటే మంచి ఫలితం ఉంటుంది.
కామెర్ల వ్యాధి రాదు:
పొట్ల కాయలను మీ ఆహారంలో భాగం చేసుకోవడం వల్ల కామెర్ల వ్యాధి రాకుండా ఉంటుంది. కామెర్లు వచ్చిన వారు.. ధనియాలతో కలిపి పొట్లకాయ తింటే కామెర్లు త్వరగా నయం అవుతాయి. అంతే కాకుండా ఛాతీ నొప్పి, గుండె దడ, హైబీపీ, గుండె సమస్యలతో బాధ పడేవారు కూడా పొట్ల కాయ రసం తాగితే మంచి ఫలితం ఉంటుంది.
అనేక లాభాలు:
జ్వరం వచ్చిన పొట్లకాయ తింటే త్వరగా కోలుకుంటారు. శరీరంలో రోగ నిరోధక శక్తి అనేది మెరుగు పడుతుంది. దీంతో సీజనల్ వ్యాధులు రాకుండా ఉంటాయి. లివర్ కూడా చక్కగా పని చేస్తుంది. క్యాన్సర్ కణాలను నశింప చేస్తుంది.
(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్ని లైఫ్ స్టైల్ వార్తల కోసం క్లిక్‌ చేయండి..
