Peanuts vs Makhana : వేరుశనగలు, మఖానాలో ఏది తింటే కొవ్వు వేగంగా కరుగుతుందో తెలిస్తే షాక్ అవుతారు!
ఊబకాయం అనేది చాలా మందిలో ఒక మహమ్మారిలా మారుతోంది. జంక్ ఫుడ్, నిద్రలేమి, శారీరక శ్రమ లేకపోవడం వల్ల చాలామంది బరువు పెరిగి తీవ్ర ఇబ్బందులు ఎదుర్కొంటున్నారు. బరువు తగ్గడానికి రకరకాల ప్రయత్నాలు చేస్తున్నా ఆశించిన ఫలితం దక్కడం లేదు. ఇలాంటి సమయంలో మన ముందుకు వచ్చే రెండు ప్రధాన ఎంపికలు వేరుశనగలు, మఖానా. బరువు తగ్గడానికి ఈ రెండింటిలో ఏది బెస్ట్ అని నిపుణులు చెబుతున్నారో ఇప్పుడు చూద్దాం..
బరువు తగ్గడమంటే కేవలం ఆహారం మానేయడం కాదు, సరైన ఆహారాన్ని ఎంచుకోవడం. వేరుశనగలో ప్రోటీన్ పుష్కలంగా ఉన్నప్పటికీ, క్యాలరీల విషయంలో మఖానా ముందు వరుసలో ఉంటుంది. డయాబెటిస్, రక్తపోటు వంటి సమస్యలు రాకుండా ఉండాలంటే బరువును అదుపులో ఉంచుకోవడం చాలా ముఖ్యం. మరి పోషకాహార నిపుణురాలు స్నేహ పరంజాపే విశ్లేషణ ప్రకారం.. మీ బెల్లీ ఫ్యాట్ కరిగించే ఆ ‘సూపర్ స్నాక్’ ఏది? అనే ఆసక్తికర విషయాలను తెలుసుకుందాం..
1. వేరుశనగ- శక్తికి నిధి:
వేరుశనగలో ప్రోటీన్, ఫైబర్ అధికంగా ఉంటాయి. ఇవి తిన్న తర్వాత ఎక్కువ సేపు కడుపు నిండుగా ఉన్న అనుభూతిని కలిగిస్తాయి, తద్వారా పదేపదే తినాలనే కోరిక తగ్గుతుంది.
వేరుశనగలో క్యాలరీలు చాలా ఎక్కువ. కాబట్టి బరువు తగ్గాలనుకునే వారు రోజుకు 5-6 గింజలు మాత్రమే తినాలి. అంతకంటే ఎక్కువ తింటే బరువు తగ్గకపోగా, పెరిగే ప్రమాదం ఉంది.
2. మఖానా – బరువు తగ్గడానికి బెస్ట్ ఛాయిస్:
మఖానాలో క్యాలరీలు, కొవ్వు చాలా తక్కువగా ఉంటాయి. బరువు తగ్గడానికి ఇది ఒక అద్భుతమైన ఆప్షన్.
ఇందులో యాంటీఆక్సిడెంట్లు, మినరల్స్ మరియు ఫైబర్ పుష్కలంగా ఉంటాయి. ఇది జీర్ణక్రియను మెరుగుపరచడమే కాకుండా, శరీరంలోని విషతుల్యాలను బయటకు పంపుతుంది.
నిపుణుల తుది తీర్పు:
స్నేహ పరంజాపే ప్రకారం, మీరు వేగంగా బరువు తగ్గాలనుకుంటే మఖానా అత్యుత్తమ ఎంపిక. ఎందుకంటే తక్కువ క్యాలరీలతో ఎక్కువ పోషకాలను ఇది అందిస్తుంది. ఒకవేళ మీరు ఆకలిని నియంత్రించుకోవడానికి ప్రయత్నిస్తుంటే, మితంగా వేరుశనగలను కూడా తీసుకోవచ్చు.
గుర్తుంచుకోవాల్సిన చిట్కాలు:
మఖానా లేదా వేరుశనగలను నూనెలో వేయించకుండా, డ్రై రోస్ట్ చేసి తీసుకోవడం ఉత్తమం.
ఏదైనా సరే అతిగా తీసుకోకుండా, మీ డైట్ లో సమతుల్యతను పాటించడం ముఖ్యం.
గమనిక: ఇది కేవలం సమాచారం మాత్రమే. సంస్థ దీనికి బాధ్యత వహించదు. ఏదైనా డైట్ ప్లాన్ అనుసరించే ముందు తప్పనిసరిగా మీ వైద్యుడిని లేదా పోషకాహార నిపుణుడిని సంప్రదించండి