అమ్మాయిలకు గమనిక.. వేసవిలో అందంగా కనిపించాలంటే ఈ తప్పులు చేయకండి..!
Summer Beauti Tips: చలికాలం ముగిసింది. వేసవికాలం ప్రారంభమైంది. అప్పుడే ఉష్ణోగ్రతలు పెరుగుతున్నాయి. ఈ పరిస్థితిలో అందాన్ని కాపాడుకోవడం అమ్మాయిలకు కష్టమే. డ్రై స్కిన్‌
Summer Beauti Tips: చలికాలం ముగిసింది. వేసవికాలం ప్రారంభమైంది. అప్పుడే ఉష్ణోగ్రతలు పెరుగుతున్నాయి. ఈ పరిస్థితిలో అందాన్ని కాపాడుకోవడం అమ్మాయిలకు కష్టమే. డ్రై స్కిన్‌ ఉన్నవారు చాలా జాగ్రత్తగా ఉండాలి. మార్కెట్‌లో లభించే ఎన్ని బ్యూటీ ప్రొడాక్ట్స్‌ వాడినా కొన్ని పద్దతులు పాటించకపోతే ఎటువంటి ఫలితం ఉండదు. చాలామంది తెలిసి తెలియక చేసే చిన్న చిన్న తప్పులే వారి అందాన్ని తగ్గించడానికి కారణం అవుతాయి. అలాంటి తప్పులు చేయకుండా కచ్చితంగా ఈ చిట్కాలని అనుసరించండి. చాలామంది పని ఒత్తిడి వల్ల, లేదంటే సమయం సరిపోక రాత్రిపూట పడుకునే ముందు ముఖాన్ని క్లీన్‌ చేసుకోరు. దీంతో వారు తెలియకుండానే వారి చర్మానికి హాని చేస్తున్నారు. ఇది మంచి పద్దతి కాదు. దీనివల్ల ముఖంపై ఉండో గ్లో మొత్తం పోతుంది. అందుకే కచ్చితంగా రాత్రిపూట ముఖం కడుక్కోవాలి.
వేసవిలో చాలా మంది తక్కువ నీరు తాగుతారు. దీనివల్ల డీ హైడ్రేషన్ ఏర్పడుతుంది. దీంతో చర్మం నిగారింపు కోల్పోతుంది. నీళ్లు తక్కువగా తాగడం వల్ల దురద, చర్మం బిగుతుగా మారడం జరుగుతుంది. మీరు తగినంత నీరు తాగితేనే ముఖంపై కాంతి ఉంటుంది. లేదంటే పాలిపోయి చూడటానికి అంద విహీనంగా కనిపిస్తారు. అందుకే కచ్చితంగా ఎక్కువగా నీరు తీసుకోండి. చాలా మంది ఇంటి నుంచి బయటకు వెళ్లేటప్పుడు సన్‌స్క్రీన్‌ను అప్లై చేయరు. దీనివల్ల సూర్యుని అతినీలలోహిత కిరణాలు ముఖంపై పడి నల్లగా మారుతుంది. అందుకే సన్‌ స్క్రీన్‌ మెయింటెన్‌ చేయండి.
ఈ చిట్కాలు పాటించండి..
1. అరటిపండును మెత్తగా చేసి ముఖానికి అప్లై చేసి 15-20 నిమిషాలు అలాగే ఉంచండి. తర్వాత గోరువెచ్చని నీటితో కడిగేయండి. అరటి ప్యాక్‌లు కూడా తయారు చేయవచ్చు. దీని కోసం, 1 పండిన అరటిపండు, 1 టీస్పూన్ తేనె మరియు కొన్ని చుక్కల నిమ్మరసం కలిపి ముఖానికి 10-15 నిమిషాలు అప్లై చేసి తర్వాత కడిగేయండి. అరటి మచ్చల నుండి ఉపశమనం ఇస్తుంది.
2. కొబ్బరి – 2 స్పూన్ పచ్చి పాలు, 1 టేబుల్ స్పూన్ తురిమిన కొబ్బరి.. 1 స్పూన్ తేనె కలపండి. ఈ మిశ్రమాన్ని ముఖానికి అప్లై చేసి, కొద్దిసేపు మసాజ్ చేసి గోరువెచ్చని నీటితో శుభ్రం చేసుకోండి. ఇది రంగును క్లియర్ చేస్తుంది.
3. బాదం ఆయిల్ ప్యాక్ – 1 టేబుల్ స్పూన్ గ్రామ్ పిండిలో 1 టీస్పూన్ బాదం నూనె (అవసరం మేరకు పెంచవచ్చు) కలిపి పేస్ట్ లా చేయండి. ముఖం..మెడపై వృత్తాకార కదలికలో మసాజ్ చేయండి. కొంతసేపటి తర్వాత గోరువెచ్చని నీటితో కడిగేయండి. ఇది చర్మాన్ని బిగుతుగా చేస్తుంది.