Mushroom: ఎండలో ఉంచిన పుట్టగొడుగు విటమిన్ల నిధిగా ఎలా మారతాయి? సైంటిఫిక్ రీజన్ ఏమిటంటే

అంతేకాకుండా, ఈ విటమిన్ లోపం బలహీనమైన రోగనిరోధక శక్తి, చర్మ సమస్యలు, ఎముకల బలహీనత, నోటి వ్యాధులకు దారితీస్తుంది. ఈ విటమిన్ పెరుగుదలకు క్యాప్సికమ్, పుట్టగొడుగులు,క్యాబేజీ, పాలకూర, నారింజ, గూస్బెర్రీస్, టమోటాలు వంటి పుల్లని పండ్లను తినవచ్చు.

పుట్టగొడుగులను ఆరోగ్యానికి నిధిగా పరిగణిస్తారు. కూరగాయగా మాత్రమే కాదు ఇది ఔషధంగా కూడా పని చేస్తుంది. అయితే పుట్టగొడుగులను వండడానికి ముందు ఎండలో ఎండబెట్టడం మీరు చాలాసార్లు చూసి ఉంటారు. ఇలా ఎందుకు చేస్తారు అనే ప్రశ్న చాలా మంది మదిలో వచ్చి ఉండవచ్చు. అయితే సూర్యకాంతిలో పుట్టగొడుగులను ఉంచడం ద్వారా అది విటమిన్ల నిధిగా మారుతుంది. ఇలా చేయడం వెనుక ఒక సైంటిఫిక్ రీజన్ కూడా ఉంది. ఎండలో పుట్టగొడుగులను పెట్టడం వలన అవి కూరగాయల నుంచి ఔషధంగా మారతాయి.

పుట్టగొడుగులు విటమిన్ డి మంచి మూలంగా పరిగణించబడుతున్నాయి. అయితే అన్ని పుట్టగొడుగుల్లో విటమిన్ డి ఉండవలసిన అవసరం లేదు. ముఖ్యంగా ఇండోర్ లో పెరిగే మష్రూమ్ ఫారమ్‌ల్లోని పుట్టగొడుగులలో విటమిన్ డి తగినంత మొత్తంలో ఉండదు. కనుక వీటికి చికిత్స అవసరం. అప్పుడు ఆ పుట్టగొడుగులను సూర్యకాంతిలో ఉంచడం ద్వారా నయమవుతుంది. UV కిరణాలు తగలడంతో పుట్టగొడుగుల్లో విటమిన్ డి పరిమాణం పెరుగుతుంది.

పుట్టగొడుగులను ఎండలో ఉంచితే ఏమవుతుంది?

పుట్టగొడుగులపై ఇప్పటి వరకు చేసిన పరిశోధనల్లో యూవీ కిరణాలు తగలడం వలన వాటిలో విటమిన్ డి పెరుగుతుందని తేల్చారు. మష్రూమ్స్ ను 15 నుండి 120 నిమిషాల పాటు సూర్యరశ్మిలో పెట్టినప్పుడు 10 mg వరకు విటమిన్ డిని ఉత్పత్తి అవుతుంది. నిజానికి పుట్టగొడుగులలో ఎర్గోస్టెరాల్ అనే సమ్మేళనం అధిక మొత్తంలో ఉంటుంది. ఇది పుట్టగొడుగులలోని కొలెస్ట్రాల్ మాదిరిగానే పనిచేస్తుంది. దీనికి UV కిరణాలు తాకినప్పుడు.. ఈ అగోస్టెరాల్ విటమిన్ D గా మారుతుంది.

ఈ ప్రక్రియ మానవ శరీరంలో విటమిన్ డి ఏర్పడటానికి సమానంగా ఉంటుంది. ఇది చర్మంలోని కొలెస్ట్రాల్ నుండి ప్రారంభమవుతుంది. పుట్టగొడుగులను సూర్యరశ్మిలో పెట్టడం వలన అవి విటమిన్ డి మంచి మూలంగా మారతాయి. ప్రత్యేకించి ఇతర వనరుల నుంచి విటమిన్ డి పొందలేని వ్యక్తులకు పుట్టగొడుగులు మంచి మెడిసిన్. పుట్టగొడుగులను సూర్యరశ్మిలో ఉంచడం వల్ల వాటి పోషకాలు పెరుగుతాయి. కనుక పుట్టగొడుగులను షాప్ నుంచి కొనుగోలు చేసినప్పుడు విటమిన్ డి మొత్తాన్ని పెంచడానికి వాటిని సూర్యకాంతిలో ఉంచుతారు.

పుట్టగొడుగు విటమిన్ డి ఔషధాల గని

పుట్టగొడుగు విటమిన్ డి ఔషధాల గని, దీనిలో విటమిన్ డి పరిమాణం సీజన్ ప్రకారం మారుతుంది. సైన్స్ ABC నివేదిక ప్రకారం శీతాకాలంలో 100 గ్రాముల మష్రూమ్‌లో 3 నుండి 30 mg విటమిన్ డి ఉంటుంది. అయితే ఇప్పుడు ప్రజలు కొనుగోలు చేస్తున్న పుట్టగొడుగులు ఎక్కువగా ఇండోర్ ఫారమ్‌ల నుంచి వచ్చే పుట్టగొడుగులు. వీటిలో విటమిన్ డి పరిమాణం చాలా తక్కువగా ఉంటుంది లేదా చాలా తక్కువగా ఉంటుంది.

వంట చేసేటప్పుడు విటమిన్ డి పోతుందా?

పుట్టగొడుగులను వండేటప్పుడు విటమిన్ డి పోతుందని చాలా మంది నమ్ముతారు. అయితే పరిశోధన ప్రకారం పుట్టగొడుగులలోని విటమిన్ డి వంట సమయంలో పోతుంది. కానీ అది చాలా తక్కువ. పుట్టగొడుగులను నూనె లేకుండా 5 నిమిషాలు వేయించినట్లయితే, 85 శాతం విటమిన్ డి 20 నిమిషాలు ఉడకబెట్టిన తర్వాత కూడా వాటిలో 62 నుండి 67 శాతం విటమిన్ డి ఉంటుంది. అయినప్పటికీ.. 88 శాతం విటమిన్ డి చెక్కుచెదరకుండా ఉంటుంది.

విటమిన్ డి ఎందుకు ముఖ్యమైనది?

విటమిన్ డి శరీరానికి చాలా ముఖ్యమైన పోషకం. ఇందులో ఉండే కాల్షియం, మెగ్నీషియం, ఫాస్ఫేట్ కండరాల పని సామర్థ్యాన్ని పెంచుతాయి. విటమిన్ డి కొన్ని రకాల క్యాన్సర్, గుండె జబ్బులు, మధుమేహం నుంచి కూడా రక్షిస్తుంది. ఎండలో ఉన్నప్పుడు చర్మం స్వయంగా విటమిన్ డిని ఉత్పత్తి చేస్తుంది. అయితే ఇది చర్మ జన్యు పరిస్థితులపై కూడా ఆధారపడి ఉంటుంది. ఎవరికైనా విటమిన్ డి ఎంత అవసరమో ప్రతి దేశం వేర్వేరు ప్రమాణాలను నిర్దేశించింది. చాలా దేశాలు దాని అవసరమైన పరిమాణాన్ని రోజుకు 5 నుండి 15 mg వరకు సూచిస్తున్నాయి. అయితే ఈ పరిమాణాన్ని మనం ఏది తిన్నా తీర్చలేము.

విటమిన్ డి ఎక్కడ లభిస్తుందంటే

సూర్యుని UV కిరణాలకు గురైనప్పుడు చర్మం విటమిన్ డిని ఉత్పత్తి చేస్తుంది. తగినంత ఎండ శరీరానికి తగలనప్పుడు డి విటమిన్ లోపం ఏర్పడుతుంది. అటువంటి పరిస్థితులలో, కొన్నిసార్లు వైద్యులు దీని మోతాదును సిఫార్సు చేస్తారు. లేదా విటమిన్ డి ఉన్న ఆహారాన్ని తినమని సలహా ఇస్తారు. చేపలు, మాంసం, బలవర్థకమైన ఆహారాలలో భారీ పరిమాణంలో విటమిన్ డీ ఉంటుంది. అయితే శాఖాహారులకు పుట్టగొడుగులు ఉత్తమ మూలం.

అనేక పరిశోధనలు

వేసవిలో పుట్టగొడుగులను సూర్యకాంతిలో ఉంచినట్లయితే కేవలం 15 నిమిషాల్లో 17.5 mg విటమిన్ డిని ఉత్పత్తి చేయగలదని జర్మనీలో నిర్వహించిన పరిశోధనలో వెల్లడైంది. మరొక పరిశోధనలో, పుట్టగొడుగులను కత్తిరించడం, UV కిరణాలలో ఉంచడం ద్వారా వీటిల్లో విటమిన్ D వేగంగా పెరుగుతుందని తెలుస్తోంది. పుట్టగొడుగులను సూర్యకాంతిలో ఉంచడం సాధ్యం కాకపోతే, వాటిని కృత్రిమ UV కాంతిలో ఉంచవచ్చని నిపుణులు సూచిస్తున్నారు.

మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి..