ఇక యాడ్స్ కనిపించవా..? మెటా సంచలన నిర్ణయం వెనుక అసలు కథ ఇదే!

వెబ్ వెర్షన్ వినియోగించే వారికి నెలకు 9.99 యూరోలు (సుమారు 850 రూపాయలు) రుసుముగా నిర్ణయించారు. అదేవిధంగా ఆండ్రాయిడ్, ఐఓఎస్ యాప్స్ ద్వారా సబ్‌స్కైబ్ చేసుకునే యూజర్లకు నెలకు 12.99 యూరోలు (సుమారు 1,100 రూపాయలు) వసూలు చేయనున్నారు. ఈ ప్లాన్ తీసుకున్న వారి డేటాను యాడ్స్ ప్రదర్శన కోసం మెటా ట్రాక్ చేయదు. సాధారణ వినియోగదారులకు ఫేస్‌బుక్, ఇన్‌స్టాగ్రామ్, వాట్సాప్ సేవలు యథావిధిగా ఉచితంగానే అందుబాటులో ఉంటాయి. అదనపు ఫీచర్లు, ప్రకటనలు లేని అనుభవం కావాలనుకునే వారు మాత్రమే ఈ ప్లాన్‌లను ఎంచుకోవచ్చు.

వాట్సాప్ ప్రీమియం ఫీచర్లు

వాట్సాప్ తన బిజినెస్ యూజర్ల కోసం ‘వాట్సాప్ ప్రీమియం’ పేరుతో ప్రత్యేకమైన పెయిడ్ ఫీచర్లను తీసుకొచ్చింది. చిన్న, మధ్యతరహా వ్యాపారవేత్తల కోసం ఈ సబ్‌స్క్రిప్షన్ ఎంతో ఉపయోగకరంగా ఉంటుంది. దీని ద్వారా బిజినెస్ యూజర్లు తమ ప్రొఫైల్ కోసం ఒక కస్టమ్ వెబ్‌లింక్‌ను రూపొందించుకోవచ్చు. సాధారణంగా కస్టమర్లతో చాట్ చేయడానికి ఒక అకౌంట్ ఒకే డివైజ్‌కు పరిమితం కాకుండా, ఒకే వాట్సాప్ బిజినెస్ అకౌంట్‌ను గరిష్టంగా పది డివైజ్‌లలో లింక్ చేసుకునే సదుపాయాన్ని మెటా కల్పించింది.

డేటా భద్రతపై..

యాడ్-ఫ్రీ ప్లాన్ తీసుకున్న వినియోగదారుల వ్యక్తిగత డేటాను ప్రకటనల కోసం ట్రాక్ చేయమని మెటా స్పష్టం చేసింది. డిజిటల్ ప్రపంచంలో వినియోగదారుల గోప్యతకు, వారి అనుభవానికి ప్రాధాన్యత ఇవ్వాలనే ఉద్దేశంతోనే ఈ నిర్ణయం తీసుకున్నట్లు కనిపిస్తోంది. వాణిజ్యపరమైన అవసరాలు ఉన్న వ్యాపారస్తుల కోసం వాట్సాప్ ప్రీమియం ఒక వరంలా మారింది. టెక్నాలజీ మారుతున్న కొద్దీ వినియోగదారుల అభిరుచులకు అనుగుణంగా ఇలాంటి మార్పులు చోటు చేసుకోవడం గమనార్హం. రాబోయే రోజుల్లో ఈ సేవలు ప్రపంచవ్యాప్తంగా విస్తరించే అవకాశం ఉంది. డిజిటల్ వినియోగంలో నాణ్యత కోరుకునే వారికి ఇవి ఎంతో ఉపయోగపడతాయి.