ఈజీగా బరువు తగ్గేందుకు జపనీస్‌ 3-3-3 వాకింగ్ ఫార్ములా.. ఇది నిజంగా పనిచేస్తుందా?

Japanese 3 3 3 Walking Method

బరువు తగ్గడానికి, ఫిట్‌గా ఉండటానికి జపనీస్ 3-3-3 వాకింగ్ ఫార్ములా ప్రస్తుతం విశేష ఆదరణ పొందుతోంది. సాధారణంగా ఒకే వేగంతో గంటల తరబడి నడవడానికి బదులుగా, 3 నిమిషాలు వేగంగా 3 నిమిషాలు సాధారణ వేగంతో మార్చి మార్చి నడవడమే ఈ పద్ధతి. ఈ సైకిల్‌ను 18 నుండి 30 నిమిషాల పాటు పునరావృతం చేస్తారు. ఇది జీవక్రియను వేగవంతం చేసి ఎక్కువ క్యాలరీలను కరిగిస్తుంది. జిమ్‌కు వెళ్లే సమయం లేని వారికి, బిగినర్లకు, వయసు పైబడిన వారికి ఈ పద్ధతి ద్వారా సులువుగా బరువు తగ్గవచ్చని నిపుణులు స్పష్టం చేస్తున్నారు.

జపాన్‌లోని శిన్షూ యూనివర్సిటీ పరిశోధకులు ప్రాచుర్యంలోకి తెచ్చిన ఈ పద్ధతి చాలా సులువైనది. సాధారణంగా అందరూ ఒకే వేగంతో నడుస్తారు. కానీ, దీనిలో నడిచే వేగాన్ని నిరంతరం మారుస్తూ ఉండాలి.

మొదటి 3 నిమిషాలు: సాధారణ, సౌకర్యవంతమైన వేగంతో నడవాలి.

తరువాతి 3 నిమిషాలు: వేగంగా, వేగవంతమైన నడక చేయాలి (చేతులు వేగంగా కదులుతూ, గుండె వేగం పెరిగేలా).

ఈ 3+3 +3నిమిషాల సైకిల్‌ను రోజుకు కనీసం 3 నుండి 5 సార్లు (మొత్తం 18 నుండి 30 నిమిషాలు) పునరావృతం చేయాలి.

ఇది నిజంగా బరువు తగ్గడానికి సహాయపడుతుందా?

ఖచ్చితంగా సహాయపడుతుంది. సాధారణ నడక కంటే ఇంటర్వెల్ వాకింగ్ పద్ధతి బరువు తగ్గించడంలో అత్యంత ప్రభావవంతంగా పనిచేస్తుందని పరిశోధనలు నిరూపించాయి.

జీవక్రియ పెరుగుతుంది: వేగంగా, నెమ్మదిగా నడవడం వల్ల గుండె స్పందన రేటు మారుతూ ఉంటుంది. దీనివల్ల వర్కౌట్ పూర్తయిన తర్వాత కూడా శరీరం క్యాలరీలను కరిగిస్తూనే ఉంటుంది.

పొట్ట చుట్టూ కొవ్వు కరుగుతుంది: రోజువారీగా ఈ వాకింగ్ చేయడం వల్ల విసెరల్ ఫ్యాట్ పొట్ట ప్రాంతంలో పేరుకుపోయే కొవ్వు వేగంగా కరుగుతుంది.

స్టామినా, కండరాల బలం: కాలు కండరాలను బలోపేతం చేయడంతో పాటు రక్తపోటును అదుపులో ఉంచుతుంది.

ఎవరు చేయవచ్చు?

బిగినర్స్, వయసు పైబడిన వారు, ఎక్కువ సమయం కేటాయించలేని ఉద్యోగులకు ఇది సరైన ఎంపిక. రోజుకు కేవలం 20-30 నిమిషాల పాటు వారానికి 4-5 రోజులు ఈ 3-3-3 పద్ధతిని క్రమం తప్పకుండా పాటిస్తూ, సమతుల్య ఆహారం తీసుకుంటే కొద్ది వారాల్లోనే స్పష్టమైన మార్పును గమనించవచ్చు.

మరిన్ని లైఫ్ స్టైల్ న్యూస్ కోసం క్లిక్ చేయండి..