Monsoon Skin Care: వర్షాకాలంలో మీ ఫేస్‌కి ఈ కేర్ తీసుకుంటే.. ముఖం వెలిగి పోవడం ఖాయం..
వర్షా కాలంలో కేవలం అనారోగ్య సమస్యలే కాదు.. చర్మ సంబంధిత సమస్యలు కూడా ఎక్కువగానే వస్తాయి. ముఖంపై నల్లటి మచ్చలు, పిగ్మంటేషన్, తెల్లటి మచ్చలు, రంగు మారడం, స్కిన్ డ్రై అయిపోవడం, పింపుల్స్, డల్‌గా ఉండటం వంటి సమస్యలు చూసే ఉంటారు. ఈ సమస్యలను తగ్గించుకోవడానికి చాలా రకాల వస్తువులనే ఉపయోగించి ఉంటారు. కాలం ఏదైనా సరే అందుకు తగ్గట్టుగా మీరు స్కిన్ కేర్ మార్చుకుంటూ..
వర్షా కాలంలో కేవలం అనారోగ్య సమస్యలే కాదు.. చర్మ సంబంధిత సమస్యలు కూడా ఎక్కువగానే వస్తాయి. ముఖంపై నల్లటి మచ్చలు, పిగ్మంటేషన్, తెల్లటి మచ్చలు, రంగు మారడం, స్కిన్ డ్రై అయిపోవడం, పింపుల్స్, డల్‌గా ఉండటం వంటి సమస్యలు చూసే ఉంటారు. ఈ సమస్యలను తగ్గించుకోవడానికి చాలా రకాల వస్తువులనే ఉపయోగించి ఉంటారు. కాలం ఏదైనా సరే అందుకు తగ్గట్టుగా మీరు స్కిన్ కేర్ మార్చుకుంటూ జాగ్రత్తలు తీసుకోవాలి. ఇప్పుడు చెప్పే హోట్ రెమిడీస్ ట్రై చేస్తే ఖచ్చితంగా మీ ముఖంలో తేడాను గమనిస్తారు. వానా కాలంలో ముఖానికి ఏం రాస్తే మంచిదో? ఏం ఉపయోగించాలో ఇప్పుడు తెలుసుకుందాం.
ఫేస్ వైప్స్:
సాధారణంగా వర్షా కాలంలో ముఖం జిడ్డుగా తయారవుతుంది. ఈ జిడ్డును తగ్గించడంలో ఫేస్ వైప్స్ ఖచ్చితంగా పని చేస్తాయి. రెయినీ సీజన్‌లో వైఫ్స్ ఉపయోగించడం బెటర్. వీటిలో మాయిశ్చరైజర్ కూడా ఉంటుంది. కాబట్టి మీ ముఖం డల్‌గా లేకుండా చేస్తుంది. మంచి గ్లోని కూడా ఇస్తుంది. అయితే ఎక్కువ సార్లు కూడా వైప్స్ ఉపయోగించకూడదు.
కలబంద:
అలోవెరాలో ఎన్నో ఔషధ గుణాలు ఉంటాయి. అలోవెరాతో ఆరోగ్య సమస్యలే కాకుండా అందాన్ని కూడా పెంచుకోవచ్చు. చాలా రకాల స్కిన్ ప్రాబ్లమ్స్‌ను తగ్గించుకోవచ్చు. అలోవెరాను ఏ సీజన్‌లో అయినా ఉపయోగించుకోవచ్చు. వారంలో ఒకసారైనా చర్మానికి అలోవెరా రాస్తూ ఉండండి. ఇలా చేయడం వల్ల చర్మం ఫ్రెష్‌గా, గ్లోగా తయారవుతుంది.
ముల్తానీ మట్టి:
ముల్తానీ మట్టి రాసుకోవడం వల్ల ఎన్నో విధాలుగా చర్మానికి మేలు చేస్తుంది. ముల్తానీ మట్టిలో కూడా చర్మానికి మంచి చేసే మంచి గుణాలు ఉంటాయి. ఈ మట్టిని ఏ సీజన్‌లో అయినా అప్లై చేసుకోవచ్చు. వారంలో ఒక్క సారైనా ముల్తానీ మట్టిలో పాలు, మీగడ, రోజ్ వాటర్, పెరుగు, పసుపు ఇలా ఏదైనా మీ సమస్యను బట్టి అప్లై చేసుకుంటే మంచి ఫలితం ఉంటుంది.
తేనె:
చాలా మంది తేనె రాసుకుంటే చర్మం నల్లబడుతుందని ఉపయోగించరు. కానీ తేనె నలుపు దనాన్ని తగ్గిస్తుంది. మీరు ఉపయోగించే ఫేస్ ప్యాక్స్‌లో తేనె కలిపి ఉపయోగించినా మంచిదే. ఇది మీ చర్మాన్ని కాంతివంతంగా చేస్తుంది.
పెరుగు:
ఈ సీజన్‌లో అప్పుడప్పుడూ పెరుగు అప్లై చేసినా కూడా చాలా మంచిది. పెరుగులో ఉండే గుణాలు.. చర్మాన్ని హైడ్రేట్ చేస్తుంది. ముఖంపై నలుపు మచ్చలను తగ్గించి.. మంచి గ్లోని ఇస్తుంది.
(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్ని లైఫ్ స్టైల్ వార్తల కోసం క్లిక్ చేయండి..
