తక్కువ పెట్టుబడితో భారీ లాభాలు.. మహిళలకు హోమ్ బిజినెస్ ఐడియాస్
Small business ideas for women: పెరుగుతున్న ఖర్చుల నేపథ్యంలో తమవంతుగా కుటుంబానికి అండగా ఉండాలని గృహిణులుగా ఉన్న మహిళలు ప్రయత్నిస్తున్నారు. చాలా మంది తమ అభిరుచులకు తగినట్లుగా పనులు చేసుకుంటూ వ్యాపారాలు కొనసాగిస్తున్నారు. కొత్తగా బిజినెస్ ప్రారంభించాలనుకునేవారి కోసం తక్కువ పెట్టుబడితో, కుటుంబ బాధ్యతలు చూసుకుంటూనే వ్యాపారం ఎలా మొదలుపెట్టాలో ఇప్పుడు తెలుసుకుందాం.
ఇటీవల కాలంలో మహిళలు ఉద్యోగాలతో పాటు స్వయం ఉపాధి వైపు ఆసక్తి చూపుతున్నారు. ముఖ్యంగా ఇంటి నుంచే చిన్న వ్యాపారం ప్రారంభించి ఆర్థిక స్వావలంబన సాధించాలనే ఆలోచన చాలామందిలో ఉంది. పిల్లలను చూసుకుంటేనే ఇంటి ఖర్చుల కోసం సంపాదించాలని అనుకుంటున్నారు. పెరుగుతున్న ఖర్చుల నేపథ్యంలో తమవంతుగా కుటుంబానికి అండగా ఉండాలని ప్రయత్నిస్తున్నారు. చాలా మంది తమ అభిరుచులకు తగినట్లుగా పనులు చేసుకుంటూ వ్యాపారాలు కొనసాగిస్తున్నారు. కొత్తగా బిజినెస్ ప్రారంభించాలనుకునేవారి కోసం తక్కువ పెట్టుబడితో, కుటుంబ బాధ్యతలు చూసుకుంటూనే వ్యాపారం ఎలా మొదలుపెట్టాలో ఇప్పుడు తెలుసుకుందాం.
1. మీ ఆసక్తి, నైపుణ్యాన్ని గుర్తించండి
వ్యాపారం ప్రారంభించే ముందు మీకు ఏ పని ఇష్టమో, ఏ రంగంలో నైపుణ్యం ఉందో గుర్తించాలి. వంటకాలు, బట్టలు కుట్టడం, డిజైన్, బ్యూటీ, రచన, బోధన వంటి నైపుణ్యాలు ఉంటే వాటినే వ్యాపారంగా మార్చుకోవచ్చు.
2. తక్కువ పెట్టుబడితో ప్రారంభించండి
ఇంటి నుంచే చేసే వ్యాపారాలకు భారీ పెట్టుబడి అవసరం లేదు.
ఉదాహరణకు.. హోమ్ మేడ్ ఫుడ్ బిజినెస్, టైలరింగ్, ఎంబ్రాయిడరీ,
ఆన్లైన్ ట్యూటరింగ్, బ్యూటీ పార్లర్ (హోమ్ సర్వీస్), క్రాఫ్ట్స్, హ్యాండ్మేడ్ ప్రోడక్ట్స్ తయారీ లాంటివి సులభంగా ప్రారంభించి అధిక లాభాలను పొందవచ్చు.
3. ఆన్లైన్ ప్లాట్ఫార్మ్స్ను ఉపయోగించండి
సోషల్ మీడియా, వాట్సాప్, ఇన్స్టాగ్రామ్, ఫేస్బుక్ వంటి ప్లాట్ఫార్మ్స్ ద్వారా ఉత్పత్తులు లేదా సేవలను ప్రచారం చేయవచ్చు. కొత్త కొత్త వంటకాలను ఎలా చేయాలో యూట్యూబ్ ఛానల్ ద్వారా ప్రచారం చేస్తూ సంపాదించవచ్చు. ఆన్లైన్ ద్వారా కస్టమర్లను చేరుకోవడం ఇప్పుడు చాలా సులభం అయింది. అందరికంటే కొంచెం ప్రత్యేకంగా ఆలోచించి తమ మరింతగా పెంచుకోవచ్చు.
4. ప్రభుత్వ పథకాల సహాయం తీసుకోండి
మహిళల కోసం ప్రభుత్వం పలు రకాల రుణాలు, శిక్షణ పథకాలను అందిస్తోంది. ముద్ర లోన్, మహిళా స్వయం సహాయక సంఘాలు, స్కిల్ డెవలప్మెంట్ ప్రోగ్రామ్స్, ఇవన్నీ వ్యాపారం ప్రారంభించడానికి ఎంతో ఉపయోగపడతాయి.
5. సమయ నిర్వహణ ఎంతో ముఖ్యం
ఇంటి బాధ్యతలు, కుటుంబం, వ్యాపారం.. అన్నింటినీ సమతుల్యంగా నిర్వహించాలంటే సమయాన్ని సరిగ్గా ప్లాన్ చేసుకోవాలి. రోజువారీ షెడ్యూల్తో పని చేస్తే ఒత్తిడి తగ్గుతుంది.
6. చిన్నగా మొదలుపెట్టి..
మొదట చిన్న స్థాయిలో ప్రారంభించి, అనుభవం పెరిగే కొద్దీ వ్యాపారాన్ని విస్తరించాలి. కస్టమర్ల నమ్మకం సంపాదించడమే విజయానికి కీలకం. దీంతో వ్యాపారం విస్తరించడంతోపాటు ఆదాయం కూడా పెరుగుతుంది.
మహిళలు ఇంటి నుంచే చిన్న వ్యాపారం ప్రారంభించి స్వయం ఉపాధి సాధించడం ఈ రోజుల్లో అసాధ్యమేమీ కాదు. ఇప్పటికే చాలా మంది మహిళలు ఇలాంటి వ్యాపారాలు చేస్తూ భారీగా సంపాదిస్తున్నారు. సరైన ఆలోచన, కృషి, నైపుణ్యం ఉంటే.. మహిళలు విజయవంతమైన వ్యాపారవేత్తలుగా మారడం ఏమాంత కష్టంకాదు. ఇందుకు కొంత కుటుంబ సభ్యుల సహకారం కూడా ఉంటే వ్యాపారాన్ని మరింతగా విస్తరించి భారీ మొత్తంలో లాభాలను ఆర్జించవచ్చు.