Leaf vegetable: ఆరోగ్యానికి.. అండగా ఆకు… వీటి గురించి మీరెప్పునా విన్నారా..?

Leaf Vegetables

ఆరోగ్యానికి ఆకుకూరలు ఎంతో ఉపయుక్తం. ఈ మాటను వైద్యులు, పోషాకాహార నిపుణులు పదే, పదే చెబుతుంటారు. అది కూడా సేంద్రీయ పద్దతిలో పెంచి ఆకుకూరలైతే ఇంకా మంచింది. ఆకుకూరల్లో ఎన్నో పోషాకాహార విలువలు కలిగి ఉండటంతో పాటు పలు రకాల సీజనల్ వ్యాధులను ఎదుర్కునేందుకు కావాల్సిన శక్తిని ఇస్తాయి. అయితే ఆకుకూరలు అనగానే మనకు బచ్చలకూర, పాలకూర, చుక్కకూర, గోంగూర వంటివే ఎక్కువగా కనిపిస్తాయి. మనకు తెలియని ఇంకా చాలా ఆకుకూరలు ఉన్నాయి.. వాటిని కొన్నింటి గురించి.. అవి వండే విధానం… వాటి ద్వారా అందే ప్రయోజనాల గురించి ఇప్పుడు తెలుసుకుందాం…

సెనగాకు కూర

కూరగాయల మార్కెట్‌లో సెనగలతోపాటు… ఆకు కూడా అందుబాటులో ఉంటుంది. దీంతో మంచి కూర చేసుకోవచ్చు. కొద్దిగా నానబెట్టిన పెసరపప్పు వేసి.. తోట కూరలానే దీన్ని వండుకోవచ్చు. కూరంతా ఉడికాక.. కొంచెం నిమ్మరసం పిండుకుంటే.. సూపర్ అంతే. ఇందులో ప్రొటీన్లు, పీచు పదార్థం అధికంగా ఉంటుంది. వెయిట్ లాస్‌కి బాగా ఉపయోగపడుతుంది.

 కాకమాచి ఆకు

కాకమాచి ఆకును ఈ సీజన్‌లో తింటే చాలా మంచింది. మంచిగా క్లీన్ చేసిన ఆకు, పప్పును కుక్కర్‌లో వేసిమెత్తగా ఉడికించాలి. తర్వాత ఉప్పు, పచ్చిమిర్చి, చింతపండు గుజ్జు వేసి మరోమారు ఉడికించుకోవాలి. ఫైనల్‌గా ఆవాలు, జీలకర్ర, ఇంగువ, ఎండుమిర్చి, వెల్లుల్లితో తాలింపు వేస్తే..  కర్రీ రెడీ అయిపోయినట్లే… ఇది లివర్ సమస్యలకు చక్కటి మెడిసిన్‌లా ఉపయోగపడుతుంది. బీపీని కంట్రోల్‌లో ఉంచుతుంది.

గుంటగలగరాకు 

గుంటగలగరాకుతో చట్నీ చేసుకుని తింటే.. ప్లేటు కూడా నాకేయాల్సిందే. పాన్‌లో ఆయిల్ వేసి వేడెక్కాక.. అందులో  మెంతులు, నువ్వులు, మినపప్పు ఎండుమిర్చి, ధనియాలు మంచిగా వేయించాలి. తర్వాత టమాట ముక్కలు కూడా వేసి కాసేపు మగ్గించుకోవాలి. అదే పాన్‌లో నూనె వేసి నీట్‌గా క్లీన్‌ చేసుకున్న గుంటగలరాకుని వేసి మగ్గనివ్వాలి. కంప్లీట్‌గా మగ్గాక తగినంత ఉప్పు చేర్చి రుబ్బుకోవాలి. ఆ తర్వాత ఇంగువతో పోపు వేసుకుంటే గుంటగలరాకు పచ్చడి రెడీ. ఈ పచ్చడి రక్తం బాగా పట్టేందుకు ఉపయోగపడుతుంది. జుట్టు పోషణకు కూడా ఉపకరిస్తుంది.

మరిన్ని లైఫ్ స్టైల్ న్యూస్ కోసం క్లిక్ చేయండి..