Body Odor in Summer: చమట వాసనతో విసిగిపోయారా? స్నానం నీటిలో ఇది చిటికెడు కలపండి
అధిక చెమట శరీర దుర్వాసనకు కారణమవుతుంది. చర్మంపై ఉండే బ్యాక్టీరియా చెమటతో చర్య జరిపినప్పుడు ఈ దుర్వాసన వస్తుంది. చాలా మంది ఈ వాసన వల్ల ఇబ్బంది పడతారు. చెమట వాసనను వదిలించుకోవడానికి పెర్ఫ్యూమ్ కూడా పూసుకుంటారు. అయినప్పటికీ చెమట వాసన పోదు..
వేసవిలో చెమట పట్టడం సర్వసాధారణం. కొన్నిసార్లు సాధారణం కంటే శరీరానికి అధికంగా చెమట పడుతుంది. ఈ అధిక చెమట శరీర దుర్వాసనకు కారణమవుతుంది. చర్మంపై ఉండే బ్యాక్టీరియా చెమటతో చర్య జరిపినప్పుడు ఈ దుర్వాసన వస్తుంది. చాలా మంది ఈ వాసన వల్ల ఇబ్బంది పడతారు. చెమట వాసనను వదిలించుకోవడానికి పెర్ఫ్యూమ్ కూడా పూసుకుంటారు. అయినప్పటికీ చెమట వాసన పోదు. మీరు కూడా ఇదే సమస్యను ఎదుర్కొంటున్నారా? అయితే ఈ పదార్థాలను స్నానం నీటిలో కలుపుకుని స్నానం చేయండి. ఇది చెమట వాసనను పోగొట్టడమే కాకుండా రోజంతా మిమ్మల్ని తాజాగా ఉంచుతుంది.
చెమట వాసనను తొలగించడానికి స్నానపు నీటిలో ఏం కలపాలంటే?
వేప
వేప నీటితో స్నానం చేయడం వల్ల శరీర దుర్వాసన కూడా తగ్గుతుంది. వేపలో సహజసిద్ధమైన యాంటీ బాక్టీరియల్, యాంటీ ఫంగల్ గుణాలు ఉన్నాయి. ఇవి చర్మాన్ని శుభ్రంగా ఉంచి, దుర్వాసనకు కారణమయ్యే సూక్ష్మజీవులను నాశనం చేస్తాయి. వేసవి కాలంలో మీరు మీ స్నానం నీటిలో వేప ఆకులను లేదా వేప నూనెను కలుపుకోవచ్చు. ఇది చర్మం దురద, దద్దుర్లు, చికాకును నివారించి రోజంతా మిమ్మల్ని తాజాగా ఉంచడంలో సహాయపడుతుంది.
నిమ్మకాయ
నిమ్మ వాసన చెమట వాసనను తగ్గిస్తుంది. మీరు నిమ్మరసాన్ని నీటిలో కలుపుకోవచ్చు లేదా నిమ్మ తొక్కలను నీటిలో నానబెట్టవచ్చు. అలాగే నీటిలో 5 చుక్కల నిమ్మ ఎసెన్షియల్ ఆయిల్ వేసి కూడా స్నానం చేయవచ్చు.
బేకింగ్ సోడా
మీ స్నానం నీటిలో చిటికెడు బేకింగ్ సోడా కలపడం వల్ల అనేక ప్రయోజనాలు కలుగుతాయి. ఇది మీ చర్మానికి కూడా మేలు చేస్తుంది. ఇది చర్మాన్ని మృదువుగా చేస్తుంది. అంతేకాక, ఈ నీటితో స్నానం చేయడం వల్ల శరీర దుర్వాసన కూడా తగ్గుతుంది.
గులాబీ నీరు
మీరు స్నానం నీటిలో గులాబీ రేకులను లేదా రోజ్ వాటర్ను కలుపుకోవచ్చు. శరీర దుర్వాసనను తగ్గించడానికి ఇది బాగా పని చేస్తుంది. గులాబీ నీటిలో సహజమైన మాయిశ్చరైజర్లు ఉంటాయి. ఇవి చర్మం పొడిబారకుండా నిరోధించడంలో సహాయపడతాయి.
పుదీనా
పుదీనాను ఉపయోగించడం శరీర దుర్వాసనను తొలగించడంలో సహాయపడుతుంది. చెమట వల్ల కలిగే దుర్వాసనను నియంత్రించడంలో పుదీనా చాలా సహాయపడుతుంది. స్నానం చేసిన తర్వాత తడి చర్మంపై ఒక పుదీనా ఆకును రుద్దడం వల్ల చెమటకు కారణమయ్యే బ్యాక్టీరియా తొలగిపోయి. ఫలితంగా రోజంతా తాజాగా ఉంటారు.
స్నానం చేసిన తర్వాత కూడా సరైన జాగ్రత్తలు తీసుకోవడం అవసరం
స్నానం చేసిన తర్వాత శరీరాన్ని బాగా ఆరబెట్టుకోవడం కూడా ముఖ్యం. తడి చర్మంపై బ్యాక్టీరియా వేగంగా వృద్ధి చెంది, దుర్వాసనను మరింత తీవ్రతరం చేస్తుంది. కాబట్టి మీ శరీరాన్ని సరిగ్గా ఆరబెట్టుకోవాలి. అంతే కాకుండా కాటన్ దుస్తులు ధరించడం మంచిది. ఎందుకంటే అవి చెమటను పీల్చుకుని, చర్మానికి గాలి తగిలేలా చేస్తాయి.
మరిన్ని ఆరోగ్య కథనాల కోసం క్లిక్ చేయండి.