Immune System: మీ రోగనిరోధక శక్తి పటిష్టంగా ఉండాలంటే ఈ ఒక్క పని చేయండి.. రోగాల భయం ఉండదిక

Best Foods To Boost Your Immune System

నేటి కాలంలో ఆరోగ్యంగా ఉండటం పెద్ద సవాలుతో కూడిన విషయమే. దీనికి జీవనశైలిలో మార్పులు, పని ఒత్తిడి, సరిగ్గా తినకపోవడం వంటి అనేక కారణాలు ఉన్నాయి. ఏది ఏమైనా అనందమయ జీవితానికి ఆరోగ్యాన్ని కాపాడుకోవడం కూడా చాలా ముఖ్యం. అదేవిధంగా ప్రధాన వ్యాధులకు దూరంగా ఉండాలి. కానీ ఇందుకోసం శరీరంలో రోగనిరోధక శక్తిని బలోపేతం చేయడానికి చాలా మంది వివిధ రకాల మందులు, మాత్రలు వేసుకుంటూ ఉంటారు. ఎందుకంటే ప్రతి వ్యక్తి ఆరోగ్యంగా ఉండటానికి ఇదే ముఖ్యమైన పునాది. ఈ రోగనిరోధక శక్తి ఎంత బలంగా ఉంటే ఆరోగ్య సమస్యలు అంత దూరంగా ఉంటాయి. కాబట్టి ఒంట్లో రోగనిరోధక శక్తి పెంచడానికి ఏమి చేయవచ్చో ఇక్కడ తెలుసుకుందాం..

• రోగనిరోధక వ్యవస్థలో తెల్ల రక్త కణాలు, ప్రతిరోధకాలు, శోషరస వ్యవస్థ, ప్లీహము, ఎముక మజ్జ, థైమస్ గ్రంథి వంటి అనేక ముఖ్యమైన భాగాలు కీలకంగా ఉంటాయి. అందుకే మీ రోగనిరోధక వ్యవస్థను ఆరోగ్యంగా ఉంచుకోవడం చాలా ముఖ్యం.
• రోగనిరోధక శక్తి బలహీనపడితే పలు రకాల ఆరోగ్య సమస్యలు దాడి చేస్తాయి. అందువల్ల తీసుకునే ఆహారం రోగనిరోధక శక్తిని పెంచడంలో చాలా ముఖ్యమైన పాత్ర పోషిస్తుంది.
• అందుకే మీ ఆహారంలో వీలైనన్ని ఎక్కువ రోగనిరోధక శక్తిని పెంచే ఆహారాలను చేర్చుకోవాలి. తాజా పండ్లు మీ రోగనిరోధక శక్తిని త్వరగా పెంచడంతో కీలక పాత్ర పోషించే ముఖ్యమైన ఆహారాలు.
• అందువల్ల పోషకాహార నిపుణులు ఏం చెబుతున్నారంటే ఏడాదిలో ఆయా సీజన్లలో సంబంధిత సమయానికి అనుగుణంగా వచ్చే అన్ని సీజన్లలో లభించే పండ్లను తినమని చెబుతున్నారు.
• రోగనిరోధక శక్తిని పెంచడానికి, పండ్లు మాత్రమే కాదు.. గ్రీన్ టీ కూడా ముఖ్యం. టీ లేదా కాఫీ తాగడానికి బదులుగా గ్రీన్ టీని మీ రోజువారీ జీవనశైలిలో చేర్చుకుంటే, వ్యాధులు ఇట్టే దూరమవుతాయి.

మరిన్ని ఆరోగ్య కథనాల కోసం క్లిక్‌ చేయండి.