నాజూకైన రూపం వెనుక ఉన్న రహస్యాల్లో ఇది కూడా ఒకటి.. ఏది వద్దు ఇది తాగండి చాలు..
ఆపిల్, బీట్రూట్, క్యారెట్తో తయారయ్యే ఏబీసీ జ్యూస్ ఆరోగ్యానికి అద్భుతమైన పానీయం. ఇది రోగనిరోధక శక్తిని పెంచడంతో పాటు రక్త వృద్ధికి, బరువు తగ్గడానికి, చర్మ కాంతిని మెరుగుపరచడానికి సహాయపడుతుంది. ఈ జ్యూస్లో విటమిన్లు, ఖనిజాలు, యాంటీఆక్సిడెంట్లు సమృద్ధిగా ఉండటంతో రోజంతా శక్తి, ఉత్సాహాన్ని అందిస్తుందని ఆరోగ్య నిపుణులు చెబుతున్నారు.
ప్రస్తుత కాలంలో ఆరోగ్యం గురించి స్పృహ పెరిగింది. అందుకే.. చాలా మంది ఆరోగ్యంగా ఉండేందుకు చర్యలు తీసుకుంటున్నారు. ముఖ్యంగా.. ఆహారం విషయంలో ఎన్నో నియమాలను అనుసరిస్తున్నారు. అయితే.. ఆరోగ్యం, అందం కలగలిసిన ఒక అద్భుతమైన పానీయం గురించి మీరు తెలుసా..? ఎటువంటి రసాయనాలు, కృత్రిమ తీపి పదార్థాలు లేకుండానే సహజసిద్ధంగా శరీరాన్ని శుభ్రపరిచి, శక్తినిచ్చే ఆ జ్యూసే “ఏబీసీ జ్యూస్”.. నాజూకైన రూపం వెనుక ఉన్న రహస్యాలలో ఇది కూడా ఒకటి.. అని డైటీషియన్లు చెబుతున్నారు.
ఏబీసీ జ్యూస్ అంటే ఏమిటి?
ఈ జ్యూస్కు “ఏబీసీ” అనే పేరు ఎందుకు వచ్చిందంటే, దీనిలో వాడే ప్రధాన పదార్థాలు:
- A – ఆపిల్
- B – బీట్రూట్
- C – క్యారెట్
ఈ మూడు పదార్థాలు మన ఆరోగ్యానికి ఎంతో మేలు చేస్తాయి.
ఏబీసీలో ఎన్నో పోషకాలు..
ఏబీసీ జ్యూస్ అత్యంత పోషకమైన పానీయం. ఇది శరీరానికి అవసరమైన విటమిన్లు, ఖనిజాలు, యాంటీఆక్సిడెంట్లను సమృద్ధిగా అందించి.. రోగనిరోధక శక్తిని పెంపొందిస్తుంది. వీటిలో విటమిన్ ఏ, విటమిన్ సి, విటమిన్ ఈ, కె – బి-కాంప్లెక్స్ విటమిన్లు లభిస్తాయి. ఐరన్, పొటాషియం, మెగ్నీషియం, జింక్ వంటి ముఖ్యమైన ఖనిజాలు పుష్కలంగా ఉంటాయి. దీంతోపాటు.. ఫైబర్, యాంటీ ఆక్సిడెంట్లు బీటా-కెరోటిన్, ఫోలిక్ యాసిడ్ చర్మాన్ని ఆరోగ్యంగా ఉంచుతాయి.
అద్భుతమైన ఆరోగ్య ప్రయోజనాలు:
ఈ జ్యూస్ తాగడం వల్ల కలిగే ప్రయోజనాలు అన్నీ ఇన్నీ కావు:
శక్తి, ఉత్సాహం: ఇది నీరసాన్ని దూరం చేస్తుంది. రోజంతా చురుకుగా ఉండేందుకు సహాయపడుతుంది.
రక్త వృద్ధి: బీట్రూట్, ఆపిల్, క్యారెట్లలోని ఐరన్, ఫోలిక్ యాసిడ్ పుష్కలంగా ఉండటం వల్ల రక్తహీనతను నివారిస్తుంది. రక్త వృద్ధి శాతాన్ని గణనీయంగా పెంచుతుంది.
బరువు తగ్గడంలో సహాయం: బరువు తగ్గాలనుకునే వారికి ఇది ఒక వరంగా చెప్పవచ్చు. ఎటువంటి డైటింగ్ చేయకుండానే, ఉదయం అల్పాహారానికి బదులుగా ఈ జ్యూస్ను తాగడం వల్ల నెలకు రెండు కిలోల వరకు సులభంగా బరువు తగ్గే అవకాశం ఉంది. దీనిలోని ఫైబర్ జీర్ణక్రియను మెరుగుపరుస్తుంది, కడుపు నిండిన భావనను కలిగిస్తుంది.
చర్మ సౌందర్యం: ఆపిల్, క్యారెట్లలో ఉండే యాంటీఆక్సిడెంట్లు చర్మాన్ని కాంతివంతంగా, ఆరోగ్యంగా ఉంచుతాయి. హీరోయిన్స్కు ఉండే అందమైన, తెల్లని చర్మ రహస్యాలలో ఇది కూడా ఒకటి.
సహజసిద్ధమైన తీపి: ఈ జ్యూస్లో ఎటువంటి షుగర్, బెల్లం, పాలు లేదా ఇతర కృత్రిమ తీపి పదార్థాలను కలపాల్సిన అవసరం లేదు. ఆపిల్, క్యారెట్లలో ఉండే సహజసిద్ధమైన తీపి జ్యూస్కు చక్కటి రుచిని ఇస్తుంది.
తయారీ విధానం:
ఈ ఏబీసీ జ్యూస్ను తయారు చేయడం చాలా సులభం:
- పదార్థాల తయారీ: ముందుగా ఒక క్యారెట్, ఒక ఆపిల్, ఒక బీట్రూట్ను శుభ్రంగా కడిగి, పైన ఉన్న చెక్కును తీసేయండి. ఆపిల్లోని గింజలను తీసివేయడం మర్చిపోవద్దు.
- ముక్కలుగా కట్ చేయడం: ఈ మూడింటిని చిన్న చిన్న ముక్కలుగా కట్ చేసుకోండి.
- జ్యూసర్ ఎంపిక: మీ దగ్గర ఉన్న జ్యూసర్ మిక్సర్ను తీసుకోండి. జ్యూస్ను వడకట్టే ప్రత్యేకమైన మిషన్ లేకపోతే, మామూలు జ్యూసర్ లేదా మిక్సర్ గ్రైండర్లో కూడా తయారు చేసుకోవచ్చు, తర్వాత వడకట్టవచ్చు.
- బ్లెండ్ చేయడం: కట్ చేసుకున్న ఆపిల్, బీట్రూట్, క్యారెట్ ముక్కలను జ్యూసర్లో వేయండి.
- నీరు కలపడం: ఒక గ్లాసున్నర నీటిని ముక్కలలో కలపండి.
- జ్యూస్ చేయడం: జ్యూసర్ మూత పెట్టి, మెత్తటి, స్మూత్ జ్యూస్లా మారే వరకు బ్లెండ్ చేయండి.
- వడకట్టడం (ఐచ్ఛికం): మీ జ్యూసర్లో ప్రత్యేక స్ట్రైనర్ లేకపోతే, ఒక జల్లెడ సహాయంతో జ్యూస్ను వడకట్టుకోండి. పిప్పిని వేరు చేయండి.
తయారు చేసుకున్న హెల్దీ ఏబీసీ జ్యూస్ను సర్వింగ్ గ్లాసుల్లోకి తీసుకోండి. పిల్లలకు ఇచ్చేటప్పుడు ఒక్క స్పూను తేనె కలిపి ఇవ్వవచ్చు. పెద్దవాళ్లు డైరెక్ట్గా తాగవచ్చు. చివరిగా, మంచి ఫ్లేవర్ కోసం కొన్ని పుదీనా ఆకులను పైన పెట్టుకోవచ్చు.
ఈ టేస్టీ, హెల్దీ ఏబీసీ జ్యూస్ను మీరు కూడా మీ ఇంట్లో తయారు చేసుకొని, మీ ఆరోగ్యం, అందం మెరుగుపరుచుకోండి. ఇది కేవలం రుచికరంగా ఉండటమే కాదు, అనేక ఆరోగ్య ప్రయోజనాలను కూడా అందిస్తుంది.
మరిన్ని లైఫ్స్టైల్ వార్తల కోసం ఇక్కడ క్లిక్ చేయండి..