Thalapathy Master Movie: బాక్స్ ఆఫీస్ వద్ద దళపతి జోరు.. రిలీజ్‌కు ముందే వంద కోట్ల ’మాస్టర్‘.!

Thalapathy Master Pre Release Business: తమిళ సూపర్ స్టార్లు విజయ్, విజయ్ సేతుపతి కీలక పాత్రల్లో దర్శకుడు లోకేష్ కనకరాజు తెరకెక్కించిన చిత్రం ‘మాస్టర్’. మాళవిక మోహనన్ హీరోయిన్‌గా నటిస్తోంది. తమిళంతో పాటు తెలుగు భాషల్లో ఈ చిత్రం సంక్రాంతి కానుకగా జనవరి 13వ తేదీన ప్రేక్షకుల ముందుకు రాబోతోంది. ఇప్పటికే రిలీజైన ఈ చిత్ర టీజర్ యూట్యూబ్‌లో రికార్డులు తిరగరాస్తోంది.

ఇదిలా ఉంటే తాజాగా ఈ చిత్రం ప్రీ-రిలీజ్ బిజినెస్ ప్రస్తుతం దక్షిణాదిన పెద్ద చర్చనీయంశంగా మారింది. ‘మాస్టర్ చిత్రానికి సంబంధించి తమిళనాడు థియేట్రికల్ రైట్స్ రూ. 65 కోట్లకు అమ్మినట్లు సమాచారం. అలాగే కర్ణాటక థియేట్రికల్ రైట్స్ రూ. 6 కోట్లకు, కేరళ రైట్స్ రూ. 4.25 కోట్లకు అమ్మినట్లు తెలుస్తోంది.

ఇక తెలుగు రాష్ట్రాల్లో కూడా ‘మాస్టర్’ జోరు భారీగానే ఉంది. ఆంధ్రప్రదేశ్ థియేట్రికల్ రైట్స్ రూ. 6. 5 కోట్లకు, తెలంగాణ రైట్స్ రూ. 3 కోట్లకు అమ్ముడైనట్లు సమాచారం. ఇక రెస్ట్ ఆఫ్ ఇండియా ‘మాస్టర్’ థియేట్రికల్ రైట్స్ రూ. 6 కోట్లకు, అలాగే ఓవర్సీస్ రైట్స్ రూ. 15 కోట్లకు అమ్ముడుపోయినట్లు తెలుస్తోంది. దీనితో సినిమా రిలీజ్‌కు ముందే ‘మాస్టర్’ వరల్డ్ వైడ్ ప్రీ-రిలీజ్ బిజినెస్ రూ. 105.75 కోట్లకు జరిగినట్లు సమాచారం.

కాగా, పక్కా మాస్ ఎంటర్టైనర్‌గా రూపొందుతున్న ఈ చిత్రానికి అనిరుధ్‌ రవిచంద్రన్ సంగీతాన్ని అందిస్తుండగా.. తెలుగు వెర్షన్ హక్కులను ఈస్ట్ కోస్ట్ ప్రొడక్షన్స్ బ్యానర్‌ అధినేత మహేష్ కోనేరు దక్కించుకున్నారు. యు/ఎ సర్టిఫికేట్‌‌తో సెన్సార్ పూర్తి చేసుకున్న ఈ సినిమా నిడివి గంటా 51 నిమిషాలని తెలుస్తోంది.