టాలీవుడ్ బ్యూటీ తమన్నాకు ఆ పేరుతో పిలిస్తే నచ్చదట.. మంచి ఉద్దేశంతోనే పిలిచినా అది తప్పు అంటుంది.

హీరోయిన్ లకు అభిమానులు ముద్దు పేర్లు పెడుతుంటారు. వింత వింత పేర్లతో తమ అభిమాన హీరోయిన్ ను పిలుస్తుంటారు. టాలీవుడ్ బ్యూటీ తమన్నాకు అలా పిలిస్తే నచ్చదట. అభిమానులు తమన్నాను ముద్దుగా మిల్కీ బ్యూటీ అని పిలుస్తుంటారు. పాలలా తెల్లని మేనిఛాయ కలిగిన ఈ ముద్దుగుమ్మను మిల్కీ బ్యూటీ అని పిలుస్తుంటారు ఫ్యాన్స్. అయితే ఆ పిలుపు ఈ అమ్మడికి నచ్చదట. తాజాగా తమన్నా మాట్లాడుతూ.. ‘అభిమానులు మంచి ఉద్దేశంతోనే మిల్కీ బ్యూటీ అని పిలుస్తున్నా..నాకు ఆ పిలుపు నచ్చదు. శరీర రంగును బట్టి తప్పు అని నా అభిప్రాయం అంటూ చెప్పుకొచ్చింది. మనదేశంలో అందమైన చర్మం పట్ల అభిమానం, వ్యామోహం ఉన్న వారు చాలా మంది ఉన్నారు. ఇలా  ఒంటి రంగును బట్టి పిలవడం కొన్నిసార్లు వర్ణవివక్షకు దారితీస్తుంది. వారి ప్రతిభను బట్టి ముద్దు పేర్లు పెడితే బాగుంటుందని తెలిపింది తమన్నా. ప్రస్తుతం ఈ తమన్నా గోపీచంద్ సరసన సీటీమార్ సినిమాలో నటిస్తుంది. అలాగే ‘లెవెంత్‌ అవర్‌’అనే వెబ్ సిరీస్ లోకూడా నటిస్తుంది.