మనుషుల వలె ఇతర జంతువులకు ఎందుకు మాట్లాడలేకపోతున్నాయి.. ఆసక్తికర విషయాలు మీ కోసం
సువిశాల విశ్వంలో ఎన్నో రకాల జీవులు మనుగడ కొనసాగిస్తున్నాయి. కంటికి కనిపించని సూక్ష్మజీవుల నుంచి అత్యంత పెద్దవైన బ్లూ వేల్స్ వరకు ఎన్నో రకాల జంతువులు ఉన్నాయి. మానువుడు కూడా ఒక జంతువు అనే విషయం మనకు..
సువిశాల విశ్వంలో ఎన్నో రకాల జీవులు మనుగడ కొనసాగిస్తున్నాయి. కంటికి కనిపించని సూక్ష్మజీవుల నుంచి అత్యంత పెద్దవైన బ్లూ వేల్స్ వరకు ఎన్నో రకాల జంతువులు ఉన్నాయి. మానువుడు కూడా ఒక జంతువు అనే విషయం మనకు తెలిసిందే. కొన్ని జీవులు తమ భావాలను సైగలు, అరుపులు, ప్రవర్తనల ద్వారా తెలియజేస్తే మానవులు మాత్రమే మాటల రూపంలో భావాలు పంచుకుంటారు. ఈ భూమిపై నివసిస్తున్న జంతుజాతుల్లో మానవుడు మాత్రమే మాట్లాడగలడు. అయితే మిగతా జంతువులు ఎందుకు మాట్లాడడం లేదు అనే సందేహం మీకు వచ్చే ఉంటుంది. అవి ఎందుకు మాట్లాడలేకపోతున్నాయనే విషయాన్ని ఓ అధ్యయనం వెల్లడించింది. ఇందులో ఆసక్తికర విషయాలు ఉన్నాయి. మనుషులు మాట్లాడేందుకు స్వర పేటిక ఎంతో సహాయపడుతుంది. ఈ స్వరపేటికలో కాలక్రమంలో చాలా మార్పులు జరిగాయి. 43 రకాల జాతి కోతుల స్వరపేటికలను పరీక్షించి కీలక విషయాలు వెల్లడించారు. స్వర త్వచం అనేది మనుషుల్లో మాత్రమే ఉందని, వేరే జంతువుల్లో అది లేవని గుర్తించారు. స్వర తంతువులకు అంటి ఉండే చిన్న రిబ్బన్‌ వంటి నిర్మాణమే స్వర త్వచం. అంతే కాకుండా వాయు కోశాలు లేకపోవడం వల్ల మానవుడు మాట్లాడే శక్తిని పెంచుకున్నాడని నిర్ధరించారు.
అయితే ఇతర జంతువుల గొంతు నిర్మాణాలు చాలా గందరగోళంగా ఉంటాయి. ఈ కారణంగానే అవి కాలానుగుణంగా పరిణామం చెందలేక, మాట్లాడే శక్తిని పెంచుకోలేకపోతున్నాయి. ఈ మేరకు జపాన్‌లోని క్యోటో యూనివర్సిటీలో సెంటర్‌ ఫర్‌ ఎవల్యూషనరీ ఆరిజిన్స్‌ ఆఫ్‌ హ్యూమన్ బిహేవియర్‌ శాస్త్రవేత్తలు వెల్లడించారు. ఈ అధ్యయనం వివరాలను ‘సైన్స్‌’ జర్నల్‌లో ప్రచురించారు. చింపాంజీలు, గొరిల్లాలు, ఒరంగుటాన్స్‌, గిబ్బన్‌ తదితర కోతి జాతులపై పరిశోధనలు జరిపి ఈ విషయాలు తెలుసుకున్నారు.
మరిన్ని హ్యూమన్ ఇంట్రెస్ట్ వార్తల కోసం ఈ లింక్ క్లిక్ చేయండి