రాహుల్ను మొట్టమొదట ఎత్తుకున్నది నేనే… !
సార్వత్రిక ఎన్నికల నేపథ్యంలో లోక్సభ ఎన్నికల్లో రెండు చోట్ల నుండి పోటీచేస్తున్న కాంగ్రెస్ అధ్యక్షుడు రాహుల్ గాంధీ జాతీయతపై ఎన్నడూలేని విధంగా ఆరోపణలు వస్తుండడం తెలిసిందే. ఇలాంటి పరిస్థితుల్లో కేరళకు చెందిన రాజమ్మ వవాతిల్ అనే విశ్రాంత నర్సు ఆసక్తికరమైన సమాచారం అందించారు. 72 ఏళ్ల రాజమ్మ ఢిల్లీలోని హోలీ ఫ్యామిలీ ఆసుపత్రిలో నర్సుగా పనిచేశారు. ఆపై భారత సైన్యంలో నర్సుగా సేవలు అందించి రిటైరయ్యారు. పదవీ విరమణ తర్వాత కేరళ వచ్చి కల్లూరులో నివాసం ఉంటున్నారు. […]
Updated on: May 04, 2019 | 7:08 PM
సార్వత్రిక ఎన్నికల నేపథ్యంలో లోక్సభ ఎన్నికల్లో రెండు చోట్ల నుండి పోటీచేస్తున్న కాంగ్రెస్ అధ్యక్షుడు రాహుల్ గాంధీ జాతీయతపై ఎన్నడూలేని విధంగా ఆరోపణలు వస్తుండడం తెలిసిందే. ఇలాంటి పరిస్థితుల్లో కేరళకు చెందిన రాజమ్మ వవాతిల్ అనే విశ్రాంత నర్సు ఆసక్తికరమైన సమాచారం అందించారు.
72 ఏళ్ల రాజమ్మ ఢిల్లీలోని హోలీ ఫ్యామిలీ ఆసుపత్రిలో నర్సుగా పనిచేశారు. ఆపై భారత సైన్యంలో నర్సుగా సేవలు అందించి రిటైరయ్యారు. పదవీ విరమణ తర్వాత కేరళ వచ్చి కల్లూరులో నివాసం ఉంటున్నారు. రాహుల్ జాతీయతపై దేశవ్యాప్తంగా చర్చ జరుగుతున్న నేపథ్యంలో రాజమ్మ మీడియాతో మాట్లాడుతూ, ఢిల్లీలోని హోలీ ఫ్యామిలీ ఆసుపత్రిలో తాను ట్రైనీ నర్సుగా ఉన్న సమయంలోనే సోనియా గాంధీ ప్రసవం కోసం వచ్చారని తెలిపారు. డెలివరీ రూమ్ బయట ఆమె భర్త రాజీవ్ గాంధీ, ఆయన సోదరుడు సంజయ్ గాంధీ ఎంతో ఆదుర్దాగా కనిపించారని, రాహుల్ పుట్టగానే ఎత్తుకున్న వాళ్లలో తాను కూడా ఉన్నానని రాజమ్మ వెల్లడించారు.
