కోవిడ్ -19 వ్యాక్సిన్‌ను డెవలప్ చేస్తున్న మూడు టీంలతో ప్రధాని ముఖాముఖి.. నవంబర్ 30న కీలక నిర్ణయాలు!

కోవిడ్ -19 వ్యాక్సిన్‌ను డెవలప్ చేస్తున్న మూడు టీం లతో రేపు (సోమవారం) ప్రధాని నరేంద్రమోదీ సంభాషించబోతున్నారు. వీడియో కాన్ఫరెన్సింగ్ ద్వారా ఈ ముఖాముఖి జరుగనుంది. కరోనా టీకాలు అభివృద్ధి చేస్తోన్న జెన్నోవా బయోఫార్మా, బయోలాజికల్ ఇ, డాక్టర్ రెడ్డీ లకు చెందిన ఈ మూడు బృందాలతో మోదీ మాట్లాడనున్నారు. ఈ మేరకు ప్రధాని కార్యాలయం ఆదివారం ఒక ట్వీట్‌లో వెల్లడించింది. వ్యాక్సిన్‌ను అభివృద్ధి చేయడంలో విశేషంగా కృషి చేస్తోన్న ఈ మూడు బృందాల సభ్యులను మోదీ ఈ సందర్భంగా అభినందించే అవకాశం ఉంది. నిన్న హైదరాాబాద్ లో భారత్ బయోటెక్, పూణెలోని సీరం ఇన్సిస్ట్యూట్ శాస్త్రవేత్తలను నేరుగా కలిసిన మోదీ కొవిడ్ వ్యాక్సిన్ ను విజయవంతంగా అభివృద్ధి చేస్తున్నందుకు ధన్యవాదాలు, శుభాకాంక్షలు వెల్లడించిన సంగతి తెలిసిందే.

Tomorrow, on 30th November 2020, PM @narendramodi will interact, via video conferencing, with three teams that are involved in developing a COVID-19 vaccine. The teams he will interact with are from Gennova Biopharma, Biological E and Dr. Reddy’s.

— PMO India (@PMOIndia) November 29, 2020