నెట్‌ఫ్లిక్స్‌ నయా ఆఫర్.. 48 గంటలు ఉచితం

నెట్‌ఫ్లిక్స్‌ ఇండియన్ యూజర్స్ కోసం క్రేజీ ఆఫర్‌ ప్రకటించింది. దేశంలోని ప్రతి ఒక్కరికీ 48 గంటలపాటు ఫ్రీగా నెట్‌ఫ్లిక్స్‌ సేవలను అందించనున్నారట. నెట్‌ఫ్లిక్స్‌కు కొత్త యూజర్స్‌ను ఆకర్షించడంలో భాగంగా ‘స్ట్రీమ్‌ ఫెస్ట్‌’ అనే కార్యక్రమం నిర్వహించబోతోంది. ఈ కార్యక్రమాన్ని మొదట భారత్‌లోనే ప్రవేశపెడుతున్నారట. అందులో భాగంగా డిసెంబరు 4 నుంచి 48 గంటల ఉచిత నెట్‌ఫ్లిక్స్‌ ఆఫర్ తీసుకొస్తున్నారు. గతంలో సబ్‌స్క్రిప్షన్ చెయ్యకుండానే వినియోగదారులు నెల పాటు ఫ్రీగా నెట్‌ఫ్లిక్స్‌ సేవలు పొందే అవకాశం ఉండేది. ఇటీవల ఈ వెసులుబాటును కొన్ని దేశాల్లో తొలగించారు. ఇప్పుడు ఆ అఫర్ స్థానంలో ఈ 48 గంటల ఆఫర్‌ తీసుకొస్తున్నారని తెలుస్తోంది. త్వరలోనే దీనిపై నెట్‌ఫ్లిక్స్‌ నుంచి అఫిషియల్ ప్రకటన వెలువడే అవకాశం ఉంది. నెట్‌ఫ్లిక్స్ గత నెలలో నెల రోజుల ఉచిత సేవల ఆఫర్‌ని అమెరికాలో నిలిపివేస్తున్నట్లు అనౌన్స్ చేసింది. ఇండియాలో మాత్రం ఈ ఆఫర్ ఇంకా అందుబాటులోనే ఉంది. భారత్‌లోనూ నెలరోజుల ఉచిత సేవలకు గుడ్ బై చెప్పి ఆ స్థానంలో ఈ 48 గంటల ఉచిత సేవలను తీసుకొచ్చే అవకాశం ఉంది.

Also Read : దేశంలో మళ్లీ పెరుగుతోన్న కరోనా కేసులు