తొలిసారి ఇండియాలోనూ మిస్టీరియస్ ‘మోనోలిథ్’, అహ్మదాబాద్ లో ప్రత్యక్షం ! పబ్లిక్ పార్క్ లో వింత, అంతా ఆశ్చర్యం

ప్రపంచ వ్యాప్తంగా దాదాపు 30 నగరాల్లో కనిపించిన మిస్టీరియస్ మోనోలిథ్ (పొడవాటి ఫలకం) మొట్టమొదటిసారిగా ఇండియాలో కనిపించింది.

  • Umakanth Rao
  • Publish Date - 7:55 pm, Thu, 31 December 20
తొలిసారి ఇండియాలోనూ మిస్టీరియస్ 'మోనోలిథ్', అహ్మదాబాద్ లో ప్రత్యక్షం ! పబ్లిక్ పార్క్ లో వింత, అంతా ఆశ్చర్యం

ప్రపంచ వ్యాప్తంగా దాదాపు 30 నగరాల్లో కనిపించిన మిస్టీరియస్ మోనోలిథ్ (పొడవాటి ఫలకం) మొట్టమొదటిసారిగా ఇండియాలో కనిపించింది. గుజరాత్ అహమదాబాద్ లోని ఓ పబ్లిక్ పార్కులో ఇది ‘ప్రత్యక్షమైంది’.. లోహంతో తయారైన ఇది సుమారు 6 అడుగుల పొడవు ఉంది. అయితే దీని కింద తవ్విన గుర్తులు ఏవీ లేకపోవడం ఆశ్ఛర్యంగా ఉందని స్థానికులు చెబుతున్నారు. ఇది ఇక్కడికి ఎలా వచ్చిందో తెలియడంలేదని ఈ పార్క్ బాగోగులు చూస్తున్న ఆశారామ్ అన్నారు. పార్కులో ఎవరూ దీన్ని పెడుతున్నట్టు చూడలేదన్నాడు. నిన్న సాయంత్రం ఇంటికి వెళ్తున్నప్పుడు ఇక్కడ ఏమీ లేదని, కానీ ఈ ఉదయం తాను వచ్చి చూసేసరికి కనిపించిందని ఆయన చెప్పాడు. త్రిభుజాకారంలో ఉన్న ఈ మోనోలిథ్ పై కొన్ని నెంబర్లు, గుర్తులు ఉన్నట్టు స్థానికులు తెలిపారు. దీని వద్ద సెల్ఫీలు తీసుకునేందుకు చాలా మంది ఇక్కడికి చేరుకున్నారు.

ఈ విధమైన స్థూపం వంటిది మొట్టమొదట అమెరికా..ఉటా ఎడారిలో కనిపించింది. ఆ తరువాత రుమేనియా, ఫ్రాన్స్, పోలండ్ . బ్రిటన్, కొలంబియాలలో కూడా కనిపించింది. కాగా- అహమదాబాద్ లోని ఈ పార్క్ నిర్వహణను చూస్తున్న కార్పొరేషన్ అధికారులు ఈ మోనోలిథ్ విశేషాలను, వివరాలను కనుగొనేందుకు ప్రయత్నిస్తున్నారు.
mysterious monolith sighted in ahmadabad first in india, gujarat, mysterious monolith, public park, 6 feet high, locals surprise