డైనోసార్లు అంత చిన్నగా కూడా ఉండేవా..? తాజాగా జరిగిన పరిశోధనలో బయటపడ్డ ఆసక్తికర విషయాలు.

chicken sized dinosaur: డైన్‌సార్‌ను ఇప్పటి వరకు ఎవరూ నేరుగా చూసి ఉండకపోయినా ఆ పేరు వినగానే అందరికీ ఓ భారీ ఆకారం మనసులోకి వస్తుంది. డైనోసార్లు అత్యంత భయంకరంగా, తాటి చెట్టంత పొడువుగా ఉంటాయని మనందరికీ తెలుసు. ఇప్పటి వరకు బయట పడ్డ డైనోసార్ శిలాజాలు కూడా ఈ విషయాన్ని స్పష్టం చేశాయి. అయితే కొడి పిల్లంత పరిమాణంలో ఉండే డైనోసార్లు కూడా ఉండేవనే విషయం మీకు తెలుసా? వినడానికి ఆశ్చర్యంగా ఉన్నా ఇది నిజం.
తాజాగా చైనాకు చెందిన శాస్ర్తవేత్తల పరిశోధనల్లో ఈ ఆసక్తికరమైన విషయం బయటపడింది. చైనాలో దొరికిన 120 మిలియన్ ఏళ్ల నాటి డైనోసార్ శిలాజం ఆధారంగా పరిశోధకులు ఈ విషయాన్ని గుర్తించారు. శాస్ర్తవేత్తలు ఈ శిలాజాన్ని విశ్లేషించిన అనంతరం ఈ డైనోసార్ జాతిని ‘వులాంగ్ బోహైయెన్సిస్’ లేదా ‘డ్యాన్సింగ్ డ్రాగన్’గా నామకరణం చేశారు. ఈ డైనోసార్ ఒకపొడవైన తోకతో ఒక చిన్న పక్షి (కోడి) పరిమాణంలో ఉందని తెలిపారు. అంతేకాకుండా ఈ డైనోసార్ ఊహా చిత్రాన్ని కూడా శాస్ర్తవేత్తలు విడుదల చేశారు.