బిగ్ బాస్ 4: అఖిల్‌కు మోనాల్ సర్‌ప్రైజ్ గిఫ్ట్.. మనసులోని భావాలను పాట‌లో వ్యక్తపరిచిన లవర్ బాయ్..
బిగ్ బాస్ దత్తపుత్రిక మోనాల్ గజ్జర్ ఎట్టికేలకు హౌస్ నుంచి ఎలిమినేట్ అయింది. టాప్5లోకి అఖిల్‌తో పాటు సోహైల్, అభిజిత్, హారిక, అరియానాలు...
Bigg Boss 4: బిగ్ బాస్ దత్తపుత్రిక మోనాల్ గజ్జర్ ఎట్టికేలకు హౌస్ నుంచి ఎలిమినేట్ అయింది. టాప్5లోకి అఖిల్‌తో పాటు సోహైల్, అభిజిత్, హారిక, అరియానాలు వెళ్లినట్లు హోస్ట్ అక్కినేని నాగార్జున అధికారికంగా ప్రకటించేశాడు. ఇక మోనాల్ వెళ్తూ..వెళ్తూ.. తనకు ఎంతో ఇష్టమైన అఖిల్‌కు ఎల్లో రోజ్‌ను గిఫ్ట్‌గా ఇచ్చి హగ్ చేసుకుని కన్నీళ్లు పెట్టుకుంది. అలాగే మోనాల్ కోసం అఖిల్ ‘ఉండిపోరాదే, గుండె నీదేలే..’ అంటూ గుండె లోతుల్లోని ప్రేమ‌ను వెలికితీస్తూ మధురమైన పాటను పాడాడు. నిన్ను బాధ పెట్టినందుకు సారీ అంటూనే వారం రోజుల్లో గుజరాత్ వచ్చి కలుస్తానని చెప్పుకొచ్చాడు. అయితే మాట్లాడడానికి మాత్రమే రావాలని.. గొడవ పెట్టుకోవడానికి వద్దని మోనాల్ హెచ్చరించగా.. దానికి నాగ్ సరదాగా జోక్ వేయడంతో అందరూ నవ్వేశారు.
ఇదిలా ఉంటే హౌస్ నుంచి బయటికి వచ్చేసిన మోనాల్ గజ్జర్.. టాప్5 కంటెస్టెంట్లకు పలు సూచనలు ఇచ్చింది. మోనాల్ లేకపోతే తాను అఖిల్‌తో మాట్లాడేవాడినని గతంలో పలుసార్లు అభిజిత్ చెప్పడంతో.. ఇప్పుడు ఆ సమయం వచ్చిందని.. ఇద్దరూ కలిసి ఉండాలని తెలిపింది. అయితే తాను అలా అనలేదని.. తెలియకుండా ఏమైనా బాధపెట్టి ఉంటే క్షమించాలని అభిజిత్ కోరాడు. ఇక అగ్రెసివ్‌గా ఉండొద్దని అరియానా, సోహైల్‌కు, టాప్ 2 వరకు పోరాటం ఆపొద్దని అరియానాకు.. బాధపడకుండా, చివరి వరకు యాక్టివ్‌గా ఉండాలని అఖిల్‌కు సూచనలు ఇచ్చింది.
Also Read:
కేంద్ర ఎన్నికల సంఘం కీలక నిర్ణయం.. ఇకపై డిజిటల్‌ ఓటరు కార్డు..! ప్రణాళికలు సిద్ధం..
బ్యాంక్ ఖాతాదారులకు గుడ్ న్యూస్.. రేపట్నుంచి 24×7 ఆర్టీజీఎస్‌ సేవలు.. ప్రకటించిన ఆర్బీఐ గవర్నర్..
