Breaking News
  • తెలుగు రాష్ట్రాలకు రూ.10లక్షలు విరాళం. మలికిపురం మండలం మట్టపర్రు సొంత గ్రామానికి తనవంతు సహాయంగా 5లక్షలు అందజేత.. తన కుటుంబ సభ్యుల ద్వారా తన గ్రామంలో రేషన్ కార్డులు ఉన్న ప్రతి ఒక్కరికీ వెయ్యి రూపాయల చొప్పున పంపిణీ.. కరోనా వైరస్ బారిన పడకుండా జాగ్రత్తగా ఉండాలని పిలుపు..
  • న్యూఢిల్లీ: కరోనా వైరస్ పై జరుగుతున్న యుద్ధంలో విజయం సాధించాలంటే ప్రజల సహకారం మరింత అవసరమని కేంద్ర హోం శాఖ సహాయ మంత్రి కిషన్ రెడ్డి.
  • కాశ్మీర్ లోయలో ఒక్కరోజులోనే 7 కొత్త కరోనా కేసుల నమోదు. శ్రీనగర్‌లో విదేశాలకు వెళ్లొచ్చిన ముగ్గురికి, మతపరమైన ప్రార్థనలకు హాజరైన నలుగురికి కరోనా పాజిటివ్. పాజిటివ్ కేసుల కాంటాక్ట్ ట్రేసింగ్ మొదలు పెట్టిన అధికారులు.
  • విజయనగరం : టివి9 సమచారంతో స్పందించిన విశాఖ రీజియన్ డిఐజి కాళిదాసు రంగారావు ఏపి చెన్నై బోర్డర్ అధికారులతో పాటు చైన్నై కి చెందిన పోలీస్ ఉన్నతాధికారులతో మాట్లాడిన డిఐజి విజయనగరం జిల్లాకు చెందిన వారికి మౌలిక సదుపాయాలు కల్పించాలని విన్నపం బాధితులతో మాట్లాడిన రంగారావు.
  • సూర్యాపేట: మోతె మండలం రాఘవ పురం,నామవరం గ్రామాల్లో దళిత కాలనిలో ఇంటి ఇంటికి తిరిగి కూరగాయలు పంపిణీ చేసిన ఎంపీపీ మీ ఆశా శ్రీకాంత్ రెడ్డి. పంచిన ఎంపీపీ ఆశశ్రీకాంత్ రెడ్డి, పాల్గొన్న సర్పంచ్ లు,ఆశా వర్కర్లు, పోలీస్ సిబ్బంది.
  • కరోనా మహమ్మారి ప్రభావం వివిధ రంగాలపై తీవ్రంగా పడింది. దీని బారి నుంచి ప్రజలను కాపాడటానికి ఇప్పటికే హీరోల నుంచి సినీ నిర్మాతల నుంచి , దర్శకుల నుంచి విరాళాలు వెల్లువెత్తిన సంగతి తెలిసిందే. ఈ సంక్షోభం నుంచి సినిమా రంగాన్ని బయటపడేయటానికి సినీ ప్రముఖులు కంకణం కట్టుకున్నారు.
  • తెలంగాణలో లాక్‌డౌన్‌ ఉన్నా కొంతమంది ఖాతరు చేయడం లేదు. అడ్డదారుల్లో రాష్ట్ర సరిహద్దులు దాటేందుకు ప్రయత్నిస్తున్నారు. కంటైనర్‌లో వందల మంది ఇతర రాష్ట్రాలకు వెళ్లే ప్రయత్నం చేయగా.. పోలీసులు అడ్డుకున్నారు.
  • కరోనా పిశాచి అంతకంతకూ కోరలు చాస్తూ విలయతాండవం చేస్తోంది.. అగ్రరాజ్యం అమెరికా సైతం కరోనా మహమ్మారికి అడ్డుకట్ట వేయలేకపోతోంది. అక్కడ ఒక్కరోజే 18 వేల కొత్త కేసులు నమోదయ్యాయి.

5జి నెట్‌వర్క్‌లో ఏముంది… భారత్‌లో ఎందుకంత ఆలస్యం…?

India to get 5G by 2021 ban on certain vendors won't delay roll out: Nokia, 5జి నెట్‌వర్క్‌లో ఏముంది… భారత్‌లో ఎందుకంత ఆలస్యం…?

5జి ఫీవర్‌ మొదలైంది. 5జి మొబైల్స్‌ మార్కెట్లోకి వస్తుండటంతో త్వరలోనే 5జి నెట్‌వర్క్‌ అందుబాటులోకి రానుందని అంచనా వేస్తున్నారు. ఇంతకీ 5జిలో ఏముంది? దీంతో స్మార్ట్‌ఫోన్‌ వినియోగదారునికి కొత్తగా కలిగే ప్రయోజనం ఏంటి? గత రెండేళ్లుగా ఎక్కడ చూసినా 5జి మాట వినిపిస్తోంది. 5జి సపోర్ట్‌ చేసే సామ్‌సంగ్‌ గెలాక్సీ నోట్‌ 10 వంటి మొబైల్స్‌ ప్రస్తుతం అందుబాటులోకి వచ్చాయి. 5జి అంటే కేవలం వేగం మాత్రమే కాదు, కనెక్షన్‌ సాంద్రత పెరగటం, లేటెన్సీ తగ్గడం వంటివి కూడా పరిగణనలోకి తీసుకోవాలి. 5జిని శక్తివంతంగా చేయడం కోసం నోకియా, క్వాల్ కామ్‌, ఎరిక్సస్‌, సాంసంగ్‌, ఇంటెల్‌ వంటి కంపెనీలు పరిశోధనల మీద పెద్ద మొత్తంలో ఖర్చు పెట్టాయి. వాటి ఫలితాలు ఇప్పుడు ఆస్వాదించబోతున్నాం.

5జి ద్వారా అత్యంత వేగవంతమైన ఇంటర్నెట్‌ని సుదూర ప్రాంతాలకు తక్కువ లేటెన్సీతో కల్పించాలంటే సిగ్నల్స్‌ ప్రసారం చేయబడే విధానం మొత్తం కొత్తగా ఉండాలి. దీన్ని సాధించడం కోసం సాంకేతికంగా అనేక మార్పులు 5జిలో చోటుచేసుకున్నాయి. భారత్‌లో 5జీ నెట్‌వర్క్‌కు సంబంధించిన పరికరాలు, మౌలిక వనరులు, స్పెక్ట్రం వంటి కనీస వనరులు ఏవీ ఇప్పటివరకు అందుబాటులో లేవు. భారతదేశంలో 5జీ అందుబాటులోకి రావడానికి 2023 వరకు, సామాన్య ప్రజలకు అందుబాటులోకి రావడానికి 2025 వరకు సమయం పడుతుందని ఒక అంచనా.

ప్రస్తుతం నడుస్తున్న ట్రెండ్ ప్రకారం చూస్తే 3జీ, 4జీ నెట్‌వర్క్‌ ల హవా మరో 5-6 సంవత్సరాలు నడిచే అవకాశం ఉందని అంటున్నారు. భారత్‌లో 2020 కల్లా 5జీని అందుబాటులోకి తీసుకురావాలని ప్రయత్నాలు జరుగుతున్నా… ఇంకా 5జీ స్పెక్ట్రంకి సంబంధించిన ప్రయోగాలే ప్రారంభం కాలేదు. నోకియా, హువావే సంస్థలు భారతదేశంలో ఆయా సంస్థల పరంగా 5జీ ప్రయోగాలు చేసేందుకు సిద్ధం అవుతున్నాయి. అంతర్జాతీయ డేటా కార్పొరేషన్(ఐడీసీ) నివేదిక ప్రకారం 2019లోనే 5జీ కొన్ని దేశాల్లో ప్రారంభం అయింది. 2020 నాటికి మరిన్ని దేశాల్లో అందుబాటులోకి రానుంది. 2020లో ప్రపంచ వ్యాప్తంగా అమ్ముడుపోయే స్మార్ట్ ఫోన్లలో 8.9 శాతం స్మార్ట్ ఫోన్లు 5జీవే ఉంటాయని, ఐడీసీ అంచనా వేసింది. ఇది 2023 నాటికి 28.1 శాతానికి వెళ్తుందని జోస్యం చెప్పింది. 5జీ నెట్ వర్క్ మొబైల్ టెక్నాలజీలో విప్లవాత్మక మార్పులను తీసుకురానుంది.

ప్రస్తుతానికి 5జీని అందరికీ అందుబాటులోకి తీసుకెళ్లడంలో దక్షిణ కొరియా, చైనా, జపాన్, ఆస్ట్రేలియా, అమెరికా ముందున్నాయి. ప్రస్తుతం మార్కెట్లో ఇంటర్నెట్ ఆధారిత కమ్యూనికేషన్లు, వీడియో స్ట్రీమింగ్ చేసే సంస్థల్లో 66 శాతానికి పైగా సంస్థలు 2020 నాటికి 5జీకి తగ్గట్లు సిద్ధమయినా, టెలికాం సంస్థలు ఆ వేగాన్ని అందుకోవడంలో వెనకపడి ఉన్నట్లు కనిపిస్తున్నాయి. రానున్న కాలంలో కమ్యూనికేషన్ సర్వీస్ ప్రొవైడర్లు 5జీకి సిద్ధం కాకపోతే, దాని ప్రభావం వినియోగదారుల మీద పడనుంది. ప్రస్తుతం మార్కెట్లో ఉన్న సంస్థలు, వినియోగదారులకు అవసరమైన లేదా వారి స్థాయికి తగ్గ సర్వీసులను అందించడంలో 5జీ సర్వీస్ ప్రొవైడర్లు అందించే సేవలు ఇంకా చాలా వెనకబడే ఉన్నాయి. మన దేశంలో ప్రస్తుతం 60 కోట్ల మంది ఇంటర్నెట్ యూజర్లు ఉన్నారు. కాబట్టి 5జీ సర్వీసులు అందుబాటులోకి వస్తే వారికి ఉండే అతి పెద్ద మార్కెట్లో భారత దేశం కచ్చితంగా ముందువరుసలోనే ఉంటుంది. కాబట్టి ఈ విషయమై సర్వీస్ ప్రొవైడర్లు, ప్రభుత్వం సత్వర చర్యలు తీసుకుని నిరంతరాయ 5జీ సేవలను త్వరలో మార్కెట్లోకి తీసుకువస్తారని ఆశిద్దాం.

Related Tags