రోడ్డుపై బైక్ స్టంట్స్ చేస్తున్నారా.? బీ కేర్ఫుల్ బ్రో.. ఇకపై పోలీసులు అస్సలు క్షమించరు!
మీరు బైక్ తో రోడ్డు మీద స్టంట్స్ చేస్తే లేదా ఎవరైనా అలా చేస్తున్నట్లు చూస్తే, ఇప్పుడు ఇక జాగ్రత్తగా ఉండండి. బైక్ పై 'విల్లీ' (వీల్ ఎత్తడం, ర్యాష్ డ్రైవింగ్) చేయడం ధైర్యసాహసాలు కాదని, తీవ్రమైన నేరమని కర్ణాటక హైకోర్టు స్పష్టం చేసింది. ఇలాంటి కేసులను కఠినంగా ఎదుర్కోవడానికి చట్టాన్ని మరింత కఠినతరం చేయాలని హైకోర్టు రాష్ట్ర ప్రభుత్వాన్ని, పోలీసు యంత్రాంగాన్ని ఆదేశించింది.
మీరు బైక్ తో రోడ్డు మీద స్టంట్స్ చేస్తే లేదా ఎవరైనా అలా చేస్తున్నట్లు చూస్తే, ఇప్పుడు ఇక జాగ్రత్తగా ఉండండి. బైక్ పై ‘విల్లీ’ (వీల్ ఎత్తడం, ర్యాష్ డ్రైవింగ్) చేయడం ధైర్యసాహసాలు కాదని, తీవ్రమైన నేరమని కర్ణాటక హైకోర్టు స్పష్టం చేసింది. ఇలాంటి కేసులను కఠినంగా ఎదుర్కోవడానికి చట్టాన్ని మరింత కఠినతరం చేయాలని హైకోర్టు రాష్ట్ర ప్రభుత్వాన్ని, పోలీసు యంత్రాంగాన్ని ఆదేశించింది. పెరుగుతున్న ఈ సమస్యను ఆపడానికి ప్రస్తుత చట్టాలు సరిపోవని కోర్టు అంగీకరించింది.
నిజానికి, ఒక బెయిల్ పిటిషన్ను విచారిస్తున్నప్పుడు, జస్టిస్ వి. శ్రీషానంద కీలక వ్యాఖ్యలు చేశారు. మోటారు వాహనాల చట్టం, భారత శిక్షాస్మృతి (IPC)లో స్టంటింగ్ వంటి ప్రమాదకరమైన కార్యకలాపాలను నిరోధించగల ఎటువంటి సెక్షన్లు లేవని అన్నారు. కాబట్టి, ఇప్పుడు రాష్ట్ర ప్రభుత్వం, పోలీసులు కలిసి ఇటువంటి విన్యాసాలు చేసే వారిపై కఠినమైన చట్టాలను రూపొందించాల్సి ఉంటుంది, తద్వారా రోడ్ల భద్రతను కాపాడుకోవచ్చని న్యాయమూర్తి అభిప్రాయపడ్డారు.
నేటి యువత బైక్ స్టంట్స్ చేయడం ‘స్టైల్’ లేదా ‘ధైర్యం’ అని భావిస్తున్నారు. కానీ అది స్టంట్ మాన్ ప్రాణానికే కాకుండా అతని వెనుక కూర్చున్న వ్యక్తితోపాటు రోడ్డుపై నడుస్తున్న ఇతర వ్యక్తుల ప్రాణాలకు కూడా ప్రమాదం కలిగిస్తుందని కోర్టు పేర్కొంది. గతంలో ఈ విన్యాసాలు పెద్ద నగరాలకే పరిమితం అయ్యేవి, కానీ ఇప్పుడు అవి పట్టణాలకు, గ్రామాలకు కూడా వ్యాపించాయి. దీని కారణంగా, ఇది ఒక రాష్ట్రానికి మాత్రమే కాకుండా మొత్తం దేశానికి సమస్యగా మారుతోందని కోర్టు అభిప్రాయపడింది.
బైక్ స్టంట్ కేసులో, గతంలో కూడా స్టంట్స్ చేస్తూ పట్టుబడిన అర్బాజ్ ఖాన్ అనే యువకుడిని పోలీసులు అరెస్టు చేశారు. ఈసారి, స్టంట్తో పాటు, అతను పోలీసులను దుర్భాషలాడాడు. అంతేకాదు అడ్డుకున్న పోలీసులపై దాడి చేశాడు. వారి మొబైల్ ఫోన్ను కూడా నీటిలోకి విసిరాడు. కోర్టు ఈ కేసును సీరియస్గా తీసుకుంది. కేవలం ట్రాఫిక్ ఉల్లంఘనగా మాత్రమే కాకుండా, ప్రజా భద్రతకు సంబంధించిన తీవ్రమైన విషయంగా పరిగణించింది. అందుకే అతని బెయిల్ పిటిషన్ను తిరస్కరించింది.
కోర్టు ఆదేశాలతో రంగంలోకి రంగంలోకి దిగారు కర్ణాటక పోలీసులు. ఇకపై రోడ్డుపై బైక్ విన్యాసాలు చేసే వారిపై కఠిన చర్యలు తీసుకునేందుకు పోలీసులు సిద్ధమయ్యారు. అలాంటి సందర్భాలలో, వాహనం డ్రైవింగ్ లైసెన్స్, రిజిస్ట్రేషన్ సర్టిఫికేట్ (RC) రద్దు చేయాలని బెంగళూరు ట్రాఫిక్ పోలీసులు నిర్ణయించారు. స్టంట్ చేస్తున్న వ్యక్తిని అరెస్ట్ చేసి, వాహనాన్ని జప్తు చేయడం జరుగుతుంది. మైనర్ ఎవరైనా విన్యాసాలు చేస్తే, ఆ వాహన యజమాని లైసెన్స్ రద్దు చేయడం జరుగుతుంది. అలాగే, స్టంట్ చేస్తున్న వారిపై క్రిమినల్ కేసు నమోదు చేసేందుకు బెంగళూరు పోలీసులు సిద్ధమయ్యారు. భవిష్యత్తులో అలాంటి తప్పు పునరావృతం కాకుండా ఉండటానికి వారి నుండి లిఖితపూర్వక క్షమాపణలు తీసుకోవడం జరుగుతుంది.
ఇటీవల పోలీసులు అనేక వాహనాలను స్వాధీనం చేసుకుని, చాలా మంది యువకులను అదుపులోకి తీసుకున్నారు. కొంతమందిని స్టేషన్ బెయిల్పై విడుదల చేసినప్పటికీ, ఇప్పుడు పోలీసులు అలాంటి కేసులలో ఎలాంటి దయ చూపడం లేదు.
మరిన్ని హ్యుమన్ ఇంట్రెస్ట్ వార్తల కోసం ఇక్కడ క్లిక్ చేయండి..